Read NT LS 2005 – Инжил ЛС (2005 Mark 1 Bible Online

Mark 1 - NT LS 2005 – Инжил ЛС (2005 bible

Mark 1

¹Kudaydın Uulu Iysa Maşayaktın Jakşı Kabarının baştalışı.

²Paygambarlardın kitepterinde: «Mına, Men Senden murun Özümdün periştemdi jiberip jatam. Al Saga jol dayardayt»;

³«Teŋirge jol dayardagıla. Al üçün joldordu tüzdögülö dep, een talaada jar salgan ün ugulat», – dep jazılganday,

⁴çömüldürüüçü Jakan kelip, een talaada suuga çömüldürüp, mınday dep jar saldı: «Künööŋör keçirilişi üçün, tobo kılgıla, suuga çömüldürülgülö».

⁵Büt Jüyüt eli jana bardık ierusalimdikter aga kelip, künöölörün moyundarına alıp, açık aytıp jatıştı. Jakan alardı İordan darıyasına çömüldürüp jattı.

⁶Jakan töönün jününön kiyim kiyip, beline kayış kur kurçanıp jürçü. Al çegirtke menen japayı bal jeçü.

⁷Jakan elge mınday dep jar saldı: «Menin artımdan menden Küçtüü kele jatat. Men eŋkeyip, Anın but kiyiminin boosun çeçüügö da tatıksızmın.

⁸Men silerdi suuga çömüldürdüm, Al bolso Iyık Ruhka çömüldüröt».

⁹Oşol kündördö Galileyanın Nazaret şaarınan Iysa kelip, Jakan tarabınan İordan suusuna çömüldürüldü.

¹⁰Al suudan çıkkanda, (Jakan) açılgan asmandı jana Ruhtun kögüçkön sıyaktuu Aga tüşüp kele jatkanın kördü.

¹¹Oşondo asmandan «Sen Menin süyüktüü Uulumsuŋ. Men Saga ıraazımın» degen ün uguldu.

¹²Oşol zamat Ruh Anı çölgö alıp bardı.

¹³Iysa çöldö kırk kün bolup, şaytan tarabınan sınaldı. Al jırtkıçtar menen birge boldu. Perişteler Aga kızmat kılıştı.

¹⁴Jakan kamakka alıngandan kiyin, Iysa Galileyaga kelip, Kudaydın Padışaçılıgı jönündö jar salıp:

¹⁵«Ubakıt keldi, Kudaydın Padışaçılıgı jakındap kaldı. Tobo kılgıla, Jakşı Kabarga işengile», – dedi.

¹⁶Iysa Galileya kölünün jeegi menen bara jatıp, kölgö tor salıp jatkan Şımondu jana anın bir tuuganı Andreydi kördü. Alar balıkçılar ele.

¹⁷Oşondo Iysa alarga: «Menin artımdan eerçigile, Men silerdi adam karmooçu kılam», – dedi.

¹⁸Alar oşol zamat torlorun taştap, Anın artınan eerçip jönöştü.

¹⁹Bir az narı baskandan kiyin, Al Zebedeydin uuldarı Jakıp menen Jakandı kördü. Alar kayıktın içinde tor oŋdop oturuşkan ele.

²⁰Oşol zamat Iysa alardı çakırdı. Oşondo alar atası Zebedeydi jumuşçuları menen kayıkka kaltırıp, Iysanın artınan eerçip jönöştü.

²¹Alar Kapernaumga kelişti. Iysa işembi künü sinagogaga kirip, eldi okuttu.

²²El Anın okutuusuna taŋ kaldı. Antkeni Iysa alardı mıyzam okutuuçularday emes, biyligi bar adamday okuttu.

²³Alardın sinagogasında jin ooruluu bir adam bar ele. Al oşol zamat:

²⁴«Ey, nazarettik Iysa! Bizde emne işiŋ bar? Sen bizdi jok kılganı keldiŋbi? Senin kim ekeniŋdi bilem, Sen Kudaydın Iyıgısıŋ!» – dep kıykırdı.

²⁵Birok Iysa jinge: «Ünüŋdü bas da, anın içinen çıgıp ket!» – dep tıyuu saldı.

²⁶Oşondo jin al adamdı kaltıratıp jana katuu kıykırtıp, anın içinen çıgıp ketti.

²⁷Bardıgının üröylörü uçup, biri-birine: «Bul emnesi? Bul emne degen jaŋı okutuu?! Al jinderge biylik menen buyruk berip jatat, alar bolso Aga baş iyip jatışat», – deşti.

²⁸Al jönündögü kabar Galileyanın tuş tarabına tez ele tarap ketti.

²⁹Iysa sinagogadan çıkkandan kiyin, Jakıptı, Jakandı eerçitip, tüz ele Şımon menen Andreydin üyünö keldi.

³⁰Şımondun kaynenesi ısıtma oorusu menen oorup jatkan. Iysaga daroo al jönündö aytıştı.

³¹Oşondo Iysa ooruluunun janına kelip, kolunan karmap turguzdu. Ayal ısıtma oorusunan oşol zamat ayıgıp, alarga kızmat kıla baştadı.

³²Kün batıp, keç kirgende, Aga bardık ooruluulardı jana jin ooruluulardı alıp kelişti.

³³Şaardın bardık eli eşiktin aldına çoguldu.

³⁴Iysa ar kanday oorudan azap çekken köptögön adamdardı ayıktırdı, köptögön adamdardın içinen jinderdi kuup çıgardı, alardın süylöşünö jol bergen jok. Antkeni jinder Anın Maşayak ekendigin bilişçü.

³⁵Ertesi Iysa taŋ ata elekte turup, üydön çıgıp, een jerge barıp sıyındı.

³⁶Şımon jana anın janındagılar Iysanı izdep jönöştü.

³⁷Anı tabışkanda: «Bardıgı Seni izdep jatışat!» – deşti.

³⁸Iysa alarga: «Jakın jerdegi başka kıştaktarga, şaarlarga baralı. Men oşol jerlerde da Jakşı Kabar aytışım kerek. Antkeni Men oşon üçün kelgem», – dedi.

³⁹Oşentip, Al bütkül Galileyanı aralap, alardın sinagogalarında eldi okutup, jin ooruluu adamdardan jinderdi kuup çıgarıp jürdü.

⁴⁰Iysaga pes ooruluu bir adam kelip, tizelep jıgıldı da: «Egerde Sen kaalasaŋ, meni taza kıla alasıŋ», – dep jalındı.

⁴¹Iysa boor oorup, aga kolun tiygizdi da: «Kaalaym, taza bol!» – dedi.

⁴²Oşol zamat al pes oorusunan ayıgıp, taza bolup kaldı.

⁴³Iysa bolso aga: «Eç kimge eç nerse aytpagın!» – dep, katuu eskertti da:

⁴⁴«Barıp, ıyık kızmat kıluuçuga körün, tazalanuuŋ üçün, Musa buyrugan kurmandıktı çal. Bul alarga kübölöndürüü bolsun», – dep, ketirip jiberdi.

⁴⁵Al bolso al jerden ketti da, bolgon okuyanı elge jaya baştadı. Oşonduktan Iysa şaarga açık kire albay, şaardın sırtındagı een jerlerde boldu. Oşondo da Aga bardık jerden el kelip jattı.