Read NT LS 2005 – Инжил ЛС (2005 Matay 22 Bible Online

Matay 22 - NT LS 2005 – Инжил ЛС (2005 bible

Matay 22

¹Iysa ülgü-nasaat aŋgemelerin ulanttı:

²«Asman Padışaçılıgın bul nersege salıştırsa bolot: bir padışa özünün uulunun üylönüü toyun ötkörmökçü bolot.

³Al toygo çakırılgandardı çakırış üçün, kuldarın jönötöt. Birok alardın kelgisi kelbeyt.

⁴Oşondo al başka kuldarın jönötüp: “Dastorkonumdu dayardap koydum. Torpoktorum, borgo baylangan malım soyuldu, baarı dayar. Toygo kelgile!” – dep ayttırat.

⁵Birok çakırılgandar kaydıger mamile kılıp, biri talaasına ketse, biri sooda kılganı ketet.

⁶Dagı biröölörü kuldarın karmap alıp kordop, öltürüp salışat.

⁷Munu ukkan padışa kaardanıp, askerlerin jiberet. Alar kankorlordu öltürüp, şaarın külgö aylandırışat.

⁸Oşondo padışa kuldarına mınday deyt: “Toy dayar, birok çakırılgandar tatıktuu emes bolup çıktı.

⁹Oşonduktan toguz joldun toomuna bargıla da, jolukkandardın baarın toygo çakırgıla”.

¹⁰Kuldar jolgo çıgışat da, jolukkandardın baarın – jamanın da, jakşısın da çogultuşat. Oşentip, toy ötkörgön jay meymanga tolot.

¹¹Padışa meymandardı körüş üçün kirip, al jerden toy kiyimin kiybegen bir adamdı köröt.

¹²Aga: “Dosum, toy kiyimin kiybey, bul jerge kantip kirdiŋ?” – deyt. Tigi adam unçukpayt.

¹³Oşondo padışa kuldarına mınday deyt: “Kolu-butun baylap, munu sırttagı karaŋgılıkka ırgıtıp jibergile. Al jerde ıy jana tiş kıçıratuu bolot”.

¹⁴Antkeni çakırılgandar köp, birok tandalgandar az».

¹⁵Oşondon kiyin pariseyler barıp, Iysanı sözünön karmoo jönündö keŋeşişti.

¹⁶Anan alar İroddun adamdarın jana öz şakirtterin Iysaga jönötüştü. Alar kelip: «Ustat! Senin adilettüü adam ekeniŋ bizge belgilüü. Kudaydın mıyzamdarın tuura okutasıŋ. Eç kimge jagınbaysıŋ, bet karamalık kılbaysıŋ.

¹⁷Oyuŋdu aytçı, Rim padışasına salık tölöö tuurabı je tuura emespi?» – deşti.

¹⁸Iysa alardın aram oyun bilip: «Eki jüzdüülör! Emnege Meni sınap jatasıŋar?

¹⁹Maga salıkka tölönüüçü tıyındı körsötkülöçü!» – dedi. Aga bir dinariy alıp kelip berişti.

²⁰Iysa alardan: «Mına bul süröt menen jazuu kimdiki?» – dep suradı.

²¹«Padışanıkı», – dep joop berişti alar. Oşondo Iysa alarga: «Anda padışaga tieşelüünü padışaga, Kudayga tieşelüünü Kudayga bergile», – dedi.

²²Alar munu ukkanda taŋ kalıp, Iysanın janınan ketip kalıştı.

²³«Ölgöndör tirilbeyt» degen sadukeyler oşol künü Iysanın janına kelip, mınday dep suraştı:

²⁴«Ustat! Musa mınday debedi bele: “Kim bala körböy köz jumsa, anda anın ayalın bir tuuganı alıp, anın tukumun ulasın”.

²⁵Arabızda jeti bir tuugan bar ele. Birinçisi üylönüp, bala körböy ölüp kaldı. Ayalı inisine kaldı.

²⁶Ekinçisi, üçünçüsü, atügül, jetinçisi da oşondoy boldu.

²⁷Akırında ayal da öldü.

²⁸Ölgöndör tirilgenden kiyin, al ayal bul jeti bir tuugandın kimisinin ayalı bolot? Antkeni anı baarı ayaldıkka alışkan».

²⁹Iysa alarga mınday dep joop berdi: «Siler Iyık Jazuunu jana Kudaydın küçün bilbegendikten jaŋılıp jatasıŋar.

³⁰Antkeni ölgöndör tirilgenden kiyin, ayal aluu, küyöögö tiyüü degen bolboyt. Alar asmandagı Kudaydın periştelerindey bolup kalışat.

³¹Al emi ölgöndördün tirileri jönündö bolso, Kudaydın

³²“Men Ibrayımdın, Iskaktın, Jakıptın Kudayımın” degen sözün okugan jok beleŋer? Kuday – ölgöndördün emes, tirüülördün Kudayı».

³³Bulardı ukkan el Anın okutuusuna taŋ kaldı.

³⁴Pariseyler Iysanın sadukeylerdi sözgö jıkkanın ugup, çogula kalıştı.

³⁵Alardın arasındagı bir mıyzam okutuuçu Iysanı sınap, mınday dep suradı:

³⁶«Ustat! Mıyzamdagı eŋ maanilüü osuyat kaysı?»

³⁷Iysa aga mınday dep joop berdi: «Kuday-Teŋiriŋdi çın jürögüŋ menen, jan-diliŋ menen, büt akılıŋ menen süy.

³⁸Birinçi jana eŋ maanilüü osuyat uşul.

³⁹Ekinçisi uşuga ele okşoş: “Özüŋdü kanday süysöŋ, jakınıŋdı oşondoy süy”.

⁴⁰Büt mıyzam jana paygambarçılıktar uşul eki osuyatka negizdelgen».

⁴¹Pariseyler çogulganda, Iysa alardan:

⁴²«Maşayak jönündö kanday oydosuŋar, Al kimdin Uulu?» – dep suradı. «Dööttün», – dep joop berişti alar.

⁴³Iysa alarga: «Dööt Iyık Ruhtun jetegi menen Maşayaktı “Teŋirim” dep aytkandıgın kanday tüşünösüŋör? Antkeni Dööt mınday debedi bele:

⁴⁴“Teŋir menin Teŋirime mınday dedi: "Men Senin duşmandarıŋdı but aldıŋa jıkkanga çeyin, Menin oŋ jagıma otur"”.

⁴⁵Oşentip, egerde Dööt Anı “Teŋir” dep atagan bolso, kantip Al anın Uulu bolsun?» – dedi.

⁴⁶Oşondo eç kim joop bere algan jok. Oşol kündön tartıp, eç kim Aga suroo berüügö daabay kaldı.