Read NT LS 2005 – Инжил ЛС (2005 Matay 8 Bible Online

Matay 8 - NT LS 2005 – Инжил ЛС (2005 bible

Matay 8

¹Iysa toodon tüşköndö, köp el Anı eerçidi.

²Oşondo bir pes ooruluu Aga jakın kelip, taazim kıldı da: «Teŋir! Egerde kaalasaŋ, meni taza kıla alasıŋ», – dedi.

³Iysa aga kolun tiygizip: «Kaalaym, taza bol!» – dedi. Al oşol zamat pes oorusunan ayıgıp, taza bolup kaldı.

⁴Anan Iysa aga: «Eç kimge aytpagın! Bargın da, ıyık kızmat kıluuçuga körünüp, Musa buyrugan kurmandıktı çal, bul alarga kübölöndürüü bolsun», – dedi.

⁵Iysa Kapernaum şaarına kelgende, bir jüz başı Aga jakın kelip:

⁶«Teŋir! Üydö menin kulum katuu oorup, kıynalıp jatat», – dep, Andan jardam suradı.

⁷Oşondo Iysa aga: «Men barıp, anı ayıktıramın», – dedi.

⁸Birok jüz başı mınday dedi: «Teŋir! Üyümö kirüüŋö men tatıksızmın. Sen bir ooz söz aytsaŋ ele, menin kulum ayıgat.

⁹Antkeni men da biylik astındagı adammın, birok menin kol astımda da askerler bar. Alardın birine: “ket”, – desem, ketet; dagı birine: “kel”, – desem, kelet; kuluma: “munu kıl”, – desem, kılat».

¹⁰Munu ugup taŋ kalgan Iysa Özünün artında kele jatkandarga mınday dedi: «Men silerge çındıktı aytıp koёyun, Israyıl jerinen da mınday işenimdi tappadım.

¹¹Silerge aytıp koёyun, çıgış menen batıştan köptör kelip, Asman Padışaçılıgında Ibrayım, Iskak jana Jakıp menen birge boluşat.

¹²Al emi Padışaçılıktın uuldarı sırttagı karaŋgılıkka ırgıtılat. Al jerde ıy jana tiş kıçıratuu bolot».

¹³Anan Iysa jüz başıga: «Bara ber, sen işengendey bolsun», – dedi. Kul oşol zamat ayıktı.

¹⁴Iysa Petirdin üyünö kelip, anın kayın enesi ısıtma oorusu menen oorup jatkanın kördü.

¹⁵Iysa Özünün kolun anın koluna tiygizeri menen, al ısıtma oorusunan ayıgıp kaldı. Anan al ayal turup, Aga kızmat kıla baştadı.

¹⁶Keç kirgende, Iysaga jin oorusuna çaldıkkan köp kişini alıp kelişti. Sözü menen jinderdi kuup çıgarıp, Al bardık ooruluulardı ayıktırdı.

¹⁷Bul Işaya paygambar arkıluu aytılgan tömönkü sözdün atkarılışı üçün boldu: «Al bizdin keselderibizdi Özünö aldı, oorularıbızdı alıp ketti».

¹⁸Iysa Özünün tegeregindegi eldi körgöndö, şakirtterine köldün narkı öyüzünö süzüp ötüünü buyrudu.

¹⁹Oşondo Aga bir mıyzam okutuuçu kelip: «Ustat! Kayda barsaŋ da, men Senin artıŋdan baram», – dedi.

²⁰Iysa aga: «Tülkülördün iyini bar, asmandagı kanattuulardın uyası bar. Al emi Adam Uulunun baş kalkalar jeri jok», – dedi.

²¹Şakirtterdin biri Aga: «Teŋir! Adegende atamdın söögün koyup keleyin, maga uruksat ber», – dedi.

²²Birok Iysa aga: «Menin artımdan eerçi. Ölüktör ölgön adamdarın özdörü koyup alışsın», – dedi.

²³Iysa kayıkka tüşköndö, şakirtteri koşo tüşüştü.

²⁴Kütülbögön jerden köldö çoŋ tolkun baştaldı. Kayıktı tolkun ura baştadı. Iysa bolso uktap jatkan ele.

²⁵Şakirtteri Aga kelip: «Teŋir, bizdi saktay kör, çögüp baratabız», – dep, Anı oygotuştu.

²⁶Oşondo Iysa alarga: «Emne mınça korktuŋar, işenimi azdar?!» – dedi da, ordunan turup, şamal menen kölgö tıyuu saldı. Oşondo uluu tınçtık ornodu.

²⁷Adamdar: «Şamaldı da, köldü da baş iydirgen bul kim?» – dep taŋ kalıştı.

²⁸Iysa köldün narkı öyüzündögü Gadara aymagına kelgende, Anı mürzölük üŋkürlördün içinen jin ooruluu eki adam tosup çıktı. Alar ayabay jaalduu bolgonduktan, bul joldon eç kim ötö alçu emes.

²⁹Anan alar: «Kudaydın Uulu, bizde emne işiŋ bar? Sen bizdi belgilengen ubakıt kele elekte ele kıynaganı keldiŋbi?» – dep kıykıra baştaştı.

³⁰Alardan ança alıs emes jerde çoçkolor jayılıp jürgön ele.

³¹Jinder Iysadan: «Egerde Sen bizdi kuup çıgara turgan bolsoŋ, anda bizdi çoçkolorgo jiberçi», – dep ötünüştü.

³²Iysa alarga: «Bargıla!» – dedi. Alar bul adamdardın içinen çıgıp, çoçkolorgo kirişti. Oşondo çoçkolor tik jardan kölgö kulap, suuga çögüp ölüştü.

³³Çoçko kaytaruuçular bolso kaçıp jönöştü. Alar şaarga kirip, bolgon okuyanı aytıp berişti, jin ooruluu adamdar jönündö da aytıştı.

³⁴Oşondo şaardın büt eli Iysanı uturlap çıktı. Anı körgöndö, alar Andan özdörünün aymagınan çıgıp ketüüsün ötünüştü.