Read NT LS 2005 – Инжил ЛС (2005 Zahariya 8 Bible Online

Zahariya 8 - NT LS 2005 – Инжил ЛС (2005 bible

Zahariya 8

¹Sebayot Teŋirden mınday söz boldu:

²Sebayot Teŋir mınday deyt: «Men Siondu çoŋ kızganıç menen kızgandım. Men anı katuu kaar menen kızgandım».

³Teŋir mınday deyt: «Men Siongo kayrılıp kelip, İerusalimde jaşaym, oşondo İerusalim çındık şaarı dep atalat, Sebayot Teŋirdin toosu ıyık too dep atalat».

⁴Sebayot Teŋir mınday deyt: «İerusalimdin köçölöründö kayradan karı kişiler menen karı ayaldar koldoruna tayak karmap oturuşat, antkeni alar uzak ömür sürüşöt.

⁵Bul şaardın köçölörü oynop jürgön jaş baldar menen jaş kızdarga tolot».

⁶Sebayot Teŋir mınday deyt: «Egerde bul oşol kündörü bul eldin közünö ukmuş bolup körünsö ele, Menin közümö da ukmuş bolup körünmök bele? – deyt Sebayot Teŋir».

⁷Sebayot Teŋir mınday deyt: «Men Öz elimdi çıgış ölkösünön jana batış ölkösünön kutkarıp alam.

⁸Alardı alıp kelem, alar İerusalimde jaşap kalışat. Alar Menin elim boluşat, akıykattık menen çındıktın negizinde Men alardın Kudayı bolom».

⁹Sebayot Teŋir mınday deyt: «Sebayot Teŋirdin üyünün paydubalı ornotulgan künü paygambarlar arkıluu aytılgan sözdördü azır da ugup jatkandar, iybadatkananı kuruş üçün, kayrattuu bolgula.

¹⁰Antkeni oşol kündördön murun adamdarga akı tölöö bolgon emes, janıbarlardın emgegi üçün da akı tölöö bolgon emes. Ketip jatkandarga da, kelip jatkandarga da duşmandardan tınçtık bolgon emes. Adamdardın biri-biri menen kastaşuusuna Men jol berçümün.

¹¹Azır bolso bul eldin kaldıgı üçün Men murdagı kündördöy emesmin, – deyt Sebayot Teŋir.

¹²Antkeni egin tınçtıkta aydalat, jüzüm sabagı öz jemişin beret, jer öz tüşümün beret, asman öz şüüdürümün beret: munun baarın Men bul kalgan eldin eeligine berem.

¹³Jüyüt menen Israyıl, siler elderdin arasında kargış bolosuŋar, birok Men silerdi kutkaram, siler bata bolosuŋar. Korkpogula, kayrattuu bolgula!»

¹⁴Antkeni Sebayot Teŋir mınday deyt: «Silerdin ata-babalarıŋar Meni kaardantışkanda, Men silerdi jazaloonu çeçkem, oşol çeçimimdi özgörtkön emesmin, – deyt Sebayot Teŋir.

¹⁵Birok Men bul kündörü İerusalimge jana Jüyütkö kayradan jakşı nerse kıluunu çeçtim. Korkpogula!

¹⁶Siler kıla turgan işter bular: biri-biriŋerge çındıktı aytkıla, darbazaŋardın aldında akıykattık menen tınçtıktı saktap sot jürgüzgülö.

¹⁷Silerdin araŋardan eç kim öz jürögündö jakınına karşı kıyanattık oylobosun, jalgan anttı süybögülö, antkeni munun baarı – Men jek körgön nerseler, – deyt Teŋir».

¹⁸Anan maga Sebayot Teŋirden mınday söz boldu:

¹⁹Sebayot Teŋir mınday deyt: «Törtünçü aydın orozosu, beşinçi aydın orozosu, jetinçi aydın orozosu jana onunçu aydın orozosu Jüyüt tukumu üçün kubanıç menen şattıkka, jakşı mayramdarga aylansın. Çındık menen tınçtıktı süygülö».

²⁰Sebayot Teŋir mınday deyt: «Köptögön elder jana köptögön şaarlardın turgundarı kelişet.

²¹Bir şaardın turgundarı ekinçi şaardın turgundarına barıp: “Teŋirdin aldına barıp sıyınalı, Sebayot Teŋirdi izdeyli”, – deşet; Ar biri: “Men da baram”, – deyt.

²²İerusalimde Sebayot Teŋirdi izdeş üçün, Teŋirge sıyınış üçün, köptögön uruular jana küçtüü elder kelişet».

²³Sebayot Teŋir mınday deyt: «Al kündördö mınday bolot: ar kanday tilderde süylögön bardık elderden on kişi çıgıp, bir jüyüttün eteginen karmap, aga: “Biz seni menen barabız, antkeni Kuday siler menen ekenin uktuk”, – deşet».