Read NT LS 2005 – Инжил ЛС (2005 Mark 10 Bible Online

Mark 10 - NT LS 2005 – Инжил ЛС (2005 bible

Mark 10

¹Iysa al jerden çıgıp, İordan darıyasının narkı öyüzündögü Jüyüt aymagına keldi. Anın janına kayradan köp el çoguldu. Al adatınça alardı okuta baştadı.

²Pariseyler kelip, Iysadan: «Erkekke ayalın ketirüügö bolobu?» – dep sınap suraştı.

³Iysa alarga joop bere: «Musa silerge kanday osuyat berdi ele?» – dep suradı.

⁴Alar: «Musa erkektin talak kat jazıp, ayalın ketirüüsünö uruksat bergen», – deşti.

⁵Oşondo Iysa alarga mınday dep joop berdi: «Silerdin taş boorduguŋardan ulam, Musa silerge uşul osuyattı jazıp kaltırgan.

⁶Kuday düynönü jarata baştaganda ele, adamdardı erkek, ayal kılıp jaratkan.

⁷Oşonduktan adam ata-enesin taştap,

⁸ayalı menen biriget. Eköö bir dene bolot. Oşentip, alar eköö emes, bir dene.

⁹Demek, Kuday koşkondu adam ajıratpasın».

¹⁰Iygö kelişkende, şakirtteri Iysadan uşul jönündö dagı suraştı.

¹¹Iysa alarga: «Ayalın ketirip, başkanı algan adam oynoştuk kılgan bolot.

¹²Küyöösün taştap, başkaga tiygen ayal da oynoştuk kılgan bolot», – dedi.

¹³Iysa kolun tiygizip koysun dep, kee biröölör Aga baldarın alıp kelişti. Birok şakirtter alarga toskoolduk kılıştı.

¹⁴Munu körgön Iysa açuulanıp, alarga mınday dedi: «Baldardın Maga kelüüsünö jol bergile. Alarga toskoolduk kılbagıla, antkeni Kudaydın Padışaçılıgı uşundaylardıkı.

¹⁵Silerge çındıktı aytıp koёyun, kim Kudaydın Padışaçılıgın baladay kabıl albasa, al aga kirbeyt».

¹⁶Anan Al baldardı kuçaktap, alardın üstünö kolun koyup, batasın berdi.

¹⁷Iysa jolgo çıkkanda, biröö çurkap kelip, Anın aldına tizelep jıgıldı da: «Jakşı Ustat! Tübölük ömürgö ee boluu üçün, emne kılışım kerek?» – dep suradı.

¹⁸Iysa aga: «Meni emnege jakşı deysiŋ? Kudaydan başka eç kim jakşı emes.

¹⁹“Oynoştuk kılba. Kişi öltürbö. Biröögö jalaa jappa. Uurdaba. Taarıntpa. Ata-eneŋdi sıyla” degen osuyattardı bilesiŋ», – dedi.

²⁰Al Iysaga: «Ustat, men munun bardıgın jaş çagımdan beri atkarıp jüröm», – dep joop berdi.

²¹Iysa anı karap, jakşı körö mınday dedi: «Saga bir nerse jetişpeyt. Bar da, koluŋda bolgondun bardıgın satıp, jakırlarga taratıp ber, oşondo asmanda kazınaŋ bolot. Anan kel da, aykaş jıgaçıŋdı alıp, Meni eerçip jür».

²²Oşondo al bul sözgö kapa bolup, köŋülü çökkön boydon ketip kaldı, antkeni anın mal-mülkü köp ele.

²³Iysa tegeregin karap, şakirtterine: «Baylardın Kuday Padışaçılıgına kirişi kanday kıyın!» – dedi.

²⁴Şakirtter Anın sözdörünö ayabay taŋ kalıştı. Birok Iysa kayradan alarga: «Baldar, baylıgına işengenderdin Kuday Padışaçılıgına kirişi kanday kıyın!

²⁵Bay adamdın Kuday Padışaçılıgına kirüüsünö karaganda, iynenin közünön töönün ötüüsü oŋoyuraak», – dedi.

²⁶Alar ayabay taŋ kalışıp, özdörünçö: «Anda kim kutkarılat?» – deşti.

²⁷Iysa alardı karap: «Adamdar munu kıla alışpayt, birok Kuday kıla alat. Antkeni Kuday bardıgın kıla alat», – dedi.

²⁸Petir Aga: «Mına, biz baarın taştap, Seni eerçip jüröbüz», – dep ayta baştadı.

²⁹Oşondo Iysa mınday dedi: «Silerge çındıktı aytıp koёyun, Men üçün jana Jakşı Kabar üçün üy-jayın, je aga-inilerin, je eje-karındaştarın, je enesin, je atasın, je ayalın, je baldarın, je jerin taştagan adam

³⁰azır, bul düynödö, kuuguntuk uçurunda da jüz ese köp üy-jayga, aga-inige, eje-karındaşka, ata-enege, baldarga jana jerge, al emi keleçekte tübölük ömürgö ee bolboy koyboyt.

³¹Birinçilerdin köpçülügü akırkı, akırkılardın köpçülügü birinçi bolot».

³²Alar İerusalimdi közdöy bara jatıştı. Iysa alardın aldında bara jattı. Anın artınan eerçip bara jatkan şakirtterdin üröylörü uçup, korkup jürüp oturuştu. Iysa on eki şakirtin çakırıp alıp, alarga Özün emne kütüp turgandıgı jönündö kayradan mınday dep ayta baştadı:

³³«Mına, biz İerusalimge jakındap kaldık. Adam Uulun başkı ıyık kızmat kıluuçular menen mıyzam okutuuçulardın koluna salıp berişet, Aga ölüm jazasın öküm kılıp, butparastardın koluna ötkörüp berişet.

³⁴Anı kordoşot, sabaşat, betine tükürüşöt, anan Anı öltürüşöt. Birok Al üçünçü künü tirilet».

³⁵Oşondo Zebedeydin uuldarı Jakıp menen Jakan Iysaga jakın kelip: «Ustat! Bizdin suranıçıbızdı orundatışıŋdı kaalaybız», – deşti.

³⁶Iysa alarga: «Emne kılışımdı kaalaysıŋar?» – dedi.

³⁷Alar Iysaga: «Özüŋdün daŋkıŋa ee bolgonuŋda, biribizge oŋ jagıŋa, biribizge sol jagıŋa oturuuga uruksat ber», – deşti.

³⁸Birok Iysa alarga: «Emne surap jatkanıŋardı bilbeysiŋer. Men içe turgan çöyçöktön içe alasıŋarbı? Men çömüldürülö turgan çömüldürüü menen çömüldürülö alasıŋarbı?» – dedi.

³⁹Alar: «Oşente alabız», – dep joop berişti. Iysa bolso alarga: «Men içe turgan çöyçöktön içesiŋer, Men çömüldürülö turgan çömüldürüü menen çömüldürülösüŋör.

⁴⁰Birok Menin oŋ jagım menen sol jagıma oturguzuu Menin kolumda emes. Kimge dayardalgan bolso, oşol oturat», – dedi.

⁴¹Munu ukkan on şakirt Jakıp menen Jakanga açuulana baştaştı.

⁴²Iysa bolso şakirtterin çakırıp, alarga: «Elge başçılar üstömdük kıların, törölör biylik jürgüzörün bilesiŋer.

⁴³Birok silerdin araŋarda mınday bolbosun. Teskerisinçe, araŋarda kim çoŋ bolgusu kelse, al silerge kızmatçı bolsun.

⁴⁴Araŋarda kim birinçi bolgusu kelse, al baarıŋarga kul bolsun.

⁴⁵Antkeni Adam Uulu da Özünö kızmat kıldıruu üçün emes, teskerisinçe, Özü kızmat kıluu üçün, Öz janın berip, köptördü kutkaruu üçün kelgen», – dedi.

⁴⁶Alar Jeriho şaarına kelişti. Iysa Jeriho şaarınan şakirtteri jana köp el menen çıgıp bara jatkan. Oşol uçurda Timey uulu Bartımey degen sokur adam jol boyunda kayır surap oturgan.

⁴⁷Nazarettik Iysa ötüp bara jatkanın ukkan al: «Iysa, Dööttün Uulu! Maga ırayım kıla kör!» – dep kıykıra baştadı.

⁴⁸Köptör anı tıyıp jatıştı. Birok al: «Dööttün Uulu, maga ırayım kıla kör!» – dep, ogo beter katuu kıykıra baştadı.

⁴⁹Iysa toktop: «Anı çakırgıla», – dedi. Oşondo sokur adamga: «Korkpo, orduŋdan tur, seni çakırıp jatat», – deşti.

⁵⁰Al sırtkı kiyimin çeçip ırgıttı da, ordunan turup, Iysanın janına keldi.

⁵¹Iysa andan: «Menin emne kılışımdı kaalaysıŋ?» – dep suradı. Sokur adam Aga: «Ustat! Közüm körsö eken», – dedi.

⁵²Oşondo Iysa aga: «Bara ber, seni işenimiŋ kutkardı», – dedi. Oşol zamat anın közdörü körüp kaldı. Anan al Iysanın artınan eerçip jönödü.