Read NT LS 2005 – Инжил ЛС (2005 Zahariya 6 Bible Online

Zahariya 6 - NT LS 2005 – Инжил ЛС (2005 bible

Zahariya 6

¹Anan men başımdı dagı kötörüp, eki toonun ortosundagı kapçıgaydan tört maydan araba çıgıp kele jatkanın kördüm. Al toolor jez toolor ele.

²Birinçi arabadagı attar jeerde, ekinçi arabadagı attar kara,

³üçünçü arabadagı attar ak, törtünçü arabadagı attar toru, küçtüü attar eken.

⁴Anan meni menen süylöşkön perişteden: «Bular emne, mırzam?» – dep suradım.

⁵Perişte maga mınday dep joop berdi: «Bular – büt jer jüzünün Teŋirinin aldında turgan jerinen çıgıp kele jatkan tört asman ruhu.

⁶Kara attar çıgıp, tündük ölkösün közdöy bara jatışat, ak attar alardın artınan kele jatışat, toru attar çıgıp, tüştük ölkösün közdöy bara jatışat».

⁷Küçtüü attar çıgıp, büt jer jüzün aralap çıguuga uruksat suraştı. Al: «Bargıla, jerdi aralap çıkkıla», – dedi. Alar jerdi aralap çıgıştı.

⁸Oşondo al meni çakırıp, maga: «Kara, tündük jerine çıkkandar tündük jerinde Menin ruhumdu tınçtandırıştı», – dedi.

⁹Anan maga Teŋirden mınday söz boldu:

¹⁰«Tutkundan kelgen adamdardan – Heldaydan, Tobiyadan jana Jedayadan kümüş menen altın alıp, oşol ele künü Sepaniya uulu Joşiyanın üyünö, alar Babıldan kaysı üygö kelişse, oşol üygö bar.

¹¹Alardan algan kümüş menen altından taajı jasa. Anan anı uluu ıyık kızmat kıluuçu Jetsadak uulu Jeşuyanın başına kiygiz.

¹²Anan aga mınday de: Sebayot Teŋir mınday deyt: Mına Adam, Anın ısımı – Butak, Al Özünün tamırınan önüp çıgıp, Teŋirdin iybadatkanasın turguzat.

¹³Al Teŋirdin iybadatkanasın turguzup, daŋktı kabıl alat, takka oturat, Özünün tagında oturup padışaçılık kılat. Anın tagında ıyık kızmat kıluuçu bolot, eköönün ortosunda tınçtık keŋeşi bolot.

¹⁴Al taajı bolso Heylem, Tobiya, Jedaya, Sepaniya uulu Heyin üçün Teŋirdin iybadatkanasında estelik bolup tura beret.

¹⁵Alıstan da kelip, Teŋirdin iybadatkanasın kuruuga katışışat, oşondo Meni silerge Sebayot Teŋir jibergenin bilesiŋer. Egerde Kuday-Teŋiriŋerdin ünün kunt koyup uga turgan bolsoŋor, uşunday bolot».