Read NT LS 2005 – Инжил ЛС (2005 Matay 12 Bible Online

Matay 12 - NT LS 2005 – Инжил ЛС (2005 bible

Matay 12

¹İşembi kündörünün birinde Iysa egin talaası menen ketip bara jatkan. Açka bolgon şakirtteri buudaydın baştarın üzüp jey baştaştı.

²Munu körgön pariseyler Iysaga: «Mına, Senin şakirtteriŋ işembi künü kıluuga bolboy turgan işti kılıp jatışat», – deşti.

³Oşondo Iysa alarga mınday dedi: «Özü jana janındagılar açka bolgondo, Dööttün emne kılganı jönündö okugan jok beleŋer?

⁴Dööt Kuday üyünö kirip, ıyık kızmat kıluuçulardan başka eç kimge jegenge bolboy turgan nan kurmandıgın jegen.

⁵İşembi kündörü iybadatkanada ıyık kızmat kıluuçular işembi kündü buzuşsa da, künöölüü bolbostugu jönündö mıyzamdan okugan jok beleŋer?

⁶Silerge aytıp koёyun, bul jerde iybadatkanadan çoŋ Biröö bar.

⁷Egerde siler “Men kurmandıktardı emes, ırayımduuluktu kaalaym” degen sözdü tüşünsöŋör, ayıpsızdardı ayıptabas eleŋer.

⁸Antkeni Adam Uulu – işembi kündün da kojoyunu».

⁹Al jerden ketip bara jatıp, Iysa alardın sinagogasına kirdi.

¹⁰Oşol jerde bir kolu şal bolup kalgan adam bar ele. Pariseyler Anı ayıptoo üçün: «İşembi künü ooruluunu ayıktıruuga bolobu?» – dep suraştı.

¹¹Iysa alarga mınday dedi: «İşembi künü birööŋördün jalgız koyuŋar çuŋkurga tüşüp ketse, barıp, anı çıgarıp albayt beleŋer?

¹²Koygo karaganda, adam kança ese baaluu! Demek, işembi künü jakşılık kıluuga bolot».

¹³Anan tigi adamga: «Koluŋdu sunçu!» – dedi. Al kolun sundu. Oşondo anın kolu ayıgıp, ekinçi kolunday bolup kaldı.

¹⁴Pariseyler bolso sırtka çıgıp, Iysanı öltürüü jönündö keŋeşişti. Iysa munu bilip, al jerden ketip kaldı.

¹⁵Oşondo Iysanı köp adam eerçip aldı. Iysa alardın baarın ayıktırıp,

¹⁶Özü jönündö başkalarga jarıyaloogo katuu tıyuu saldı.

¹⁷Işaya paygambar arkıluu aytılgan bul sözdün atkarılışı üçün uşunday boldu:

¹⁸«Mına, Menin tandap algan Kulum, Menin Süyüktüüm, Men Aga ıraazımın. Men Aga Özümdün Ruhumdu berem, Al elderge akıykattıktı jar salat.

¹⁹Al kıykırbayt, ünün kötörböyt, köçödön Anın ünün ukpaysıŋ.

²⁰Akıykattıktı jeŋişke jetkirmeyinçe, çala sıngan kamıştı sındırıp salbayt, tütöp jatkan çıraktın biligin öçürüp salbayt.

²¹Anın ısımına elder ümüttönüşöt».

²²Andan kiyin Iysaga jin ooruluu, sokur, duduk bir adamdı alıp kelişti. Iysa al adamdı ayıktırdı, anın tili süylöp, közü körüp kaldı.

²³Eldin baarı taŋ kalıp: «Dööttün Uulu Maşayak uşul emespi?» – deşti.

²⁴Munu ukkan pariseyler: «Jinderdi Al jinderdin başçısı Belzebuldun küçü menen kuup çıgarıp jatat», – deşti.

²⁵Iysa alardın oyun bilip, mınday dedi: «İç ara bölüngön padışaçılık kulayt. İç ara bölüngön şaar kıyrayt, iç ara bölüngön üy-bülö buzulat.

²⁶Egerde şaytan şaytandı kuup çıgarıp jatsa, anda al özünö özü karşı çıgıp jatkan eken da?! Anda anın padışaçılıgı kantip turat?

²⁷Egerde Men jinderdi Belzebuldun küçü menen kuup çıgarıp jatkan bolsom, anda silerdin uuldarıŋar kimdin küçü menen kuup çıgarıp jatışat? Oşonduktan silerdi oşolor ayıptaşat.

²⁸Egerde Men jinderdi Kudaydın Ruhu menen kuup çıgarıp jatkan bolsom, anda silerge Kudaydın Padışaçılıgı keldi.

²⁹Küçtüü adamdı baylap salmayınça, üyünö kirip, mal-mülkün uurdoo mümkünbü? Anı baylap salgandan kiyin gana üyün tonoogo bolot.

³⁰Kim Meni menen bolboso, al Maga karşı. Kim Meni menen birge jıynabasa, al çaçat.

³¹Oşonduktan silerge aytıp koёyun, ar bir künöö jana akarat sözdör keçirilet, birok Ruhka karşı aytılgan akarat sözdör keçirilbeyt.

³²Kim Adam Uuluna karşı söz aytsa, anın bul künöösü keçirilet. Al emi kim Iyık Ruhka karşı söz aytsa, anın bul künöösü bul kılımda da, keleçek kılımda da keçirilbeyt.

³³Daraktı da, jemişin da jakşı dep eseptegile. Je daraktı da, jemişin da jaman dep eseptegile. Antkeni darak jemişinen bilinet.

³⁴Jılan tukumdarı! Jaman bolup turup, jakşı sözdü kantip süylömök eleŋer? Jürök emnege tolso, oozdon oşol çıgat.

³⁵Jakşı adam jakşı kazınasınan jakşılık alıp çıgat. Jaman adam jaman kazınasınan jamandık alıp çıgat.

³⁶Silerge aytıp koёyun, adamdar ar bir kuru sözü üçün sot künü joop berişet.

³⁷Antkeni öz sözüŋ menen aktalasıŋ, öz sözüŋ menen ayıptalasıŋ».

³⁸Oşondo mıyzam okutuuçular menen pariseylerdin kee biröölörü mınday deşti: «Ustat, Senin bizge bir jışaan körsötüşüŋdü kaalaybız».

³⁹Iysa alarga mınday dep joop berdi: «Buzulgan, jaman muun jışaan körgüsü kelet. Birok aga Junus paygambardın jışaanınan başka jışaan körsötülböyt.

⁴⁰Junus paygambar üç kün, üç tün çoŋ balıktın içinde bolgondoy ele, Adam Uulu da üç kün, üç tün jer ortosunda bolot.

⁴¹Ninebi eli sot künü bul muun menen birge tirilip, bul muundu ayıptayt. Antkeni ninebilikter Junustun nasaat sözün ugup tobo kılışkan. Birok bul jerde Junustan çoŋ Biröö bar.

⁴²Tüştüktük padışa ayal sot künü bul muun menen birge tirilip, bul muundu ayıptayt. Sulaymandın nakıl sözdörün uguş üçün, al padışa ayal düynönün bir çetinen kelgen. Birok bul jerde Sulaymandan çoŋ Biröö bar.

⁴³Jin adamdın içinen çıkkandan kiyin, tınçtık izdep, kurgak jerlerdi kıdırat, birok tappayt.

⁴⁴Oşondo: “Çıkkan jerime, öz üyümö kaytayın”, – deyt. Üyünö kelip, anın boş ekenin, şıpırılıp, jıynalganın köröt.

⁴⁵Anan barat da, özünön da aşıngan jeti jindi eerçitip kelet. Bardıgı al üygö kirip, jaşay baştaşat. Oşondo al adamdın abalı murunkusunan da jaman bolot. Bul jaman muunga da oşondoy bolot».

⁴⁶Iysa elge süylöp jatkan maalda, enesi menen bir tuugandarı Anı menen süylöşüş üçün, sırtta kütüp turuştu.

⁴⁷Oşondo kimdir biröö: «Eneŋ menen bir tuugandarıŋ Seni menen süylöşüş üçün, sırtta turuşat», – dedi.

⁴⁸Iysa munu aytkan adamga: «Menin enem kim? Bir tuugandarım kim?» – dedi da,

⁴⁹şakirtterin körsötüp: «Mına, Menin enem, Menin bir tuugandarım.

⁵⁰Kim Menin Asmandagı Atamdın erkin atkarsa, oşol Menin inim, karındaşım, enem», – dep joop berdi.