Read NT LS 2005 – Инжил ЛС (2005 Matay 5 Bible Online

Matay 5 - NT LS 2005 – Инжил ЛС (2005 bible

Matay 5

¹Iysa eldi körgöndö, toogo çıktı. Al oturgandan kiyin, şakirtteri janına kelişti.

²Oşondo Iysa alarga mınday nasaat ayta baştadı:

³«Ruhu jakırlar baktıluu, antkeni Asman Padışaçılıgı alardıkı.

⁴Iylagandar baktıluu, antkeni alar sooronuşat.

⁵Momundar baktıluu, antkeni alar jerdi murastaşat.

⁶Adilettikke açıkkandar jana suusagandar baktıluu, antkeni alar toyuşat.

⁷Irayımduular baktıluu, antkeni alarga da ırayım kılınat.

⁸Jürögü taza adamdar baktıluu, antkeni alar Kudaydı körüşöt.

⁹Tınçtık ornotuuçular baktıluu, antkeni alar “Kudaydın uuldarı” dep atalışat.

¹⁰Çındık üçün kuuguntuktalgandar baktıluu, antkeni Asman Padışaçılıgı alardıkı.

¹¹Men üçün korduk körsöŋör, Men üçün kuuguntuktalsaŋar, Men üçün jalgan jalaaga kalsaŋar, baktıluusuŋar.

¹²Kubanıp şattangıla, antkeni asmandagı sıylıgıŋar çoŋ! Silerden murunku paygambarlardı da uşintip kuuguntuktaşkan.

¹³Siler jerdin tuzusuŋar. Egerde tuz öz daamın jogotso, anı kayra kantip kalıbına keltiresiŋ? Al adamdardın tepsendisine ırgıtıluudan başka eç nersege jarabayt.

¹⁴Siler düynönün jarıgısıŋar. Too üstündögü şaar jaşırına albayt.

¹⁵Çıraktı jandırıp, anın üstünö idişti kömkörüp koyboyt. Üydögülördün baarına jarık bersin dep, anı çırakpayaga koёt.

¹⁶Silerdin jarıgıŋar da adamdardın aldında tak oşondoy jarkırap tursun. Alar silerdin jakşı işteriŋerdi körüp, Asmandagı Ataŋardı daŋktaşsın.

¹⁷Meni mıyzamdı je paygambarlardın sözün jokko çıgaruu üçün keldi dep oylobogula. Jokko çıgaruu üçün emes, atkaruu üçün keldim.

¹⁸Men silerge çındıktı aytıp koёyun, asman menen jer jok bolmoyunça, bardıgı atkarılmayınça, mıyzamdın bir da tamgası, bir da belgisi jok bolboyt.

¹⁹Oşonduktan kim bul osuyattardın eŋ kiçinesin atkarbasa jana başkalarga da oşentip üyrötsö, al Asman Padışaçılıgında “eŋ kiçinekey” dep atalat. Al emi kim atkarsa jana üyrötsö, al Asman Padışaçılıgında “uluu” dep atalat.

²⁰Silerge aytıp koёyun, egerde siler mıyzam okutuuçular menen pariseylerden da adilettüü bolbosoŋor, anda Asman Padışaçılıgına kirbeysiŋer.

²¹Bayırkı mezgilde jaşagandarga: “Kişi öltürbö. Kim kişi öltürsö, al jazaga tartılat”, – dep aytılganın ukkansıŋar.

²²Men bolso silerge mınday dep aytamın: bir tuuganına jönü jok açuulangan ar bir adam joopko tartılat. Bir tuuganın “kelesoo” degen adam sinedrion aldında joopko tartılat, “akılsız” degen adam bolso ottuu kölgö tüşöt.

²³Oşonduktan sen kurmandık çalınuuçu jayga kurmandıgıŋdı alıp kelgeniŋde, bir tuuganıŋdın saga karşı bir nersesi bar ekeni oşol jerden esiŋe tüşsö,

²⁴anda kurmandıgıŋdı kurmandık çalınuuçu jaydın aldına taştagın da, barıp, adegende bir tuuganıŋ menen eldeş. Oşondon kiyin gana kurmandıgıŋdı alıp kel.

²⁵Joldo bara jatkanıŋda ele, karşılaşıŋ menen eldeşip alganga şaş. Bolboso karşılaşıŋ seni sotko beret, sot bolso sakçıga tapşırat, oşentip, seni türmögö oturguzup koyuşat.

²⁶Saga çındıktı aytıp koёyun, akırkı kodrantıŋdı bermeyinçe, al jerden çıkpaysıŋ.

²⁷Bayırkı mezgilde jaşagandarga: “Oynoştuk kılba”, – dep aytılganın ukkansıŋar.

²⁸Men bolso silerge mınday dep aytamın: ayal kişige kumarlanuu menen karagan adam öz jürögündö oynoştuk kılgan bolot.

²⁹Egerde oŋ közüŋ seni künöögö türtsö, anı oyup alıp, ırgıtıp jiber. On eki müçöŋ büt boydon ottuu kölgö tüşköndön körö, müçölörüŋdün birinen gana ajıraganıŋ jakşı.

³⁰Egerde oŋ koluŋ seni künöögö türtsö, anı kese çaap, ırgıtıp jiber. On eki müçöŋ büt boydon ottuu kölgö tüşköndön körö, müçölörüŋdün birinen gana ajıraganıŋ jakşı.

³¹Dagı mınday dep aytılgan: “Kim ayalın ketire turgan bolso, aga talak kat jazıp bersin”.

³²Men bolso silerge mınday dep aytamın: oynoştuk kıluu sebebi menen emes, başka bir sebep menen ayalın ketirgen adam ayalının oynoştuk kıluusuna sebepker bolot; küyöösü ketirip jibergen ayaldı algan adam da oynoştuk kılgan bolot.

³³Bayırkı mezgilde jaşagandarga: “Anttı buzba. Teŋirdin aldında bergen antıŋdı atkar”, – dep aytılganın da ukkansıŋar.

³⁴Men bolso silerge mınday dep aytamın: eç kaçan ant berbe; asmandı oozanıp ant berbe, antkeni al – Kudaydın taktısı.

³⁵Jerdi oozanıp da ant berbe, antkeni al – Anın but koёr jeri. İerusalimdi oozanıp da ant berbe, antkeni al – uluu Padışanın şaarı.

³⁶Başıŋdı oozanıp da ant berbe, antkeni bir da tal çaçıŋdı ak je kara kıla albaysıŋ.

³⁷“Ooba” dep aytuu kerek bolso, “ooba” degile; “jok” dep aytuu kerek bolso, “jok” degile. Al emi bulardan başkası amalköydön.

³⁸Siler: “Közgö köz, tişke tiş”, – dep aytılganın ukkansıŋar.

³⁹Men bolso silerge mınday dep aytamın: jamandık kılgan adam menen karşılaşpa; oŋ jaagıŋa çapkan adamga sol jaagıŋdı tosup ber.

⁴⁰Seni menen sottoşup, köynögüŋdü algısı kelgen adamga sırt kiyimiŋdi da ber.

⁴¹Seni özü menen birge bir çakırım jol jürüügö majburlagan adam menen eki çakırım jol jür.

⁴²Suraganga ber, karız suragan adamga teskeri karaba.

⁴³“Jakınıŋdı süy, duşmanıŋdı jek kör”, – dep aytılganın ukkansıŋar.

⁴⁴Al emi Men silerge mınday demekçimin: duşmanıŋardı süygülö, silerdi kargagandarga bataŋardı bergile. Silerdi jek körgöndörgö jakşılık kılgıla. Silerdi taarıntkandar üçün jana kuuguntuktagandar üçün sıyıngıla.

⁴⁵Oşondo siler asmandagı Ataŋardın uuldarı bolosuŋar. Antkeni Al Öz künün jamanga da, jakşıga da tiygizip, jamgırın adilettüügö da, adiletsizge da jaadırat.

⁴⁶Silerdi jakşı körgöndördü gana jakşı körsöŋör, silerge kaydagı sıylık? Salık jıynooçular dele oşentişet emespi.

⁴⁷Egerde bir tuugandarıŋar menen gana salamdaşsaŋar, anda emne özgöçölügüŋör bar? Butparastar dele oşentişet emespi.

⁴⁸Oşonduktan asmandagı Ataŋar kanday jetkileŋ bolso, siler da oşondoy jetkileŋ bolgula.