Read NT LS 2005 – Инжил ЛС (2005 Matay 24 Bible Online

Matay 24 - NT LS 2005 – Инжил ЛС (2005 bible

Matay 24

¹Iysa iybadatkanadan çıgıp ketip bara jatkanda, iybadatkananın imarattarın körsötüş üçün, şakirtteri janına kelişti.

²Iysa alarga: «Bulardın baarın körüp turasıŋarbı? Silerge çındıktı aytıp koёyun, bul jerde taş üstündö taş kalbayt, baarı kıyratılat», – dedi.

³Iysa Zaytun toosunda oturganda, şakirtteri janına kelip: «Bizge aytıp berçi, bul kaçan bolot? Senin keler ubaktıŋdı jana düynönün akırı kelip kalganın kanday belgiler arkıluu bilse bolot?» – dep suraştı.

⁴Iysa alarga mınday dep joop berdi: «Silerdi biröö adaştırıp ketpes üçün, sak bolgula.

⁵Antkeni: “Maşayak Menmin”, – dep, Menin ısımımdı jamınıp köptör kelip, köp adamdardı adaştırışat.

⁶Oşondoy ele alıs jana jakın jerde bolup jatkan soguştar jönündö ugasıŋar. Birok korkpogula! Antkeni bulardın baarı boluşu kerek, birok bul düynönün akırı emes!

⁷Bir elge bir el, bir padışaçılıkka bir padışaçılık karşı kötörülöt. Jer-jerlerde açarçılık, juguştuu oorular jana jer titiröölör bolot.

⁸Bulardın baarı kıyınçılıktardın baştalışı gana.

⁹Oşondo silerdi kıynaşat, öltürüşöt. Menin ısımım üçün bardık elderge jek köründü bolosuŋar.

¹⁰Oşondo köptör azgırılışat, biri-birine çıkkınçılık kılışat, biri-birin jek körüşöt.

¹¹Köptögön jalgan paygambarlar çıgıp, köptördü adaştırat.

¹²Tartipsizdiktin köböyüü sebebinen köbündö süyüünün ısıgı kaytat.

¹³Akırına çeyin çıdagan adam kutkarılat.

¹⁴Asman Padışaçılıgı jönündögü bul Jakşı Kabar büt aalamga, bardık elderge kübölöndürüü katarı taratılat, oşondon kiyin düynönün akırı kelet.

¹⁵Okugan adam tüşünüp alsın: oşentip, Daniel paygambar arkıluu aytılgan kıyratuuçu jiyirkeniç ıyık jayda turganın körgönüŋördö,

¹⁶Jüyüt aymagındagılar toolorgo kaçıp ketişsin.

¹⁷Kim üydün üstündö bolso, al üyünön bir nerse aluu üçün tüşpösün.

¹⁸Kim talaada bolso, al kiyimderin aluu üçün, artka kaytpasın.

¹⁹Oşol kündörü koş boyluu jana emçekte balası bar ayaldarga kıyın bolot.

²⁰Kaçuuŋar kışka je işembi kününö tuura kelip kalbas üçün, sıyıngıla.

²¹Antkeni oşondo jer jaralgandan tartıp, azırkıga çeyin bolbogon jana andan kiyin da bolboy turgan çoŋ alaamat bolot.

²²Egerde al kündör kıskartılbasa, eç bir adam kutkarılmak emes. Al kündör tandalgandar üçün gana kıskartılat.

²³Egerde oşondo kimdir biröö silerge: “Maşayak mına, bul jerde” je “Tigine, tigil jerde”, – dese, işenbegile.

²⁴Antkeni jalgan maşayaktar, jalgan paygambarlar çıgat. Mümkün bolso tandalgandardı da adaştıruu üçün, çoŋ jışaandardı jana ajayıptardı körsötüşöt.

²⁵Mına, Men silerge aldın ala ayttım.

²⁶Oşonduktan, egerde silerge: “Mına, Al een talaada”, – deşse, çıkpagıla; “Mına, Al içki bölmödö”, – deşse, işenbegile.

²⁷Antkeni Adam Uulu çıgıştan batışka çeyin jark etip körüngön çagılgan sıyaktuu kelet.

²⁸Ölük kaysı jerde bolso, joru-kuzgun oşol jerge çogulat.

²⁹Oşol kündördögü alaamattan kiyin kün karaŋgılap, ay öz jarıgın berbey kalat. Asmandan jıldızdar tüşüp, asman küçtörü kıymıldayt.

³⁰Oşondo asmandan Adam Uulunun jışaanı körünöt. Jer üstündögü bardık elder bozdoşot jana Adam Uulunun asmandagı buluttar üstündö uluu küç jana daŋk menen kele jatkanın körüşöt.

³¹Al çoŋ surnay tartkan periştelerin jiberet, alar Kuday tandap algan adamdardı tögöröktün tört burçunan çogultuşat.

³²Anjır daragınan sabak algıla: anın butaktarı kööp, büçür baylap kalganda, jay kelerine az kalganın bilesiŋer.

³³Oşol sıyaktuu ele siler da munun baarın körgönüŋördö, az ubakıt kalganın, bosogodo turganın bilseŋer bolot.

³⁴Silerge çındıktı aytıp koёyun, munun baarı bolmoyunça, bul muun jok bolup ketpeyt.

³⁵Asman menen jer jok bolup ketet, Menin sözdörüm bolso jok bolboyt.

³⁶Al kün jana saat jönündö Atamdan başka eç kim bilbeyt, asmandagı perişteler da bilbeyt.

³⁷Adam Uulu kelgen ubakta Nuhtun ubagındagıday bolot.

³⁸Topon suuga çeyin, Nuh kemege kirgen küngö çeyin, adamdar içip-jeşken, ayal alışkan, küyöögö tiyişken.

³⁹Topon suu kaptap, baarın jok kılganga çeyin oylonuşkan emes. Adam Uulu kelgende da oşondoy bolot.

⁴⁰Oşondo talaada jürgön eki kişinin biri alınat, biri kaltırılat.

⁴¹Jargılçak tartıp oturgan eki ayaldın biri alınat, biri kaltırılat.

⁴²Oşonduktan sergek bolgula, antkeni Teŋiriŋerdin kaysı ubakta kelerin bilbeysiŋer.

⁴³Uuru tündün kaysı ubagında kelerin üy eesi bilse, sak bolup, uuruga üyünün tübün kazdırtmak emestigin bilesiŋer.

⁴⁴Oşonduktan siler da dayar bolgula. Antkeni Adam Uulu siler kütpögön ubakta kelet.

⁴⁵Kuldardın tamagın öz ubagında berip tursun dep, kojoyun dayındagan işenimdüü jana akılduu kul kim?

⁴⁶Kojoyunu kaytıp kelgende, iştep jatkan kul baktıluu.

⁴⁷Silerge çındıktı aytıp koёyun, kojoyun özünün büt mal-mülkün al kulga işenip tapşırat.

⁴⁸Kulu jaman çıgıp, “Kojoyunum jakında kelbeyt”, – dep oylop,

⁴⁹joldoştorun urup-sabap, şarapkorlor menen içip-jey baştasa,

⁵⁰kuldun kojoyunu al kütpögön künü, al oylobogon ubakta kelet da,

⁵¹anı bölö çaap, eki jüzdüülörgö tieşelüü jaza menen jazalayt. Al jerde ıy jana tiş kıçıratuu bolot.