Read NT LS 2005 – Инжил ЛС (2005 Zahariya 2 Bible Online

Zahariya 2 - NT LS 2005 – Инжил ЛС (2005 bible

Zahariya 2

¹Anan men başımdı dagı kötörüp, kolunda jer çenegiç arkanı bar bir adamdı kördüm.

²Men andan: «Kayda bara jatasıŋ?» – dep suradım. Al maga: «İerusalimdi çeneş üçün, anın tuurası menen uzunu kança ekenin biliş üçün bara jatam», – dep joop berdi.

³Anan meni menen süylöşkön perişte ketti, ketip bara jatkanda, anın aldınan dagı bir perişte tosup çıgıp, mınday dedi:

⁴«Tezinen barıp, bul jaş ulanga mınday de: “İçinde adam menen mal köp bolgonduktan, İerusalim çepsiz jaşayt”».

⁵«Men aga, – deyt Teŋir, – anı kurçagan ottuu çep bolom, anın içinde daŋktalam.

⁶Ey, ey! Tündük ölkösünön kaçkıla, – deyt Teŋir. – Antkeni Men silerdi tuş tarapka çaçıp jiberdim, – deyt Teŋir.

⁷Babıldın kızdarınıkında jaşap jatkan Sion, kaçıp kutul».

⁸Antkeni Sebayot Teŋir mınday deyt: «Siler urmattalışıŋar üçün, Al Meni silerdi talap-tonogon elderge karşı jiberdi. Antkeni silerge kim tiyse, al Anın közünün karegine tiygen bolot.

⁹Men kolumdu alarga karşı kötöröm, alar öz kuldarının oljosu boluşat. Oşondo Meni Sebayot Teŋir jibergenin bilesiŋer.

¹⁰Kuban, şattan, Sion kızı! Antkeni Men kelip, senin içiŋde jaşaym, – deyt Teŋir.

¹¹Oşol künü köp elder Teŋirge kelip, Menin elim boluşat. Men senin içiŋde jaşaym, oşondo Meni saga Sebayot Teŋir jibergenin bilesiŋ.

¹²Oşondo Teŋir Jüyüttü, ıyık jerdegi Özünün ençisin, Özünö ençi kılıp alat, İerusalimdi kayradan tandap alat.

¹³Teŋirdin jüzünün aldında eç bir adam unçukpasın! Antkeni Al Özünün ıyık turagınan turup kele jatat».