Read NT LS 2005 – Инжил ЛС (2005 Matay 10 Bible Online

Matay 10 - NT LS 2005 – Инжил ЛС (2005 bible

Matay 10

¹Iysa on eki şakirtin çakırıp alıp, alarga ar türdüü oorulardı, ar kanday keselderdi ayıktıruuga jana jinderdi kuup çıgaruuga biylik berdi.

²On eki elçinin ısımdarı mınday: Petir degen da ısım koyulgan Şımon jana anın bir tuuganı Andrey, Zebedeydin uuldarı Jakıp menen Jakan,

³Pilip jana Bartalamey, Tomas jana salık jıynooçu Matay, Alpey uulu Jakıp jana Taday degen da ısımı bar Lebi,

⁴kaanalık Şımon jana Iysaga çıkkınçılık kılgan Jüyüt İskariot.

⁵On eki şakirtin jiberip jatıp, Iysa mınday buyruk berdi: «Butparastardın jerine barbagıla, samariyalıktardın şaarlarına kirbegile.

⁶Adegende Israyıl elinin adaşkan koyloruna bargıla.

⁷Barganıŋarda, Asman Padışaçılıgının jakındaganın jarıyalagıla.

⁸Ooruluulardı, pes ooruluulardı ayıktırgıla, ölgöndördü tiriltkile, jinderdi kuup çıgargıla. Beker aldıŋarbı, beker bergile.

⁹Beliŋerge altın da, kümüş da, jez tıyın da tüyüp albagıla.

¹⁰Jolgo tüyünçök da, eki sıyra kiyim da, çarık da, tayak da albagıla. Antkeni emgektengen adam içip-jegenge akıluu.

¹¹Kaysı gana şaarga je kıştakka barbagıla, al jerden ılayıktuu biröönü suraştırıp taap, ketkeniŋerçe, oşonukunda kalgıla.

¹²Üygö kirgende, salamdaşıp: “Bul üygö tınçtık kelsin!” – degile.

¹³Egerde al üydö tınçtıktı kabıl aluuga tatıktuular bolso, tınçtıgıŋar alarga kelet. Egerde tatıktuular jok bolso, tınçtıgıŋar özüŋörgö kaytıp kelet.

¹⁴Al emi kim silerdi kabıl albasa jana sözüŋörgö kulak salbasa, al üydön je al şaardan çıgıp bara jatkanıŋarda, butuŋardagı çaŋdı küüp koygula.

¹⁵Silerge çındıktı aytıp koёyun, sot künü al şaarga karaganda Sodom menen Amor şaarlarına jeŋilireek bolot.

¹⁶Men silerdi karışkırlardın arasına koylordu koё bergen sıyaktuu jiberip jatamın. Oşonduktan jılanday akılduu, kögüçköndöy jönököy bolgula.

¹⁷Adamdardan sak bolgula, antkeni alar silerdi sotko berişet jana sinagogalarında urup-sabaşat.

¹⁸Men üçün silerdi başçılardın jana padışalardın aldına alıp barışat. Oşentip, siler alarga jana butparastarga Men jönündö kübölöndürösüŋör.

¹⁹Silerdi karmap berişkende, “Emneni aytabız, kantip aytabız?” dep tınçsızdanbagıla. Emneni aytuu kerek bolso, oşol uçurda silerge berilet.

²⁰Antkeni siler emes, siler arkıluu Ataŋardın Ruhu süylöyt.

²¹Bir tuugan bir tuuganın, atası balasın ölümgö kıyat. Baldarı ata-enelerine karşı çıgıp, alardı öltürüşöt.

²²Menin ısımım üçün baarına jek köründü bolosuŋar. Kim akırına çeyin çıdasa, al kutkarılat.

²³Silerdi bir şaardan kubalaşsa, başka şaarga kaçkıla. Silerge çındıktı aytıp koёyun, siler Israyıldın bardık şaarların aylanıp çıkkanıŋarça ele, Adam Uulu kelip kalat.

²⁴Şakirt öz ustatınan, kul öz kojoyununan jogoru emes.

²⁵Şakirtke özünün ustatınday, kulga özünün kojoyununday boluu jetiştüü. Egerde üy eesin Belzebul deşse, anda üydögülörünö andan beter jaman aytışpaybı!

²⁶Oşonduktan alardan korkpogula. Antkeni açılbay kalçu jaşıruun eç nerse jok, bilinbey kalçu eç bir sır jok.

²⁷Silerge karaŋgılıkta aytkanımdı siler jarıkta aytkıla. Akırın aytkanımdı tam üstünön jarıyalagıla.

²⁸Deneni öltürüp, birok jandı öltürö albagandardan korkpogula. Jandı da, deneni da ottuu köldö öltürö ala turgandan korkkula.

²⁹Eki tarançı bir assariyge ele satılat emespi. Birok Ataŋardın erkisiz alardın biri da ölböyt.

³⁰Al emi silerdin başıŋardagı çaçıŋar da sanaluu.

³¹Oşonduktan korkpogula, siler top tarançıdan kımbatsıŋar.

³²Kim Meni adamdardın aldında açık taanısa, Men da anı asmandagı Atamdın aldında açık taanıym.

³³Kim adamdardın aldında Menden baş tartsa, Men da asmandagı Atamdın aldında andan baş tartam.

³⁴Meni jer üstünö tınçtık alıp keldi dep oylobogula. Men tınçtık emes, kılıç alıp keldim.

³⁵Antkeni Men balanı atasınan, kızdı enesinen, kelindi kaynenesinen bölüü üçün keldim.

³⁶Adamdın duşmanı – öz üyündögülörü.

³⁷Kim atasın je enesin Menden artık süysö, al Maga tatıktuu emes. Kim uulun je kızın Menden artık süysö, al Maga tatıktuu emes.

³⁸Kim Meni öz aykaş jıgaçın alıp eerçibese, al Maga tatıktuu emes.

³⁹Kim öz janın ayasa, al andan tübölükkö ajırayt. Al emi kim Men üçün öz janınan ajırasa, al anı saktap kalat.

⁴⁰Kim silerdi kabıl alsa, al Meni kabıl algan bolot. Kim Meni kabıl alsa, al Meni jibergen Kudaydı kabıl algan bolot.

⁴¹Kim paygambardı paygambar katarı kabıl alsa, al paygambardıkınday sıylık alat. Kim takıbaanı takıbaa katarı kabıl alsa, al takıbaanıkınday sıylık alat.

⁴²Kim Menin uşul jönököy şakirtterimdin birine, al Menin şakirtim bolgonu üçün, bir çöyçök muzdak suu berse, silerge çındıktı aytıp koёyun, al sıylıksız kalbayt».