Read NT LS 2005 – Инжил ЛС (2005 Matay 14 Bible Online

Matay 14 - NT LS 2005 – Инжил ЛС (2005 bible

Matay 14

¹Oşol kündörü duban akimi İrod Iysa jönündö ugup,

²öz karamagındagı adamdarına: «Bul – çömüldürüüçü Jakan. Al tiriliptir, oşonduktan keremetterdi körsötüp jatat», – dedi.

³İrod özünün bir tuuganı Piliptin ayalı İrodiya üçün Jakandı baylatıp, türmögö oturguzdurgan ele.

⁴Antkeni Jakan aga: «Bul ayaldı albaşıŋ kerek bolçu», – dep aytkan.

⁵İrod Jakandı öltürgüsü kelgen, birok elden korkkon. Antkeni el anı paygambar dep esepteçü.

⁶İroddun tuulgan künü belgilenip jatkanda, İrodiyanın kızı ortogo çıgıp biylep berdi. Anın biylegeni İrodgo jagıp kalgandıktan,

⁷al emneni gana surabasın, bererin aytıp, ant berdi.

⁸Kız bolso enesinin üyrötüüsü boyunça: «Maga azır çömüldürüüçü Jakandın başın idişke saldırıp kelip ber», – dedi.

⁹Buga padışa kapa boldu. Birok konoktorunun aldında ant berip koygondugu üçün, anın suraganın orundatuunu buyrudu.

¹⁰Jakandın başın aluuga türmögö kişi jiberdi.

¹¹İdişke salıngan baştı kızga alıp kelip berişti, kız bolso anı enesine alıp barıp berdi.

¹²Şakirtteri kelip, anın söögün koyuştu. Andan kiyin alar barıp, Iysaga kabarlaştı.

¹³Iysa munu ukkanda, Özü jalgız kayıkka tüşüp, een jerge süzüp ketti. Bul jönündö ukkan adamdar öz şaarlarınan çıgıp, Anın artınan jöö eerçişti.

¹⁴Jeekke çıgıp, Iysa çogulgan köp eldi kördü. Alarga booru oorup, ooruluuların ayıktırdı.

¹⁵Keç kirgende, şakirtteri Iysanın janına kelip: «Bul een jer eken, keç da bolup ketti. Eldi tarat, ayıldarga barıp, özdörünö tamak-aş satıp alışsın», – deşti.

¹⁶Oşondo Iysa alarga: «Eldi taratuunun keregi jok, alarga tamak-aştı siler bergile», – dedi.

¹⁷Alar Aga: «Bizde beş nan, eki balık ele bar», – deşti.

¹⁸Oşondo Iysa: «Alardı bul jerge, Maga alıp kelgile», – dedi.

¹⁹Elge çöpkö oturuunu buyrugandan kiyin, Al beş nan menen eki balıktı aldı da, asmandı karap, Kudayga ıraazıçılık bildirdi. Nandardı sındırıp, şakirtterine berdi, alar bolso elge taratıştı.

²⁰Bardıgı toё jeşti. Artıp kalgan nandardı çogultkanda, on eki sebet toldu.

²¹Ayaldar menen bala-bakıranı eseptebegende, tamaktangandardın sanı beş miŋge jakın ele.

²²Oşondon kiyin Iysa Özünün şakirtterine: «Kayıkka tüşüp, Menden murun narkı öyüzgö ötö bergile», – dep buyrudu. Özü bolso eldi taratış üçün kalıp kaldı.

²³Eldi taratıp jibergenden kiyin, Özü jalgız sıyınuu üçün, toogo çıktı. Tün ortosuna çeyin Iysa al jerde jalgız boldu.

²⁴Al ubakta kayık köldün ortosuna jetip kalgan ele. Karama-karşı taraptan şamal sokkonduktan, tolkun kayıktı arı-beri çaypap jattı.

²⁵Tünkü törtünçü küzöt ubagında Iysa köldün üstü menen basıp, alarga keldi.

²⁶Köldün üstündö basıp kele jatkan Iysanı körgön şakirtter korkup ketip: «Bul – eles!» – dep kıykırıp jiberişti.

²⁷Birok Iysa oşol zamat alarga: «Kayrattangıla! Bul Menmin, korkpogula!» – dedi.

²⁸Petir Aga: «Teŋir! Egerde bul Sen bolsoŋ, buyruk ber, men Saga suu üstü menen basıp barayın», – dedi.

²⁹Iysa aga: «Kel», – dedi. Petir kayıktan tüşüp, suu üstü menen basıp, Iysaga jakın bardı.

³⁰Birok katuu şamaldı körgöndö, korkup ketip, çögö baştadı. Oşondo al: «Teŋir! Meni sakta!» – dep kıykırdı.

³¹Iysa kolun sunup, anı daroo karmap kaldı. Anan aga: «İşenimi az, emnege şektendiŋ?» – dedi.

³²Alar kayıkka tüşköndön kiyin, şamal basılıp kaldı.

³³Kayıktagılar bolso: «Sen çın ele Kudaydın Uulu ekensiŋ», – dep, Aga taazim kılıştı.

³⁴Narkı öyüzgö, Genisaret jerine süzüp ötüştü.

³⁵Al jerdin turgundarı Iysanı taanıp, tegerek-çettegilerdin baarına kişi jiberişti. Oşondo Iysaga ooruluulardın baarın alıp kelişip,

³⁶Andan: «Kiyimiŋdin etegine ele kolubuzdu tiygizüügö uruksat ber», – dep ötünüp jatıştı. Anın kiyimine kolun tiygizgender ayıgıp jatıştı.