Read NT LS 2005 – Инжил ЛС (2005 Malahiya 3 Bible Online

Malahiya 3 - NT LS 2005 – Инжил ЛС (2005 bible

Malahiya 3

¹Mına, Men Özümdün periştemdi jiberip jatam, al Menin aldımda jol dayardap koet, siler izdep jatkan Teŋir Öz iybadatkanasına kütülbögön jerden kelet, silerkaalagan kelişim periştesi kelet. Mına, Al kele jatat, - deyt Sebayot Teŋir.

²Al kelgen künü kim çıday alat? Al kelgende, kim turuştuk bere alat? Antkeni Al eritüüçü ottoy, tazalooçu şakarday.

³Al kümüştü kayradan eritip tazaloo üçün oturat, Lebi uuldarın tazalayt, altın menen kümüştü eritkendey. alardı kayradan eritet, oşondo alar Teŋirge adildik menen kurmandık çalışat.

⁴Oşondo Jüyüt menen İerusalimdin kurmandıgı Teŋirge bayırkı kündördögüdöy, murunku jıldardagıday jagımduu bolot.

⁵Men silerge jazalaş üçün kelem, sıykırçılardın, oynoştuk kılgandardın, kalp kargangandardın, jalçılardın akısın berbegenderdin, jetim menen jesirge kısım körsötköndördün, kelginge tuura emes mamile kılgandardın tez aşkerelööçüsü bolom. Alar Menden korkuşpayt, -deyt Sebayot Teŋir.

⁶Antkeni Men Teŋirmin. Men özgörböym. Oşonduktan siler, Jakıp uuldarı, tukum kurut bolgon joksuŋar.

⁷Siler ata-babalarıŋardın kündörünön beri Menin mıyzamdarımdan baş tartıp, alardı atkarbay kele jatasıŋar. Maga kayrılıp kelgile, oşondo Men da silerge kayrılıp kelem, - deyt Sebayot Teŋir. Siler: "Emne kılıp kayrılıp kelebiz?" - deysiŋer.

⁸Adamga Kudaydıkın uurdaganga bolobu? Siler Menikin uurdap jatasıŋar. "Biz Senikin emne kılıp uurdap jatabız?" - deysiŋer. Onduk berbey, tartuu alıp kelbey uurdap jatasıŋar.

⁹Siler katuu kargışka kaldıŋar, antkeni siler, büt el, Menikin uurdap jatasıŋar.

¹⁰Menin üyümdö tamak boluş üçün, onduktardın baarın kazına üyünö alıp kelgile. Meni uşul arkıluu sınap körgülö, - deyt Sebayot Teŋir. - siler üçün Men asman terezelerin açpayt bekem? Silerge batamdı aşıgı menen tökpöyt bekem?

¹¹Siler üçün Men bardıgın jalmooçularga tıyuu salam, oşondo alar silerdin tüşümüŋördü kıyratpayt, talaadagı jüzüm sabagıŋar öz jemişinen ajırabayt, - deyt Sebayot Teŋir.

¹²Bardık elder silerdi baktıluu dep aytışat, antkeni siler suktanarlık ölkö bolosuŋar, - deyt Sebayot Teŋir.

¹³Siler Maga karşı taymanbay süylöp jatasıŋar, deyt Teŋir. Siler: "Biz Saga karşı emneni süylöp jatabız?" - deysiŋer.

¹⁴Siler: "Kudayga kızmat kıluu - kurulay ubarakerçilik. Anın buyruktarın saktap jürgönübüzdön. Sebayot Teŋirdin aldında kaygırıp jürgönübüzdön kanday payda boldu?

¹⁵Azır biz tekeberlerdi baktıluu dep esepteybiz: mıyzamsız işterdi kılgandar jaşoosunda iygilikke jetip jatışat. Alar Kudaydı sınaşsa da, aman kalıp jatışat". - dep jatasıŋar.

¹⁶Birok Kudaydan korkkondor biri-birine: "Teŋir kulak salıp jatat. Al ugup jatat. Teŋirden korkup. Anın ısımın urmattagandar tuuraluu Anın aldında estelik kitep jazılıp jatat", - deşet.

¹⁷Alar Meniki bolot, - deyt Sebayot Teŋir. - Men belgilegen künü alar Menin mençigim boluşat, adam özünö kızmat kılgan uuluna kanday ırayım kılsa, Men da alarga oşondoy ırayım kılam.

¹⁸Oşondo adil adam menen mıyzamsız adamdın. Kudayga kızmat kılgan adam menen kızmat kılbagan adamdın ortosundagı ayırmanı kayradan körösüŋör.