Read NT LS 2005 – Инжил ЛС (2005 Matay 6 Bible Online

Matay 6 - NT LS 2005 – Инжил ЛС (2005 bible

Matay 6

¹Adilettüü işteriŋerdi adamdarga körünüş üçün kıluudan sak bolgula. Bolboso asmandagı Ataŋardan sıylık albaysıŋar.

²Oşonduktan kayır berip jatkanıŋda, elge jarıyalaş üçün, surnay tartpa. Eki jüzdüü adamdar elden atak alış üçün, sinagogalarda, köçölördö uşunday kılışat. Silerge çındıktı aytıp koёyun, alar öz sıylıgın alıştı.

³Al emi sen kayır berip jatkanıŋda, oŋ koluŋ sol koluŋdun emne kılıp jatkanın bilbesin.

⁴Kayırdı jaşıruun ber. Jaşıruun kılınganın körgön Ataŋ saga tieşelüünü açık ele beret.

⁵Eki jüzdüülörgö okşop sıyınbagın. Alar adamdarga körünüş üçün, sinagogalarda jana köçölördün burç-burçtarında turup alıp sıyıngandı jakşı körüşöt. Silerge çındıktı aytıp koёyun, alar öz sıylıgın alıştı.

⁶Al emi sen sıyınarda, bölmöŋö kirip, eşigiŋdi jap da, körünbögön Ataŋa sıyın. Jaşıruun sıyınganıŋdı körgön Ataŋ saga tieşelüünü açık ele beret.

⁷Butparastarga okşop aşık sözdördü aytıp sıyınbagıla. Sebebi alar: “Köp süylösök, sıyınuubuz ugulat”, – dep oyloşot.

⁸Oşonduktan alarday bolbogula, antkeni emnege muktaj ekeniŋerdi Ataŋar suray elegiŋerde ele bilet.

⁹Siler bolso mınday sıyıngıla: “Asmandagı Atabız! Senin ısımıŋ ıyık tutulsun.

¹⁰Senin Padışaçılıgıŋ kelsin. Asmandagıday ele, jerde da Senin erkiŋ atkarılsın.

¹¹Bizge künümdük nanıbızdı ber.

¹²Bizge jamandık kılgandardı keçirgenibizdey, Sen da bizdin künöölörübüzdü keçire kör.

¹³Azgırılışıbızga jol berbe, bizdi jamandıktan sakta. Antkeni Padışaçılık da, küç da, daŋk da tübölükkö Saga taandık. Oomiyin”.

¹⁴Egerde siler başkalardın künöölörün keçirseŋer, anda asmandagı Ataŋar da silerdi keçiret.

¹⁵Egerde başkalardın künöölörün keçirbeseŋer, anda Ataŋar da silerdin künöölörüŋördü keçirbeyt.

¹⁶Oşondoy ele orozo karmaganıŋarda, eki jüzdüülörgö okşop kabagıŋardı salbagıla. Alar özdörünün orozo karmap jatkanın adamdarga körsötüş üçün, kabagın bürköp alışat. Silerge çındıktı aytıp koёyun, alar öz sıylıgın alıştı.

¹⁷Oşentip, sen özüŋdün orozo karmap jatkanıŋdı adamdarga emes, körünbögön Ataŋa körsötüş üçün,

¹⁸başıŋdı maylap, betiŋdi juu. Jaşıruun orozo karmaganıŋdı körgön Ataŋ saga tieşelüünü açık ele beret.

¹⁹Jer üstündö baylık jıynabagıla. Jerde alardı kübö jeyt, dat basat, uurular üydün tübün kazıp kirip, uurdap ketişet.

²⁰Andan körö baylıktı asmanga jıynagıla. Asmanda alardı kübö jebeyt, dat baspayt, uurular üydün tübün kazıp kirişpeyt da, uurdap ketişpeyt.

²¹Baylıgıŋar kaysı jerde bolso, jürögüŋör da oşol jerde bolot.

²²Denenin çıragı – köz. Egerde közüŋ taza bolso, anda büt deneŋ jarık bolot.

²³Egerde közüŋ jaman bolso, anda büt deneŋ karaŋgı bolot. Egerde sendegi jarık karaŋgı bolso, anda al kanday korkunuçtuu karaŋgılık!

²⁴Eç kim eki kojoyunga kul bolo albayt. Birin jaman körüp, birin jakşı köröt; birine jan-dili menen berilip, ekinçisin bark albayt. Bir ele uçurda Kudayga da, baylıkka da kızmat kıla albaysıŋar.

²⁵Oşonduktan silerge aytarım: “Emne içip, emne jeybiz?” – dep, janıŋar üçün; “Emne kiebiz?” – dep, deneŋer üçün tüyşük tartpagıla. Tamakka karaganda jan, kiyimge karaganda dene kımbat emespi!

²⁶Asmandagı kanattuulardı karagılaçı! Alar egin ekpeyt, orup-jıybayt, kampaga jıynabayt, birok Asmandagı Ataŋar alardı azıktandırat. Alardan siler kança ese artıksıŋar!

²⁷Kimiŋer tüyşük tartuu menen boyuŋardı bir çıkanak östürö alasıŋar?

²⁸Kiyim üçün emnege tüyşük tartasıŋar? Talaadagı liliya güldörünün kantip ösüp jatkanın karagılaçı! Alar emgektenbeyt, jip iyribeyt.

²⁹Birok silerge aytıp koёyun, atügül, atak-daŋktuu Sulayman da bulardın birindey kiyingen emes.

³⁰Bügün talaada ösüp turgan, erteŋ bolso otko ırgıtıla turgan çöptü Kuday uşunday kiyindirse, silerdi alardan artık kiyindirbeybi, işenimi azdar!

³¹Oşonduktan: “Emne jeybiz, emne içebiz?” je “Emne kiebiz?” – dep tüyşük tartpagıla.

³²Antkeni butparastar bulardın baarı üçün tüyşük tartışat. Al emi silerdin uşunun baarına muktaj ekeniŋerdi asmandagı Ataŋar bilet.

³³Baarınan murda Kudaydın Padışaçılıgın jana adilettigin izdegile, oşondo munun baarı silerge koşulup berilet.

³⁴Oşonduktan erteŋki kün üçün tüyşük tartpagıla. Erteŋki kün özü üçün özü tüyşük tartat. Ar bir kündün öz tüyşügü özünö jetiştüü.