Read NT LS 2005 – Инжил ЛС (2005 Matay 3 Bible Online

Matay 3 - NT LS 2005 – Инжил ЛС (2005 bible

Matay 3

¹Bir neçe jıldan kiyin çömüldürüüçü Jakan kelip, Jüyüt jerindegi een talaada mınday dep jar sala baştadı:

²«Tobo kılgıla! Antkeni Asman Padışaçılıgı jakındap kaldı».

³Jakan jönündö Işaya paygambar: «Teŋirge jol dayardagıla, Al üçün joldu tüzdögülö dep, een talaada jar salgan ün ugulat», – dep aytkan.

⁴Jakan bolso töönün jününön kiyim kiyip, beline kayış kur kurçanıp jürçü. Jegeni çegirtke menen japayı bal ele.

⁵Oşondo İerusalimdegi, Jüyüt aymagındagı jana İordan darıyasının aylanasındagı eldin baarı aga kelip,

⁶künöölörün moyundarına alıp, açık aytıp jatıştı. Jakan alardı İordan darıyasında suuga çömüldürüp jattı.

⁷Çömüldürülüü üçün kele jatkan bir top pariseyler menen sadukeylerdi körgöndö, Jakan mınday dedi: «Jılan tukumdarı! Kudaydın keleçektegi kaarınan kaçıp kutuluunu silerge kim ayttı?

⁸Tobo kılganıŋardı işteriŋer arkıluu körsötkülö!

⁹“Bizdin atabız – Ibrayım”, – dep oyloboy ele koygula. Silerge aytıp koёyun, Kuday Ibrayımga mına bul taştardan da baldardı jaratıp bere alat.

¹⁰Balta daraktardın tamırının janına koyulgan. Demek, jakşı jemiş berbegen ar bir darak kıyılıp, otko ırgıtılat.

¹¹Men silerdi tobo kıluu çömüldürüüsü menen suuga çömüldürüp jatam, birok menin artımdan Kele Jatkan menden küçtüü. Men Anın but kiyimin kötörüp jürüügö da tatıksızmın. Al silerdi Iyık Ruhka jana otko çömüldüröt.

¹²Anın kürögü Öz kolunda, Al Öz kırmanın tazalap, buudayın kampaga jıynayt, al emi samandı öçpös otko salat».

¹³Oşondo Iysa Jakan tarabınan suuga çömüldürülüü üçün, Galileyadan İordanga keldi.

¹⁴Jakan Anı toktotup: «Meni Sen çömüldürüşüŋ kerek ele. A Sen bolso maga kele jatasıŋbı?» – dedi.

¹⁵Birok Iysa aga: «Azır uşunday kıluuga jol ber, antkeni ar bir adilettüü işti uşundayça atkarışıbız kerek», – dep joop berdi. Oşondo Jakan Aga jol berdi.

¹⁶Çömüldürülörü menen Iysa suudan çıktı. Oşol uçurda (Jakan) asmandın açılganın jana Kudaydın Ruhunun kögüçkön sıyaktuu Aga tüşüp kele jatkanın, Anın üstünö tüşkönün kördü.

¹⁷Oşondo asmandan «Bul Menin süyüktüü Uulum, Men Aga ıraazımın» degen ün uguldu.