Read NT LS 2005 – Инжил ЛС (2005 Matay 13 Bible Online

Matay 13 - NT LS 2005 – Инжил ЛС (2005 bible

Matay 13

¹Oşol künü Iysa üydön çıgıp, köldün jeegine barıp oturdu.

²Janına köp el çogulup kalgandıktan, Al kayıkka tüştü. El bolso jeekte turdu.

³Oşondo Iysa alarga ülgü-nasaat aŋgemeler menen köp nasaat ayttı. Al mınday dedi: «Sebüüçü ürön sebüü üçün çıktı.

⁴Al seep jatkanda, kee bir üröndör jol boyuna tüştü. Kanattuular uçup kelip, alardı terip jep ketişti.

⁵Kee bir üröndör topuragı az, taştak jerge tüştü. Jerdin kırtışı juka bolgonduktan, alar tez ele önüp çıktı.

⁶Birok kün çıkkanda, soolup, tereŋ tamırlay albay, kuurap kaldı.

⁷Kee bir üröndör tikenektin arasına tüştü. Tikenekter ösüp, alardı basıp saldı.

⁸Kee bir üröndör jakşı topurakka tüşüp, biri jüz ese, biri altımış ese, biri otuz ese tüşüm berdi.

⁹Kimdin kulagı bar bolso, al uksun!»

¹⁰Şakirtteri jakın kelip, Iysadan: «Emne üçün Sen alarga ülgü-nasaat aŋgemeler menen süylöp jatasıŋ?» – dep suraştı.

¹¹Iysa alarga mınday dep joop berdi: «Silerge Asman Padışaçılıgının sırların taanıp bilüü mümkünçülügü berildi, alarga bolso berilgen jok.

¹²Antkeni kimde bar bolso, aga dagı berilet, anda mol bolot. Al emi kimde jok bolso, andan bar nersesi da tartılıp alınat.

¹³Alarga ülgü-nasaat aŋgemeler menen süylögönümdün sebebi: alar karap turuşsa da körüşpöyt, ugup turuşsa da uguşpayt jana tüşünüşpöyt.

¹⁴Işayanın alar jönündö aytkan bul paygambarçılıgı atkarılıp jatat: “Kulagıŋar menen ugup turasıŋar, birok tüşünböysüŋör; közüŋör menen karap turasıŋar, birok körböysüŋör.

¹⁵Antkeni bul eldin kökürögü sokur bolup kalgan, kulagın jaap, közün juump algan, oşonduktan alardın közdörü körböyt, kulaktarı ukpayt, tüşünüşpöyt jana ayıgış üçün Maga kayrılışpayt”.

¹⁶Al emi siler közüŋör menen körüp, kulagıŋar menen ugup turganıŋar üçün baktıluusuŋar.

¹⁷Silerge çındıktı aytıp koёyun, köp paygambarlar jana adil adamdar siler körgöndü körüünü kaalaşkan, birok körüşkön jok. Siler ukkandı uguunu kaalaşkan, birok uguşkan jok.

¹⁸Emese, sebüüçü jönündögü ülgü-nasaat aŋgemenin maanisin ugup algıla.

¹⁹Asman Padışaçılıgı jönündögü sözdü ugup, birok tüşünbögön adamga amalköy kelet da, anın jürögünö sebilgendi uurdap ketet. Jol boyuna tüşkön ürön mına uşunu bildiret.

²⁰Taştak jerge tüşkön ürön munu bildiret: adam sözdü ugat da, daroo kubanıç menen kabıl alat.

²¹Birok söz anın jürögündö tereŋ tamırlay albagandıktan, al adam turuksuz bolot. Söz üçün kaygı je kuuguntuk bolgondo, al daroo baş tartıp ketet.

²²Tikenektin arasına tüşkön ürön munu bildiret: adam sözdü ugat, birok bul düynönün tüyşügü jana baylıkka azgırıluu sözdü basıp salat da, söz jemiş berbey kalat.

²³Jakşı jerge tüşkön ürön sözdü ugup, tüşüngön adamdı bildiret. Al jüz ese, je altımış ese, je otuz ese tüşüm beret».

²⁴Iysa alarga dagı başka ülgü-nasaat aŋgeme ayttı: «Asman Padışaçılıgın bul nersege salıştıruuga bolot: bir adam öz talaasına jakşı ürön septi.

²⁵El uykuda jatkanda, anın duşmanı kelip, buuday arasına kara soyloktun urugun seep ketti.

²⁶Buuday baş alıp kalganda, kara soyloktor da ösüp çıktı.

²⁷Oşondo üy eesinin kuldarı kelip: “Kojoyun, sen talaaŋa jakşı ürön seppediŋ bele? Bul kara soyloktor kaydan payda boldu?” – dep suraştı.

²⁸“Munu duşman kıldı”, – dep joop berdi üy eesi. Kuldarı: “Egerde kaalasaŋ, biz barıp, alardı julup taştaybız”, – deşti.

²⁹Birok üy eesi: “Jok. Kara soyloktordu julam dep, buudaydı koşo julup alasıŋar.

³⁰Tim koygula, orok maalına çeyin eköö çoguu ösö bersin. Orok maalı kelgende, men orokçularga: "Adegende kara soyloktordu orgula da, boo-boo kılıp baylap, örttöp jibergile. Buudaydı bolso menin kampama jıynagıla", – dep aytam”, – dedi».

³¹Iysa alarga dagı mınday ülgü-nasaat aŋgeme ayttı: «Asman Padışaçılıgı talaaga sebilgen sarı kıçı danına okşoş.

³²Al uruktardın içinen eŋ kiçinekeyi bolso da, ösüp çıkkanda, bardık ösümdüktördön çoŋ bolup, darakka aylanat. Kanattuu kuştar uçup kelip, anın butaktarına korgoloşot».

³³Iysa alarga dagı mınday ülgü-nasaat aŋgeme ayttı: «Asman Padışaçılıgı kamır açıtış üçün, üç çenem unga salıngan açıtkıga okşoş».

³⁴Iysa bulardın baarın elge ülgü-nasaat aŋgemeler menen ayttı. Al ülgü-nasaat aŋgemesiz süylöçü emes.

³⁵Paygambar arkıluu aytılgan sözdün atkarılışı üçün uşunday boldu: «Menin oozumdan nakıl sözdör çıgat. Düynö jaratılgandan beri jaşıruun bolup kele jatkan sırlardı aytıp berem».

³⁶Iysa eldi taratıp jiberip, üygö kirdi. Oşondo şakirtteri janına kelip: «Talaadagı kara soyloktor jönündögü ülgü-nasaat aŋgemenin maanisin bizge tüşündürüp berçi», – deşti.

³⁷Iysa mınday dep joop berdi: «Jakşı ürön sepken adam – bul Adam Uulu.

³⁸Talaa bolso – düynö. Jakşı ürön – Asman Padışaçılıgının uuldarı, kara soyloktor – şaytandın uuldarı.

³⁹Kara soyloktordu sepken duşman – bul şaytan. Orok maalı – düynönün akırı, orokçular bolso – perişteler.

⁴⁰Kara soyloktor orulup, örttölgöndöy ele, bul düynönün akırında da uşunday bolot.

⁴¹Adam Uulu Öz periştelerin jiberet. Alar künöögö türtkön bardık nerseni jana mıyzamsızdık kılgandardı Anın Padışaçılıgınan alıp,

⁴²jalındap küyüp turgan otko ırgıtat. Al jerde ıy jana tiş kıçıratuu bolot.

⁴³Oşondo adil adamdar özdörünün Atasının Padışaçılıgında kün sıyaktuu jarkıraşat. Kimdin kulagı bar bolso, al uksun!

⁴⁴Asman Padışaçılıgı talaada jaşırılgan kazınaga da okşoş: bir adam anı taap alıp, kayra jaşırıp koydu. Barıp, kubanganınan kolunda bolgondun baarın sattı da, al talaanı satıp aldı.

⁴⁵Asman Padışaçılıgı asıl bermet izdegen soodagerge da okşoş:

⁴⁶kündördün birinde al kımbat baaluu bermetti taptı. Anan barıp, kolunda bolgondun baarın sattı da, al bermetti satıp aldı.

⁴⁷Asman Padışaçılıgı ar kanday balıktardı karmagan çoŋ torgo da okşoş.

⁴⁸Tor balıkka tolgondo, anı jeekke tartıp çıgarışat da, oturup alıp, jakşı balıktardı idişterge salıp alışat, al emi jamandarın ırgıtıp jiberişet.

⁴⁹Düynönün akırında da uşunday bolot: perişteler kelip, adiletsizderdi adilettüülördön bölüp alıp,

⁵⁰jalındap küyüp turgan otko ırgıtışat. Al jerde ıy jana tiş kıçıratuu bolot».

⁵¹Iysa şakirtterinen: «Bulardın baarın tüşündüŋörbü?» – dep suradı. Alar Aga: «Tüşündük», – dep joop berişti.

⁵²Oşondo Al şakirtterine: «Oşonduktan Asman Padışaçılıgı jönündö nasaat algan ar bir mıyzam okutuuçu öz kazınasınan jaŋını da, eskini da alıp çıkkan üy eesine okşoş», – dedi.

⁵³Iysa bul ülgü-nasaat aŋgemelerdi aytıp bütköndön kiyin, al jerden ketti.

⁵⁴Öz jerine kelip, sinagogalarda eldi okuta baştadı. El taŋ kalıp, mınday dep aytıp jattı: «Mınday akıl menen mınday küçtü Al kaydan algan?

⁵⁵Bul jıgaç ustanın ele uulu emespi? Munun enesinin ısımı Mariyam, bir tuugandarı bolso Jakıp, Jusup, Şımon jana Jüyüt emespi.

⁵⁶Karındaştarının baarı bizdin arabızda ele jürüşöt go. Al mınday akıl menen mınday küçtü kaydan algan?»

⁵⁷Oşentip, alar Iysanı kabıl algıları kelgen jok. Iysa bolso alarga: «Paygambar öz jerinen, öz üyünön başka jerde urmattalat», – dedi.

⁵⁸Alardın işenbestiginen ulam, Iysa al jerde keremetterdi köp körsötkön jok.