Read NT LS 2005 – Инжил ЛС (2005 Matay 4 Bible Online

Matay 4 - NT LS 2005 – Инжил ЛС (2005 bible

Matay 4

¹Oşondon kiyin Iysa şaytan tarabınan sınaluu üçün, Ruh arkıluu çölgö alınıp barıldı.

²Al kırk kün, kırk tün orozo karmap, akırında açka boldu.

³Oşondo azgıruuçu Aga jakın kelip: «Egerde Sen Kudaydın Uulu bolsoŋ, anda mına bul taştarga nanga aylanuunu buyru!» – dedi.

⁴Iysa aga: «“Adam nan menen gana emes, Kudaydın oozunan çıkkan ar bir söz menen da jaşayt”, – dep, Iyık Jazuuda jazılıp turat», – dep joop berdi.

⁵Oşondo şaytan Anı ıyık şaarga alıp barıp, iybadatkananın töbösünö turguzup, mınday dedi:

⁶«Egerde Sen Kudaydın Uulu bolsoŋ, anda boyuŋdu taştap jiber. Antkeni Iyık Jazuuda: “Al Özünün periştelerine buyruk beret. Sen butuŋdu taşka urup albaşıŋ üçün, alar Seni koldoruna kötörüp ketişet”, – dep jazılıp turat».

⁷Iysa aga: «Iyık Jazuuda: “Kuday-Teŋiriŋdi sınaba”, – dep da jazılıp turat», – dep joop berdi.

⁸Şaytan kayradan Anı alıp, abdan biyik toogo çıgardı da, düynödögü bardık padışaçılıktardı jana alardın atak-daŋkın körsöttü.

⁹Anan Aga: «Aldıma jıgılıp, maga taazim kılsaŋ, uşunun baarın Saga berem», – dedi.

¹⁰Oşondo Iysa aga: «Ket janımdan, şaytan! Antkeni: “Kuday-Teŋiriŋe tabın jana bir gana Aga kızmat kıl”, – dep jazılıp turat», – dep joop berdi.

¹¹Oşondo şaytan Iysanın janınan ketti. Perişteler kelip, Iysaga kızmat kıla baştaştı.

¹²Iysa Jakandın kamakka alınganın ugup, Galileyaga ketti.

¹³Al Nazaret şaarında kalbastan, Zabulun jana Naptalı dubandarına, Galileya kölünün jeegindegi Kapernaum şaarına jaylanıştı.

¹⁴Bul Işaya paygambar arkıluu «Deŋizdi karay ketken joldogu Zabulun jana Naptalı jeri, İordandın narkı öyüzündö jaşagan butparastardın Galileyası,

¹⁶karaŋgıçılıkta jaşagan el uluu jarıktı kördü, ölüm kölökösü baskan ölködö jaşagandarga jarık jarkıradı» dep aytılgan sözdün atkarılışı üçün boldu.

¹⁷Oşol ubakıttan tartıp, Iysa mınday dep jar sala baştadı: «Tobo kılgıla! Antkeni Asman Padışaçılıgı jakındap kaldı».

¹⁸Al Galileya kölünün janınan ötüp bara jatıp, Petir degen da ısım koyulgan Şımondu jana anın bir tuuganı Andreydi kördü. Bul eki bir tuugan kölgö tor ırgıtıp jatışkan, antkeni alar balıkçılar ele.

¹⁹Iysa alarga: «Menin artımdan eerçigile, silerdi Men adam karmooçu kılamın», – dedi.

²⁰Alar oşol zamat torlorun taştap, Anı eerçip jönöştü.

²¹Iysa andan arı ketip bara jatıp, başka eki bir tuugandı, Zebedeydin uuldarı Jakıp menen Jakandı kördü. Alar atası Zebedey menen birge kayıkta torlorun oŋdop jatışkan. Iysa alardı da çakırdı.

²²Alar oşol zamat kayıktı da, atasın da taştap, Anı eerçip jönöştü.

²³Iysa büt Galileyanı aralap, sinagogalarda eldi okutup, Asman Padışaçılıgı jönündö Jakşı Kabar taratıp, adamdardın ar kanday ooruların jana keselderin ayıktırıp jürdü.

²⁴Oşondo Al jönündö büt Siriya eli ugup, Aga bardık ooruluulardı: ar türdüü keselge jana dartka çaldıgıp kıynalgandardı, jin ooruluulardı, elirme ooruluulardı, şal ooruluulardı alıp kelip jatıştı. Iysa bolso alardı ayıktırıp jattı.

²⁵Galileyadan, Dekapol dubandarınan, İerusalim şaarınan, Jüyüt aymagınan jana İordan darıyasının narkı öyüzünön kelgen top el Iysanın artınan eerçip jürdü.