Read NT LS 2005 – Инжил ЛС (2005 Matay 20 Bible Online

Matay 20 - NT LS 2005 – Инжил ЛС (2005 bible

Matay 20

¹Antkeni Asman Padışaçılıgın bul nersege salıştıruuga bolot: taŋ zaardan bir kojoyun özünün jüzümdügünö jumuşçulardı jaldaganı çıktı.

²Al kününö bir dinariyden tölöp bere turgan bolup, jumuşçular menen makuldaşkandan kiyin, alardı jüzümdügünö jönöttü.

³Üçünçü saat çamasında kayra çıgıp, al bazar ayantında jumuşsuz jürgön adamdardı kördü da,

⁴alarga: “Siler da menin jüzümdügümö bargıla, tiyiştüü akıŋardı tölöp berem”, – dedi. Alar jüzümdükkö ketişti.

⁵Al altınçı jana toguzunçu saat çamasında kayra çıgıp, dagı oşondoy kıldı.

⁶Al on birinçi saat çamasında kayra çıgıp, jumuşsuz jürgön dagı biröölördü körüp: “Bir kün boyu bul jerde boş turganıŋar kanday?” – dedi.

⁷Alar bolso: “Bizdi eç kim işke jaldagan jok”, – dep joop berişti. Oşondo al alarga: “Siler da menin jüzümdügümö bargıla, tiyiştüü akıŋardı tölöp berem”, – dedi.

⁸Keç kirgende, jüzümdüktün eesi çarba işterin başkaruuçusuna: “Jumuşçulardı çakırıp, alarga, akırkılarınan baştap, birinçilerine çeyin, emgek akıların ber”, – dedi.

⁹On birinçi saat çamasında jaldanıp iştegender kelip, bir dinariyden alıştı.

¹⁰Birinçi kelgender köbüröök alabız dep oyloşkon, birok alar da bir dinariyden alıştı.

¹¹Algandan kiyin, kojoyunga naarazı bolo baştaştı.

¹²Alar kojoyunga: “Bul akırkı kelgender bir ele saat işteşti. Birok sen alardı kereeli-keçke kündün ısıgında iştegen bizge teŋep koyduŋ”, – deşti.

¹³Oşondo jüzümdük eesi alardın birine mınday dedi: “Dosum, men seni aldagan jokmun. Sen meni menen bir dinariyge makuldaşpadıŋ bele?

¹⁴Öz akıŋdı algın da, kete bergin. Saga kança bersem, akırkı kelgen buga da oşonço bergim kelet.

¹⁵Özümdükün özüm kaalaganday paydalanuuga akım jokpu? Je menin bereşendigimdi körö albay jatasıŋbı?”

¹⁶Oşentip, akırkılar birinçi, birinçiler akırkı bolot. Antkeni çakırılgandar köp, birok tandalgandar az».

¹⁷İerusalimge bara jatkan joldo Iysa on eki şakirtin çetke çıgarıp alıp, mınday dedi:

¹⁸«Mına, biz İerusalimge bara jatabız. Adam Uulun başkı ıyık kızmat kıluuçular menen mıyzam okutuuçulardın koluna salıp berişet. Alar bolso Anı öltürüügö öküm çıgarışat.

¹⁹Anı butparastardın koluna salıp berişet, alar bolso Anı şıldıŋdaşat, sabaşat, aykaş jıgaçka kadaşat. Üçünçü künü Al tirilet».

²⁰Oşondo Zebedey uuldarının enesi uuldarı menen Iysanın janına kelip taazim kıldı da, bir nerse suramakçı boldu.

²¹Iysa ayaldan: «Emne kaalaysıŋ?» – dep suradı. Ayal Aga: «Senin Padışaçılıgıŋda bul eki uulumdun biri oŋ jagıŋda, biri sol jagıŋda otursa eken. Uşunday buyruk berçi», – dedi.

²²Iysa mınday dep joop berdi: «Emne surap jatkanıŋardı özüŋör bilbeysiŋer. Men içe turgan çöyçöktön içe alasıŋarbı? Men çömüldürülö turgan çömüldürüü menen çömüldürülö alasıŋarbı?» «Oşente alabız», – deşti alar.

²³Oşondo Iysa alarga: «Men içe turgan çöyçöktön içesiŋer. Men çömüldürülö turgan çömüldürüü menen çömüldürülösüŋör. Birok oŋ jagıma je sol jagıma oturguzuu Menin kolumda emes. Atam kimge dayardagan bolso, oşol oturat», – dedi.

²⁴Munu ukkan berki on şakirt eki bir tuuganga açuulandı.

²⁵Iysa alardı çakırıp alıp: «Elge başçılar üstömdük kılıp, törölör biylik jürgüzörün bilesiŋer.

²⁶Birok silerdin araŋarda mınday bolbosun. Araŋarda kim çoŋ bolgusu kelse, al silerge kızmatçı bolsun.

²⁷Araŋarda kim birinçi bolgusu kelse, al silerge kul bolsun.

²⁸Antkeni Adam Uulu da Özünö kızmat kıldıruu üçün emes, teskerisinçe, Özü kızmat kıluu üçün, Öz janın berip, köptördü kutkaruu üçün kelgen», – dedi.

²⁹Alar Jerihodon çıgıp bara jatışkanda, Iysanın artınan köp el eerçidi.

³⁰Jol boyunda oturgan eki sokur adam Iysanın ötüp bara jatkanın ugup: «Teŋir, Dööttün Uulu, bizge ırayım kıla kör!» – dep kıykıra baştaştı.

³¹Eldin tıyganına bolboy, alar ogo beter katuu kıykırıp jatıştı: «Teŋir, Dööttün Uulu, bizge ırayım kıla kör!»

³²Iysa toktop, alardı janına çakırdı da: «Menin emne kılışımdı kaalaysıŋar?» – dep suradı.

³³Alar Aga: «Teŋir, közübüz körsö eken», – deşti.

³⁴Iysa boor oorup, alardın közünö kolun tiygizdi. Oşol zamat alardın közü körüp kaldı. Anan alar Iysanın artınan eerçip jönöştü.