Read NT LS 2005 – Инжил ЛС (2005 Matay 18 Bible Online

Matay 18 - NT LS 2005 – Инжил ЛС (2005 bible

Matay 18

¹Oşol mezgilde şakirtter Iysanın janına kelip: «Asman Padışaçılıgında kim baarınan çoŋ?» – dep suraştı.

²Iysa bir kiçinekey balanı çakırıp alıp, ortogo turguzdu da, mınday dedi:

³«Silerge çındıktı aytıp koёyun, egerde jaman joluŋardan kaytıp, kiçinekey baldarday bolbosoŋor, Asman Padışaçılıgına kirbeysiŋer.

⁴Oşonduktan kim özün basıntıp, uşul bala sıyaktuu bolso, al Asman Padışaçılıgında çoŋ bolot.

⁵Kim uşul sıyaktuu balanı Menin ısımım üçün kabıl alsa, al Meni kabıl algan bolot.

⁶Maga işengen bul kiçinelerdin birin künöögö türtkön adamdı moynuna tegirmen taşın ilip, deŋizdin tübünö çöktürüp jiberse, al üçün jakşı bolmok.

⁷Bul düynö özünün azgırıktarı üçün kaygıga kabılat! Antkeni azgırıktar kelbey koyboyt, birok kim arkıluu kelse, oşol adam kaygıga kabılat!

⁸Egerde koluŋ je butuŋ seni künöögö türtsö, anda anı kese çaap, ırgıtıp jiber. Eki koluŋ, eki butuŋ menen tübölük otko ırgıtılgandan körö, koluŋdan je butuŋdan ajırap, ömürgö ee bolgonuŋ jakşı.

⁹Egerde közüŋ seni künöögö türtsö, anda anı oyup alıp, ırgıtıp jiber. Eki közüŋ menen ottuu kölgö ırgıtılgandan körö, jalgız közüŋ menen ömürgö ee bolgonuŋ jakşı.

¹⁰Baykagıla, bul kiçinelerdin birin da kordobogula. Silerge aytıp koёyun, alardın asmandagı perişteleri Asmandagı Atamdın jüzün dayıma körüp turuşat.

¹¹Antkeni Adam Uulu jogolgondu izdep taap, kutkaruu üçün keldi.

¹²Kanday dep oyloysuŋar, egerde jüz koyu bar bir adamdın bir koyu jogolup ketse, emne, al tokson toguzun toogo kaltırıp, jogolup ketkenin izdebeybi?

¹³Egerde anı tapsa, silerge çındıktı aytıp koёyun, jogolbogon tokson toguzuna karaganda, al üçün köbüröök süyünöt.

¹⁴Oşol sıyaktuu ele Asmandagı Ataŋar da bul kiçinelerdin birinin da jogoluşun kaalabayt.

¹⁵Egerde bir tuuganıŋ saga karşı künöö kılsa, bargın da, jekeçe süylöşüp, anın ayıbın aç. Egerde saga kulak salsa, bir tuuganıŋdı kaytarıp algan bolosuŋ.

¹⁶Egerde saga kulak salbasa, janıŋa bir je eki kişini eerçitip al. Aytılgan ar bir söz eki je üç kübönün sözü menen ırastalsın.

¹⁷Egerde alarga kulak salbasa, Jıyınga bildir. Egerde Jıyınga da kulak salbay koyso, anı butparas jana salık jıynooçu katarı esepte.

¹⁸Silerge çındıktı aytıp koёyun, jer üstündö emneni baylasaŋar, asmanda da oşol baylanuu bolot. Jer üstündö emneni çeçseŋer, asmanda da oşol çeçilüü bolot.

¹⁹Dagı silerge aytarım, jer üstündö araŋardan ekööŋör makuldaşıp alıp, asmandagı Atamdan bir nerse jönündö surasaŋar, suraganıŋardı alasıŋar.

²⁰Kaysı jerde Menin ısımım üçün eki je andan köp adam çogulsa, Men da oşol jerde, alardın arasındamın».

²¹Oşondo Petir Iysanın janına kelip: «Teŋir, maga karşı künöö kılgan bir tuuganımdı kança jolu keçirişim kerek? Jeti jolubu?» – dep suradı.

²²Iysa aga mınday dep joop berdi: «Saga aytıp koёyun, jeti jolu emes, jetimişten jeti jolu.

²³Oşonduktan Asman Padışaçılıgın kuldarı menen esepteşmekçi bolgon padışaga salıştırsa bolot.

²⁴Esepteşe baştaganda, padışanın aldına on miŋ talant karız bolgon bir kuldu alıp kelişti.

²⁵Karızınan kutuluuga anın eç nersesi jok bolgonduktan, padışa anın özü, ayalı, baldarı jana kolunda bolgonu satılıp, karızı tölönüüsün buyrudu.

²⁶Oşondo al kul padışanın aldına jıgılıp: “Padışam, kütö tur, bardıgın tölöp berem”, – dedi.

²⁷Padışa kuluna ırayım kılıp, anın karızın keçirdi da, anı boşotup jiberdi.

²⁸Al kul bolso tışka çıgıp, özünö jüz dinariy karız bolgon başka kuldu karmap alıp: “Karızıŋdı ber”, – dep muunttu.

²⁹Al kul bolso butuna jıgılıp: “Kütö tur, baarın tölöp berem”, – dep jalındı.

³⁰Birok al kütküsü kelgen jok. Bardı da, karızın bergençe, anı türmögö kamatıp saldı.

³¹Munu körgön kuldar ayabay kapa boluştu da, padışaga kelip, bolgon okuyanı aytıp berişti.

³²Oşondo padışa kulun çakırttı da: “Ey, jaman kul! Jalınıp-jalbarganıŋdan ulam, büt karızıŋdı keçirdim ele.

³³Men saga ırayım kılganday, sen da tigi kulga ırayım kılsaŋ bolboyt bele?” – dedi.

³⁴Padışa kaardanıp, büt karızın bergençe, anı jazalooçulardın koluna tapşırdı.

³⁵Egerde ar biriŋer öz bir tuuganıŋardın künöösün çın jüröktön keçirbeseŋer, asmandagı Atam da silerge tak uşunday mamile kılat».