Read NT LS 2005 – Инжил ЛС (2005 Mark 11 Bible Online

Mark 11 - NT LS 2005 – Инжил ЛС (2005 bible

Mark 11

¹Alar İerusalimge jakındaganda, Zaytun toosunun etegindegi Beytpagiya jana Betaniya kıştaktarına jakındap kalışkanda, Iysa eki şakirtin mınday dep jönöttü:

²«Maŋdayıŋardagı kıştakka bargıla. Kıştakka kireriŋer menen, eç bir adam mine elek, baylanıp turgan kodikti körösüŋör. Anı çeçip alıp, bul jerge alıp kelgile.

³Egerde kimdir biröö silerden: “Munu emne kılasıŋar?” – dep surasa, “Bul Teŋirge kerek”, – dep joop bergile. Oşondo al kodikti daroo ele beret».

⁴Alar barıp, köçödö, darbazanın janında baylanıp turgan kodikti taap, çeçip alıştı.

⁵Oşondo al jerde turgandardın kee biröölörü alarga: «Emne kılıp jatasıŋar? Siler kodikti emne üçün çeçip alıp jatasıŋar?» – deşti.

⁶Şakirtter bolso Iysa aytkanday joop berişti. Oşondo tigiler alardı koё berişti.

⁷Kodikti Iysaga alıp kelip, anın üstünö özdörünün kiyimderin salıp berişti. Iysa kodikke mindi.

⁸Oşondo eldin köpçülügü özdörünün kiyimderin, ayrımdar bolso daraktardın butaktarın kesip alıp, jolgo töşöp jatıştı.

⁹Iysanın aldı-artında bara jatkandar: «Dööttün Uuluna daŋk! Teŋirdin atınan Kele Jatkanga alkış!

¹⁰Atabız Dööttün kele jatkan Padışaçılıgı daŋktuu bolsun! Eŋ Jogorudagıga daŋk!» – dep, kıykırıp kele jatıştı.

¹¹Iysa İerusalimge kelip, iybadatkanaga kirip, bardıgın karap çıktı. Kün keçtep kalgandıktan, on eki şakirti menen birge Betaniyaga jönöp ketti.

¹²Ertesi künü alar Betaniyadan çıgışkanda, Iysa açka boldu.

¹³Al alıstan jalbıraktuu anjır daragın körüp, bir nerse tabılar beken dep, jakın basıp bardı. Birok anjır daragının janına kelip, jalbıraktan başka eç nerse taba algan jok. Antkeni anjır jıynay turgan ubakıt kele elek ele.

¹⁴Oşondo Iysa anjır daragına: «Mından arı tübölükkö senden eç kim mömö jebesin!» – dedi. Munu şakirtteri uguştu.

¹⁵Anan İerusalimge kelişti. Iysa iybadatkanaga kirip, al jerdegi satuuçular menen satıp aluuçulardı kuup çıgara baştadı. Akça almaştıruuçular menen kögüçkön satkandardın üstölün köŋtörüp saldı.

¹⁶İybadatkana arkıluu bir nerse alıp ötüügö eç kimge uruksat bergen jok.

¹⁷Anan elge mınday dedi: «Iyık Jazuuda: “Menin üyüm büt elderdin sıyınuu üyü dep atalat”, – dep jazılgan emes bele? Siler bolso anı karakçılardın uyuguna aylandırdıŋar».

¹⁸Munu ukkan mıyzam okutuuçular menen başkı ıyık kızmat kıluuçular Anı öltürüünün jolun izdey baştaştı. Alar Andan korkuşçu, antkeni büt el Anın okutuusuna taŋ kalar ele.

¹⁹Keç kirgende, Al şaardan çıgıp ketti.

²⁰Erteŋ menen alar bayagı anjır daragının janınan ötüp bara jatışıp, daraktın tamırına çeyin kuurap kalganın körüştü.

²¹Oşondo Petir estey kalıp, Iysaga: «Ustat, karaçı! Sen kargagan anjır jıgaçı kuurap kalıptır», – dedi.

²²Iysa alarga mınday dep joop berdi:

²³«Kudayga işengile. Silerge çındıktı aytıp koёyun, kim bul toogo: “Orduŋan kötörülüp, deŋizge tüş”, – dese jana içinen şektenbey, aytkan sözü atkarılarına işense, aytkanınday bolot.

²⁴Oşonduktan silerge aytıp koёyun, Kudaydan emneni surasaŋar da, alarıŋarga işengile, oşondo silerge berilet.

²⁵Kimdir biröögö karşı bir nerseŋer bar bolso, sıyınıp jatkanıŋarda, anı keçirip koygula. Oşondo asmandagı Ataŋar da silerdin künöölörüŋördü keçirip koёt.

²⁶Egerde keçirbeseŋer, anda asmandagı Ataŋar da silerdin künöölörüŋördü keçirbeyt».

²⁷Alar kayradan İerusalimge kelişti. Iysa iybadatkanada jürgöndö, başkı ıyık kızmat kıluuçular, mıyzam okutuuçular jana aksakaldar kelip:

²⁸«Sen munu kaysı biyliktin negizinde kılıp jatasıŋ? Munu kıluuga Saga kim biylik berdi?» – dep suraştı.

²⁹Iysa alarga mınday dep joop berdi: «Men da silerden bir nerseni surayın, Maga joop bergileçi. Oşondo Men da silerge munu kaysı biyliktin negizinde kılıp jatkanımdı aytam.

³⁰Jakandın çömüldürüüsü Kudaydan bele je adamdardan bele? Maga joop bergileçi».

³¹Alar bolso öz ara mınday dep talkuulaştı: «Egerde “Kudaydan”, – desek, anda Al: “Anda emne üçün Jakanga işengen joksuŋar?” – deyt».

³²«Adamdardan» dep aytuudan korkuştu, antkeni büt baarı Jakandı çın ele paygambar dep esepteşçü.

³³Alar Iysaga: «Bilbeybiz», – dep joop berişti. Oşondo Iysa alarga: «Munu kaysı biyliktin negizinde kılıp jatkanımdı Men da silerge aytpaym», – dedi.