Read NT LS 2005 – Инжил ЛС (2005 Mark 12 Bible Online

Mark 12 - NT LS 2005 – Инжил ЛС (2005 bible

Mark 12

¹Iysa alarga ülgü-nasaat aŋgemeler menen süylöy baştadı: «Bir adam jüzüm bagın oturguzat. Anın tegeregine tosmo kurup, jüzüm sıgıluuçu jay jasap, küzöt munarasın salat da, anı jüzümçülörgö tapşırıp, özü ubaktıluu bir jakka ketet.

²Jüzüm bagının jemişinen aluu üçün, öz ubagı kelgende, jüzümçülörgö özünün kulun jönötöt.

³Alar bolso kuldu karmap alıp sabaşat da, kuru kol ketirip jiberişet.

⁴Oşondo al başka kulun jiberet. Jüzümçülör anın başın taş menen jarıp, kordop ketirip jiberişet.

⁵Oşondo al dagı bir kulun jönötöt. Jüzümçülör anı öltürüp salışat. Al dagı köptögön kuldarın jönötöt. Jüzümçülör alardın kee birin sabap, kee birin öltürüp salışat.

⁶Akırı jüzümdük eesi: “Uulumdan uyalışar”, – dep, jüzümçülörgö özünün süyüktüü uulun jönötöt.

⁷Birok jüzümçülör biri-birine: “Bul – murasçı. Jürgülö, anı öltürüp salabız, oşondo muras bizdiki bolot”, – deşet da,

⁸anı karmap alıp öltürüp, jüzüm bagının sırtına ırgıtıp jiberişet.

⁹Emi jüzümdük eesi emne kılat? Al kelet da, jüzümçülördü öltürüp, jüzümdüktü başkalarga tapşırat.

¹⁰Siler Kudaydın kitebindegi: “Kuruuçular jaratpay koygon taş burçtun negizi bolup kaldı.

¹¹Bul Teŋirden, bul bizdin közübüzgö ukmuştuu körünöt” degen sözdördü okugan jok beleŋer?»

¹²Oşondo alar Iysanı karmoogo araket kılıştı. Antkeni alar bul ülgü-nasaat aŋgemede özdörü jönündö aytılganın tüşünüşkön ele. Birok elden korkuşkandıktan, al jerden ketip kalıştı.

¹³Alar Iysanı sözünön karmoo üçün, bir neçe pariseydi jana İroddun bir neçe kişisin jönötüştü.

¹⁴Alar Iysaga kelip: «Ustat, Senin adilettüü ekeniŋ bizge belgilüü. Eç kimge jagınbaysıŋ, bet karamalık kılbaysıŋ, Kudaydın mıyzamdarın tuura okutasıŋ. Rim padışasına salık tölöö tuurabı je tuura emespi? Berişibiz kerekpi je berbey ele koyuşubuz kerekpi?» – deşti.

¹⁵Birok alardın eki jüzdüülügün bilgen Iysa: «Meni emne sınap jatasıŋar? Maga dinariy alıp kelip körsötkülöçü», – dedi.

¹⁶Alar alıp kelip berişti. Oşondo Iysa alardan: «Mına bul süröt menen jazuu kimdiki?» – dep suradı. Alar Aga: «Padışanıkı», – dep joop berişti.

¹⁷Iysa alarga: «Padışaga tieşelüünü padışaga, Kudayga tieşelüünü Kudayga bergile», – dep joop berdi. Oşondo alar Iysaga ayabay taŋ kalıştı.

¹⁸Andan kiyin «Ölgöndör tirilbeyt» degen sadukeyler Iysaga kelip:

¹⁹«Ustat! Musa bizge: “Egerde biröönün bir tuuganı ölüp, ayalı kalsa jana andan bala kalbasa, anda bir tuuganı anın ayalın alıp, tukumun ulasın”, – dep jazıp kaltırgan.

²⁰Jeti bir tuugan bar ele. Birinçisi ayal alıp, artına tukum kaltırbay köz jumdu.

²¹Anan al ayaldı ekinçisi aldı. Al da düynödön balasız ötüp ketti. Içünçüsü da oşondoy boldu.

²²Al ayaldı jetöö teŋ alıştı, birok bala kaltırışkan jok. Akırında ayal da öldü.

²³Tirilüü künü kelgende, ölgöndör tirilgenden kiyin, al ayal bulardın kimisinin ayalı bolot? Antkeni anı jetöö teŋ ayaldıkka algan», – dep suraştı.

²⁴Oşondo Iysa alarga mınday dep joop berdi: «Siler Iyık Jazuunu jana Kudaydın küçün bilbegendikten jaŋılıp jatasıŋar.

²⁵Ölgöndör tirilgenden kiyin, ayal aluu, küyöögö tiyüü degen bolboyt. Alar asmandagı periştelerdey bolup kalışat.

²⁶Ölgöndördün tirileri jönündö ayta turgan bolsok, Musanın kitebindegi jalındagan badal jönündögü aŋgemede Kudaydın Musaga: “Men Ibrayımdın, Iskaktın, Jakıptın Kudayımın”, – degenin okugan jok beleŋer?”

²⁷Kuday – ölgöndördün emes, tirüülördün Kudayı. Demek, siler ölgöndör tirilbeyt dep, katuu jaŋılıp jatasıŋar».

²⁸Alardın talaşın jana Iysanın alarga jakşı joop bergenin ukkan bir mıyzam okutuuçu Anın janına kelip: «Eŋ birinçi osuyat kaysı?» – dep suradı.

²⁹Iysa aga mınday dep joop berdi: «Eŋ birinçi osuyat bul: “Kulak sal, Israyıl! Bizdin Kuday-Teŋiribiz – jalgız Teŋir.

³⁰Kuday-Teŋiriŋdi çın jürögüŋ menen, büt jan-diliŋ menen, büt tüşünügüŋ menen jana bardık küç-kubatıŋ menen süy!” Birinçi osuyat uşul!

³¹Ekinçisi uşuga okşoş: “Özüŋdü kanday süysöŋ, jakınıŋdı da oşondoy süy”. Bulardan başka uluu osuyat jok».

³²Mıyzam okutuuçu Iysaga: «Tuura aytasıŋ, Ustat! Kuday biröö, Andan başka Kuday jok.

³³Anı çın jürögüŋ menen, büt akılıŋ menen, büt jan-diliŋ menen, bardık küç-kubatıŋ menen süyüü jana özüŋdü kanday süysöŋ, jakınıŋdı da oşondoy süyüü bardık bütündöy örttölüüçü kurmandıktardan jana başka kurmandıktardan da artık», – dedi.

³⁴Iysa anın tuura joop bergenin körüp, aga: «Sen Kudaydın Padışaçılıgınan alıs emessiŋ», – dedi. Uşundan kiyin eç kim Aga suroo berüügö batıngan jok.

³⁵Iysa iybadatkanada eldi okutup jatkanda, mınday dedi: «Mıyzam okutuuçular Maşayaktı Dööttün Uulu dep, emnenin negizinde aytıp jürüşöt?

³⁶Antkeni Dööt özü Iyık Ruhtun jetegi menen: “Teŋir menin Teŋirime mınday dedi: "Men Senin duşmandarıŋdı but aldıŋa jıkkanga çeyin, Menin oŋ jagıma otur"”, – degen.

³⁷Demek, Dööt özü Maşayaktı “Teŋirim” dep atagan bolso, anan kantip Al Dööttün Uulu bolsun?» Oşondo köp el Anı berilüü menen uktu.

³⁸Anan Iysa eldi mınday dep okuttu: «Uzun kiyim kiyip jürüünü, eldik jıyındarda alik aluunu,

³⁹sinagogada aldıŋkı orundarda, toylordo bolso tördö oturuunu jakşı körgön mıyzam okutuuçulardan sak bolgula.

⁴⁰Alar jesir ayaldardın mal-mülkün talap-tonoşot, elge körünüş üçün, uzakka sıyınışat. Alar oor jazaga duuşar boluşat».

⁴¹Iysa kurmandıktar salına turgan kutunun maŋdayında eldin akça salganın karap oturdu. Köptögön bay adamdar köp akça salıp jatıştı.

⁴²Bir jesir ayal da kelip, eki lepta saldı.

⁴³Oşondo Iysa şakirtterin janına çakırıp, alarga mınday dedi: «Silerge çındıktı aytıp koёyun, bul jardı jesir ayal akça salgandardın bardıgınan köp saldı.

⁴⁴Antkeni bardıgı özdörünön artkandı salıştı, al emi bul ayal jardılıgına karabastan, kolunda bolgonun, tamakka degen akçasının baarın saldı».