Read NT LS 2005 – Инжил ЛС (2005 Matay 15 Bible Online

Matay 15 - NT LS 2005 – Инжил ЛС (2005 bible

Matay 15

¹Oşol ubakta İerusalimden mıyzam okutuuçular menen pariseyler Iysaga kelip:

²«Emne üçün Senin şakirtteriŋ ata-babalardın saltın buzup jatışat? Alar tamaktanardın aldında kol juu saltın atkarışpayt», – deşti.

³Iysa alarga mınday dep joop berdi: «Anda emne üçün özüŋör salttarıŋardın ayınan Kudaydın osuyatın buzup jatasıŋar?

⁴Kuday mınday dep osuyat kılgan: “Ata-eneŋdi sıyla”, “Kim atasına je enesine til tiygizse, al ölüm jazasına tartılsın”.

⁵Siler bolso: “Egerde kim atasına je enesine: "Senin menden alçu nerseŋdin baarı Kudayga bagıştalgan", – dese,

⁶al adam atasına je enesine sıy körsötpöy koyso da bolot”, – deysiŋer. Oşentip, siler öz salttarıŋar üçün Kudaydın osuyatın çetke kagıp koyduŋar.

⁷Eki jüzdüülör! Işaya siler jönündö tuura paygambarçılık kılgan:

⁸“Bul el Maga oozu menen jakındayt, Meni tili menen urmattayt, birok jürögü Menden alıs.

⁹Alardın Meni urmattaganı – beker, antkeni alardın üyrötkönü – adamdık erejeler”».

¹⁰Anan eldi janına çakırıp, alarga mınday dedi: «Jakşılap ugup, tüşünüp algıla.

¹¹Adamdı oozuna kirgen nerse aram kılbayt, oozunan çıkkan nerse aram kılat».

¹²Oşondo şakirtteri kelip, Aga: «Bilesiŋbi, pariseyler bul sözdü ukkanda kıjırdanıştı», – deşti.

¹³Iysa alarga mınday dep joop berdi: «Asmandagı Atam tikpegen ar bir ösümdük tüp-tamırı menen jok kılınat.

¹⁴Alardı jayına koygula. Alar – sokurlardın sokur jol başçıları. Sokurdu sokur jetelese, eköö teŋ aŋga tüşöt».

¹⁵Petir Aga: «Bul ülgü-nasaat aŋgemeŋdi bizge tüşündürüp berçi!» – dedi.

¹⁶Oşondo Iysa: «Siler da alige çeyin tüşünö eleksiŋerbi?

¹⁷Oozgo kirgen nersenin baarı aşkazanga kelip, anan tışka çıgıp keterin bilbeysiŋerbi?

¹⁸Oozdon çıkkanı jüröktön çıgat, adamdı aram kılgan mına uşu.

¹⁹Antkeni jaman oylor, kişi öltürüü, nike buzuu, oynoştuk kıluu, uuruluk, jalaa jabuu, uşak jüröktö payda bolot.

²⁰Mına uşular adamdı aram kılat. Al emi kol juu rasmisin atkarbay tamaktanuu adamdı aram kılbayt».

²¹Iysa al jerden çıgıp, Tir jana Sidon aymaktarına keldi.

²²Oşol aymaktardan kanaandık bir ayal çıgıp, Iysaga: «Maga ırayım kılçı, Teŋir, Dööttün Uulu! Kızım jin oorusunan katuu kıynalıp jatat», – dep kıykırdı.

²³Birok Iysa ayalga joop bergen jok. Oşondo şakirtteri Aga jakın kelip: «Arkabızdan kalbay kıykırıp kele jatat, anı ketirip jiberçi», – deşti.

²⁴Iysa bolso: «Men Israyıl elinin gana jogolgon koyloruna jiberilgem», – dep joop berdi.

²⁵Ayal jakın kelip, Anın aldına çögölöp: «Teŋir! Maga jardam bere kör», – dep ötündü.

²⁶Iysa aga: «Baldardın nanın tartıp alıp, itterge ırgıtkan jakşı emes», – dedi.

²⁷Ayal Aga: «Ooba, oşondoy, Teŋir! Birok itter da kojoyundarının üstölünön tüşkön kükümdördü jeşet emespi», – dedi.

²⁸Iysa ayalga: «Oo ayal! İşenimiŋ zor eken, tilegeniŋdey bolsun», – dep joop berdi. Oşondo anın kızı daroo ayıgıp kaldı.

²⁹Iysa al jerden ketip, Galileya kölü tarapka keldi. Bir toogo çıgıp oturdu.

³⁰Oşondo Anın janına köp el keldi. Alar çolok, sokur, duduk, mayıp jana başka ooruluu adamdardı Iysanın aldına alıp kelişti. Iysa alardı ayıktırdı.

³¹Duduktar süylöp, butu baspagandar basıp, sokurlar körüp kalıştı. Munu körgön el taŋ kalıp, Israyıldın Kudayın daŋktadı.

³²Iysa şakirtterin janına çakırıp alıp, mınday dedi: «Eldi ayap jatam. Üç kündön beri janımda jürüşöt, jegenge eç nerseleri jok. Açka ketirgim kelbey turat, joldo alsırap kalışat go».

³³Şakirtteri Aga: «Uşunday een jerde uşunça el toё turgan nandı kaydan tababız?» – deşti.

³⁴Iysa alardan: «Kança nanıŋar bar?» – dep suradı. «Jeti nanıbız, bir az mayda balıgıbız bar», – deşti alar.

³⁵Oşondo Al elge jerge oturuunu buyrudu.

³⁶Anan jeti nan menen balıktardı aldı da, asmandı karap, Kudayga ıraazıçılık bildirdi. Nandardı sındırıp, şakirtterine berdi, alar bolso elge taratıştı.

³⁷Bardıgı toё jeşti. Artıp kalgan nandardı çogultkanda, jeti sebet toldu.

³⁸Ayaldar menen bala-bakıranı eseptebegende, tamaktangandardın sanı tört miŋ ele.

³⁹Eldi taratıp jibergenden kiyin, Iysa kayıkka tüşüp, Magdala aymagına keldi.