Read NT LS 2005 – Инжил ЛС (2005 Malahiya 2 Bible Online

Malahiya 2 - NT LS 2005 – Инжил ЛС (2005 bible

Malahiya 2

¹Oşonduktan bul osuyat siler üçün, ıyık kızmat kıluuçular:

²Egerde siler til albasaŋar. Menin ısımımdı daŋktoonu jürögüŋörgö kabıl albasaŋar, - deyt Sebayot Teŋir, -anda Men silerge kargış jiberem, silerdin bataŋardı kargışka aylandıram. azır ele kargay baştadım, antkeni siler buga jürögüŋördü burguŋar kelbey jatat.

³Mına, Men silerdin tukumuŋardı kargaym, betiŋerge kık çaçam, betiŋerge mayramdarda çalgan kurmandıktarıŋardın kıgın çaçam, silerdi oşolor menen koşo ırgıtışat.

⁴Men bul osuyattı silerge Özümdün Lebi menen tüzgön kelişimimdi saktaş üçün bergenimdi oşondo bilesiŋer, - deyt Sebayot Teŋir.

⁵Menin anı menen tüzgön kelişimim ömür jana tınçtık kelişimi ele. Men anı aga Menden korkup jürsün dep bergem. Al Menden korkçu. Menin ısımımdın aldında titirep turçu.

⁶Çındıktın mıyzamı anın oozunda ele, anın tilinde jalgançılık bolgon emes. Al Meni menen tınçtık jana çındık jolunda jürdü, köp adamdardı künöödön burdu.

⁷Antkeni ıyık kızmat kıluuçunun oozu bilimdi saktaş kerek, mıyzamdı anın oozunan izdeşet, antkeni al - Sebayot Teŋirdin kabarçısı.

⁸Birok siler joldon çıgıp kettiŋer, mıyzamdı üyrötüüdö köp adamdardı adaştırdıŋar. Lebi menen tüzülgön kelişimdi buzduŋar. - deyt Sebayot Teŋir.

⁹Oşonduktan Men da silerdi bardık elderdin aldında jek köründü, kemsintilgen el kılam, antkeni siler Menin joldorumdu saktabay jatasıŋar, mıyzam işterinde bet karamalık kılıp jatasıŋar".

¹⁰Bardıgıbızdın Atabız bir emespi? Bardıgıbızdı bir ele Kuday jaratkan emespi? Anda emne üçün ata-babalarıbızdın kelişimin buzup, biri-biribizge işenimsiz bolup jatabız?

¹¹Jüyüt işenimsizdik kılıp jatat, Israyıl menen İerusalimde jiyirkeniçtüü işter bolup jatat. Antkeni Jüyüt özü süygön ıyık mıyzamdı - Teŋirdin mıyzamın buzdu, çooçun kudaydın kızına üylöndü.

¹²Jakıptın çatırlarınan uşunday kılgan adamdı, al sakçı bolobu, joop berüüçü adam bolobu, Sebayot Teŋirge kurmandık çaluuçu adam bolobu, Teŋir jok kılat.

¹³Siler munu da kılıp jatasıŋar: Teŋirdin kurmandık çalınuuçu jayına ıy jana zar-muŋ menen köz jaş tögüp jatasıŋar, birok Al mından arı tartuuŋardı karabayt, silerdin koluŋardan kurmandıktardı kabıl albayt.

¹⁴Siler: "Emne üçün?" - dep surap jatasıŋar. Antkeni jaş çagıŋda algan ayalın ekööŋördün ortoŋordo Teŋir kübö bolgon, al senin ömürlük joldoşuŋ jana nikelüü ayalıŋ bolgonuna karabastan, sen aga işenimsizdik kıldıŋ.

¹⁵Birok içinde özgöçö ruhu bar bir adam uşunday kılgan emes bele? Al adam emne kıldı ele? Al Kudaydan tukum aluunu kaalagan. Oşonduktan ruhuŋardı saktagıla, eç kimiŋer jaş çagıŋarda algan ayalıŋarga işenimsizdik kılbagıla.

¹⁶"Kim anı jek körüp, ketirip jiberse, - deyt Israyıldın Kuday-Teŋiri. - al özünün kiyimin bulgayt, - deyt Sebayot Teŋir. Oşonduktan öz ruhuŋardı saktagıla jana işenimsizdik kılbagıla.

¹⁷Siler Teŋirdi sözüŋör menen kaardantıp jatasıŋar da, anan: "Biz Anı emne kılıp kaardantıp jatabız?" - deysiŋer. Siler Anı "Mıyzamsızdık kılgan ar bir adam Teŋirdin köz aldında jakşı, Aga uşundaylar jagat", je bolboso "Akıykat Kuday kana?" degeniŋer menen kaardantıp jatasıŋar.