Read NT LS 2005 – Инжил ЛС (2005 Matay 9 Bible Online

Matay 9 - NT LS 2005 – Инжил ЛС (2005 bible

Matay 9

¹Oşondo Iysa kayıkka tüşüp, kayra Öz şaarına süzüp keldi.

²Bul jerden Aga töşöktö jatkan şal ooruluu bir adamdı alıp kelişti. Iysa alardın işenimin körüp, şal ooruluuga: «Korkpo, balam! Künöölörüŋ keçirildi», – dedi.

³Oşondo mıyzam okutuuçulardın kee biröölörü: «Bul Kudayga akarat keltirip jatat», – dep oyloştu.

⁴Iysa alardın oyun bilip: «Emne üçün jaman oylop jatasıŋar?

⁵“Künöölörüŋ keçirildi” dep aytkan oŋoybu, je “Orduŋdan turup, bas” dep aytkan oŋoybu?

⁶Birok siler Adam Uulunun jer üstündö künöölördü keçirüügö biyligi bar ekenin bilişiŋer üçün», – dedi da, – şal ooruluuga: «Orduŋdan turup, töşögüŋdü al da, üyüŋö bar», – dedi.

⁷Al ordunan turup, töşögün aldı da, üyün közdöy jönödü.

⁸Munu körgön el ayabay taŋ kalıp, adamdarga uşunday biylik bergen Kudaydı daŋktadı.

⁹Iysa al jerden ötüp bara jatıp, bajıkananın janında oturgan Matay degen adamdı körüp, aga: «Menin artımdan eerçi», – dedi. Al ordunan turup, Iysanın artınan jönödü.

¹⁰Iysa Mataydın üyündö dastorkon üstündö oturganda, köptögön salık jıynooçular menen künöökörlör kelip, Iysa jana Anın şakirtteri menen bir dastorkongo oturuştu.

¹¹Munu körgön pariseyler Iysanın şakirtterine: «Emne üçün silerdin Ustatıŋar salık jıynooçular jana künöökörlör menen birge tamaktanıp jatat?» – deşti.

¹²Munu ukkan Iysa alarga: «Darıger soo adamdarga emes, ooruluularga kerek.

¹³Bargıla da, “Men kurmandıktardı emes, ırayımduuluktu kaalaym” degen sözdün maanisi emne ekenin bilip algıla. Antkeni Men tobo kıluuga adilettüülördü emes, künöökörlördü çakırganı keldim», – dedi.

¹⁴Oşondo Jakandın şakirtteri kelip, Iysadan: «Pariseyler da, biz da orozonu köp karmaybız, emne üçün Senin şakirtteriŋ orozo karmaşpayt?» – dep suraştı.

¹⁵Iysa alarga mınday dep joop berdi: «Küyöö menen çoguu oturganda, toydogular kapalanışmak bele? Birok Küyöö alardın janınan alınıp kete turgan kündör da kelet, alar oşondo orozo karmaşat.

¹⁶Eç kim eski kiyimge jaŋı kezdemeden jamaçı salbayt. Antkeni jaŋı salıngan jamaçı eski kiyimden sögülüp, jırtık murunkudan da çoŋ bolup kalat.

¹⁷Oşondoy ele jaŋı şaraptı eski çanaçka kuybayt. Bolboso çanaç ayrılıp, şarap tögülüp, çanaç jaraksız bolup kalat. Jaŋı şaraptı jaŋı çanaçka kuyat, oşondo eköö teŋ saktalat».

¹⁸Iysa alarga uşunu aytıp jatkanda, bir başçı kelip, Aga taazim kıldı da: «Menin kızım ölüm aldında jatat. Birok Sen kelip, anın üstünö koluŋdu koysoŋ, al tirüü kalat», – dedi.

¹⁹Oşondo Iysa şakirtteri menen birge anın artınan jönödü.

²⁰Oşol maalda on eki jıldan beri kan aguudan kıynalıp jürgön bir ayal art jagınan kelip, Iysanın kiyiminin etegine kolun tiygizdi.

²¹Al ayal: «Anın kiyimine kolumdu tiygizsem ele ayıgıp kalam», – dep oylogon ele.

²²Iysa artına burulup, anı körgöndö: «Korkpo, kızım! Seni işenimiŋ kutkardı», – dedi. Ayal oşol zamat ayıgıp kaldı.

²³Başkaruuçunun üyünö kelgende, Iysa çoor tartkandardı jana dürbölöŋgö tüşkön eldi körüp, alarga: «Bul jerden çıkkıla!

²⁴Kız ölgön jok, uktap jatat», – dedi. El Anı şıldıŋdap küldü.

²⁵Eldi çıgarıp jibergenden kiyin, Iysa kız jatkan bölmögö kirip, anı kolunan karmap turguzdu. Kız turdu.

²⁶Oşondo bul kabar oşol aymaktagı eldin baarına taradı.

²⁷Iysa al jerden ötüp bara jatkanda, eki sokur Anı: «Iysa, Dööttün Uulu, bizge ırayım kıl!» – dep kıykıra eerçip alıştı.

²⁸Iysa üygö kirgende, sokurlar Anın janına kelişti. Iysa alardan: «Jardam bere alarıma işenesiŋerbi?» – dep suradı. Alar Aga: «Ooba, Teŋir!» – dep joop berişti.

²⁹Oşondo Iysa alardın közdörünö kolun tiygizip: «İşenimiŋerge jaraşa bolsun», – dedi.

³⁰Alardın közdörü körüp kaldı. Iysa alarga: «Bul jönündö eç kim bilbesin», – dep, katuu eskertti.

³¹Alar bolso al jerden çıgıştı da, oşol aymaktagılardın baarına Iysa jönündö jayıp jiberişti.

³²Alar çıgıp bara jatışkanda, Iysaga jin ooruluu bir duduk adamdı alıp kelişti.

³³Iysa jindi kuup çıgargandan kiyin, duduk süylöy baştadı. Oşondo el: «Israyıl jerinde mınday nerse eç kaçan bolgon emes», – dep, taŋ kalıp jattı.

³⁴Pariseyler bolso: «Jinderdi Al jin başçısının küçü menen kuup çıgarıp jatat», – deşti.

³⁵Iysa bardık ayıl-kıştaktardı jana şaarlardı aralap, sinagogalarda eldi okutup, Padışaçılık jönündögü Jakşı Kabardı taratıp, ar türdüü oorulardan, ar kanday keselderden ayıktırıp jürdü.

³⁶Eldi körüp, Iysanın booru oorudu. Antkeni alar koyçusu jok koylor sıyaktuu jüdöp, müŋküröp kalışkan ele.

³⁷Oşondo Iysa şakirtterine mınday dedi: «Tüşüm köp, birok jumuşçular az.

³⁸Oşonduktan tüşümdün Kojoyununa jalıngıla, Al Öz tüşümün jıynaganga jumuşçulardı jibersin».