Read NT LS 2005 – Инжил ЛС (2005 Mark 13 Bible Online

Mark 13 - NT LS 2005 – Инжил ЛС (2005 bible

Mark 13

¹Iysa iybadatkanadan çıgıp bara jatkanda, şakirtterinin biri: «Ustat, karaçı! Kanday kooz taştar! Kanday kooz imarattar!» – dedi.

²Oşondo Iysa aga: «Bul çoŋ imarattardı körüp jatasıŋbı? Munun baarı kıyratılat, bul jerde taş üstündö taş kalbayt», – dedi.

³Iysa iybadatkananın maŋdayındagı Zaytun toosunda oturganda, özdörünçö kalışkanda, Petir, Jakıp, Jakan jana Andrey Andan:

⁴«Bizge aytıp berçi, bul kaçan bolot? Munun baarının işke aşarın kanday belgi arkıluu bilse bolot?» – dep suraştı.

⁵Iysa alarga mınday dep ayta baştadı: «Silerdi biröö adaştırıp ketpeşi üçün sak bolgula.

⁶Antkeni köptör Menin ısımımdı jamınıp kelip: “Maşayak Menmin”, – dep, köptördü adaştırışat.

⁷Soguştar jana soguş kabarları jönündö ukkanıŋarda, üröyüŋördü uçurbagıla. Antkeni bular boluşu kerek, birok bul düynönün akırı emes.

⁸Bir el bir elge, bir padışaçılık bir padışaçılıkka karşı kötörülöt, jer-jerlerde jer titiröölör, açkaçılık jana kozgoloŋdor bolot. Bular – kıyınçılıktardın baştalışı.

⁹Birok siler özüŋörgö sak bolgula. Antkeni silerdi sotko berişet, sinagogalarda urup-sabaşat. Men jönündö kübölöndürüşüŋör üçün, silerdi başkaruuçular menen padışalardın aldına alıp barışat.

¹⁰Baarınan murda bardık elderge Jakşı Kabar taratılışı kerek.

¹¹Silerdi salıp berüü üçün alıp bara jatışkanda, emneni aytabız dep tınçsızdanbagıla. Oşol saatta silerge emne berilse, oşonu aytkıla. Antkeni siler emes, Iyık Ruh süylöyt.

¹²Bir tuugan bir tuuganın, atası baldarın ölümgö kıyat. Baldarı ata-enelerine karşı kötörülüp, alardı öltürüşöt.

¹³Menin ısımım üçün bardıgına jek köründü bolosuŋar. Al emi akırına çeyin çıdagan adam kutkarılat.

¹⁴Okugan adam tüşünüp alsın: Daniel paygambar arkıluu aytılgan kıyratuuçu jiyirkeniç turbaşı kerek bolgon jerde turganın körgönüŋördö, Jüyüt aymagındagılar toolorgo kaçıp ketişsin.

¹⁵Kim üydün töbösündö bolso, al bir nerse aluu üçün, üyünö kirbesin.

¹⁶Kim talaada bolso, al kiyimin aluu üçün, artka kayrılıp kelbesin.

¹⁷Oşol kündördö koş boyluu jana emçekte balası bar ayaldarga kıyın bolot.

¹⁸Kaçuuŋar kış mezgiline tuura kelip kalbas üçün sıyıngıla.

¹⁹Antkeni oşol kündördö çoŋ alaamat bolot, anday alaamat düynö jaratılgandan baştap, azırkıga çeyin bolgon emes jana kiyin da bolboyt.

²⁰Egerde Teŋir al kündördü kıskartpasa, anda eç bir adam kutkarılmak emes. Birok Al Özü tandap algandar üçün gana oşol kündördü kıskarttı.

²¹Oşondo silerge kimdir biröö: “Mına, Maşayak bul jerde” je “Tigine, tigil jerde”, – dese, işenbegile.

²²Antkeni jalgan maşayaktar, jalgan paygambarlar çıgat. Mümkün bolso, tandalgandardı da adaştıruu üçün, jışaandardı jana keremetterdi körsötüşöt.

²³Siler bolso sak bolgula. Mına, Men silerge bardıgın aldın ala ayttım.

²⁴Birok oşol kündördö oşol alaamattan kiyin, kün karaŋgılap, ay jarıgın berbey kalat.

²⁵Asmandan jıldızdar tüşüp, asman küçtörü kıymıldayt.

²⁶Oşondo Adam Uulunun buluttardın üstündö uluu küç jana daŋk menen kele jatkanın körüşöt.

²⁷Oşondo Al Özünün periştelerin jiberip, tögöröktün tört burçunan, büt jer jüzünön Özünün tandalgandarın çogultat.

²⁸Anjır daragınan sabak algıla: anın butaktarı kööp, büçür baylap kalganda, jay kelerine az kalganın bilesiŋer.

²⁹Oşol sıyaktuu ele, siler da bulardın bolo baştaganın körgönüŋördö, az ubakıt kalganın, bosogodo turganın bilgile.

³⁰Silerge çındıktı aytıp koёyun, munun baarı bolmoyunça, bul muun jok bolup ketpeyt.

³¹Asman menen jer jok bolup ketet, Menin sözdörüm bolso jok bolboyt.

³²Al kündü je al saattı eç kim bilbeyt: asmandagı perişteler da, Uul da bilbeyt, bir gana Ata bilet.

³³Baykagıla, sergek bolgula, sıyıngıla. Antkeni al ubakıttın kaçan kelerin bilbeysiŋer.

³⁴Bul jolgo çıgarda üy-jayın kaltırıp, kuldarına biylik berip, ar birine özünçö iş tapşırgan, darbaza kaytaruuçuga bolso sak boluunu buyrugan üy eesine okşoş.

³⁵Oşonduktan sergek bolgula. Antkeni üydün eesi kaçan kelerin, keçindebi, tün ortosundabı, koroz kıykırgan maaldabı, taŋ atkandabı, bilbeysiŋer.

³⁶Al kütülbögön ubakta, siler uktap jatkanda kelip kalbasın!

³⁷Silerge aytıp jatkanım baarına tieşelüü: sergek bolgula!»