Read NT LS 2005 – Инжил ЛС (2005 Matay 1 Bible Online

Matay 1 - NT LS 2005 – Инжил ЛС (2005 bible

Matay 1

¹Iysa Maşayaktın sanjırası: Al – Dööttün Uulu, Al – Ibrayımdın Uulu.

²Ibrayımdan Iskak, Iskaktan Jakıp, Jakıptan Jüyüt jana dagı başka baldar törölgön.

³Jüyüt menen Tamardan Peres menen Zerak törölgön. Peresten Hesron, Hesrondon Ram törölgön.

⁴Ramdan Aminadap, Aminadaptan Nahşon, Nahşondon Salmon törölgön.

⁵Salmon menen Rahaptan Buuz törölgön. Buuz menen Ruttan Obeyt törölgön. Obeytten Jışay törölgön.

⁶Jışaydan Dööt padışa törölgön. Dööttön Sulayman törölgön. Sulaymandın enesi murun Uriydin ayalı bolçu.

⁷Sulaymandan Rehabam, Rehabamdan Abiyam, Abiyamdan Asa,

⁸Asadan Joşapat, Joşapattan Joram, Joramdan Uziya,

⁹Uziyadan Jotam, Jotamdan Ahaz, Ahazdan Hiskiya,

¹⁰Hiskiyadan Menaşe, Menaşeden Amon, Amondon Joşiya törölgön.

¹¹Babıl ölkösünö tutkundalıp bara jatkanda, Joşiyadan Jayakim, Jayakimden Jayahin jana dagı başka baldar törölgön.

¹²Babıl ölkösünö tutkundalıp bargandan kiyin, Jayahinden Şalem törölgön. Şalemden Zorobabıl,

¹³Zorobabıldan Abıyut, Abıyuttan Eliyakim, Eliyakimden Adzor,

¹⁴Adzordon Sadok, Sadokton Akim, Akimden Eliyut,

¹⁵Eliyuttan Elazar, Elazardan Matan, Matandan Jakıp törölgön.

¹⁶Jakıptan Mariyamdın küyöösü Jusup törölgön. Mariyamdan Maşayak dep atalgan Iysa töröldü.

¹⁷Oşentip, Ibrayımdan Döötkö çeyin bardıgı bolup on tört muun, Dööttön Babıl tutkundugu ubagına çeyin on tört muun, Babıl tutkundugu ubagınan Maşayak törölgöngö çeyin on tört muun.

¹⁸Iysa Maşayaktın törölüşü mınday boldu: Anın enesi Mariyam Jusup menen ubadalaşıp koygon. Birok alardın nikesi kıyıla elekte ele, Mariyamdın Iyık Ruhtan koş boyluu bolgonu belgilüü boldu.

¹⁹Anın boloçok küyöösü Jusup adil adam bolgonduktan, Mariyamdı el aldında uyatka kaltırgısı kelgen jok. Oşonduktan al Mariyam menen bekitken ubadasın jaşıruun buzuunu oylodu.

²⁰Uşunday oygo kelgen kezde, Teŋirdin periştesi aga tüşündö körünüp, mınday dedi: «Jusup, Dööttün uulu! Mariyamdı ayaldıkka aluudan korkpo, antkeni anın boyuna bütkön bala Iyık Ruhtan.

²¹Al Uul töröyt, Anın ısımın Iysa dep koygun. Antkeni Al Öz elin künöölörünön kutkarat».

²²Bulardın baarı Teŋirdin Işaya paygambar arkıluu «Kız koş boyluu bolup, Uul töröyt, anın ısımın Emanuel dep koyuşat» dep aytkan sözünün atkarılışı üçün boldu. Bul ısım «Kuday biz menen» dep kotorulat.

²⁴Jusup oygongondon kiyin, Teŋirdin periştesi buyruganday kıldı. Al Mariyamdı ayaldıkka aldı.

²⁵Birok Mariyam Uulun törögüçö, Jusup aga jakındagan jok. Uul törölgöndö, Jusup Anın ısımın Iysa dep koydu.