Read NT LS 2005 – Инжил ЛС (2005 Zahariya 9 Bible Online

Zahariya 9 - NT LS 2005 – Инжил ЛС (2005 bible

Zahariya 9

¹Teŋirdin Hadrah jerine karşı aytkan paygambarçılık sözü Damaskka kelip toktoyt. Antkeni Teŋirdin közü Israyıldın bardık uruusun kanday karap tursa, bardık elderdi oşondoy karap turat.

²Aga çekteş Hamattı da, Tirdi da, Sidondu da karap turat, antkeni alar akılduu.

³Tir özünö çep kurdu, kümüştü topuraktay, altındı köçödögü batkaktay jıyıp aldı.

⁴Birok Teŋir anı jakırdantat, anın küçün deŋizdin üstündö talkalayt, özün ot jalmayt.

⁵Munu körüp, Aşkelondun üröyü uçat, Azanı da katuu kaltırak basat. Ekrondu da, antkeni anın ümütü jokko çıgat: Azada padışa kalbayt, Aşkelon elsiz kalat.

⁶«Azotto bötön uruu jaşap kalat, peliştilikterdin menmensingendigin jok kılam.

⁷Anın oozunan kandı, tişterinin arasınan özünün jiyirkeniçtüü nerselerin suurup alam, oşondo al da bizdin Kudayıbızga taandık bolot, al Jüyüttö miŋ başı katarında bolot, Ekron Jebus sıyaktuu bolot.

⁸Men Öz üyümdün janına askerge karşı, narı-beri ötköndörgö karşı koşuun koёm, oşondon kiyin kısım körsötüüçü al jerden ötpöyt. Antkeni Men emi munu Özüm karap turam.

⁹Kubanıp, şattıkka bölön, Sion kızı, saltanat kur, İerusalim kızı, saga özüŋdün adilettüü, kutkara turgan, momun Padışaŋ kelet. Al urgaaçı eşekke, kodikke, minip kelet.

¹⁰Oşondo Eprayımdın maydan arabaların, İerusalimdegi attardı jok kılam, soguş jaaları kıyrayt. Al elderge tınçtıktı kabarlayt, Al deŋizden deŋizge çeyin, darıyadan jer kıyırına çeyin üstömdük kılat.

¹¹Sen jönündö aytsam, Men senin tutkundarıŋdı özüŋdün kelişimiŋdin kanı üçün suusu jok ordon çıgaram.

¹²Imütü bar tutkundar, özüŋördün çebiŋerge kaytıp kelgile! Eki eselep kaytarıp bererimdi saga azır aytıp jatam.

¹³Antkeni Men Jüyüttü Özümö jaa kılam, Eprayımdı jebe kılam, Sion, senin uuldarıŋdı Jabandın uuldarına karşı kötöröm, seni alp jookerdin kılıçı sıyaktuu kılam».

¹⁴Teŋir alardın üstünö kelet, Anın jebesi çagılganday uçup çıgat, Kuday-Teŋir surnay tartıp, tüştük boroonu menen jüröt.

¹⁵Alardı Sebayot Teŋir korgoyt, alar öz duşmandarın kırışat, salmoor taştardı tebeleşet, kanga toyup, şarapka mas bolgonsup küüldöşöt, alar kurmandık çalınuuçu idişter sıyaktuu, kurmandık çalınuuçu jaydın burçtarı sıyaktuu kanga toluşat.

¹⁶Koyçu koylorun kanday kutkarıp alsa, oşol künü alardın Kuday-Teŋiri Öz elin oşondoy kutkarıp alat. Antkeni alar Anın jerinde taajıdagı asıl taştarday bolup jarkıraşat.

¹⁷Kanday jırgal, kanday sonun! Alardın ulandarı nan menen, kızdarı şarap menen ösüşöt.