Read NT LS 2005 – Инжил ЛС (2005 Mark 16 Bible Online

Mark 16 - NT LS 2005 – Инжил ЛС (2005 bible

Mark 16

¹İşembi kün ötköndön kiyin, magdalalık Mariyam, Jakıptın enesi Mariyam jana Salome Iysanın denesin mayloo üçün, jıpar jıttuu maylardı satıp alıştı.

²Jumanın birinçi künü, erteŋ menen erte, kün çıga elekte, alar mürzögö kelişti.

³Alar öz ara: «Mürzönün oozundagı taştı kim çetke jıldırıp beret?» – dep, süylöşüp kele jatıştı.

⁴Alar mürzögö jakın kelişkende, taştın çetke jıldırılıp kalganın körüştü. Taş bolso ayabay çoŋ ele.

⁵Alar mürzögö kirgende, oŋ tarapta oturgan, ak kiyimçen bir jigitti körüp, korkup ketişti.

⁶Al bolso alarga mınday dedi: «Korkpogula! Siler aykaş jıgaçka kadalgan nazarettik Iysanı izdep jatasıŋarbı? Al tirildi, Al bul jerde jok. Mına, Anın söögü koyulgan jer.

⁷Bargıla da, Anın şakirtteri menen Petirge: “Al silerdi Galileyadan tosup alat. Silerge Özü aytkanday, Anı oşol jaktan körösüŋör”, – dep aytkıla».

⁸Alar mürzödön çıgıp, çurkap jönöştü. Korkkondorunan titirep, üröylörü uçup kalgan alar eç kimge eç nerse aytışkan jok.

⁹Jumanın birinçi künü erteŋ menen erte tirilgen Iysa eŋ birinçi bolup, magdalalık Mariyamga köründü. Al anın içinen jeti jindi kuup çıgargan ele.

¹⁰Mariyam barıp, murda Iysa menen çoguu jürüp, azır bolso kaygırıp, ıylap jatkandarga jarıyaladı.

¹¹Birok alar Iysanın tirüü ekendigin jana Mariyamdın körgöndügün uguşkanda, işenişken jok.

¹²Oşondon kiyin Iysa bir ayılga jol tartıp bara jatkan eki şakirtke başkaça bolup köründü.

¹³Alar kaytıp kelip, kalgan şakirtterge jarıyalaştı, birok alarga da işenişken jok.

¹⁴Iysa oşondon kiyin dastorkondo oturgan on bir şakirtine köründü. Al şakirtterin işenbestigi üçün jana jüröktörünün katuulugu üçün jemeledi. Antkeni alar Anın tirilgendigin körgöndörgö işenbey koyuşkan ele.

¹⁵Anan alarga mınday dedi: «Büt düynönü kıdırıp, bardık adamdarga Jakşı Kabardı jarıya kılgıla.

¹⁶Kim işenip, suuga çömüldürülsö, al kutkarılat. Al emi kim işenbese, al ayıptalat.

¹⁷Maga işengenderdi bul belgiler koştop jüröt: Menin ısımım menen jinderdi kuup çıgarışat, jaŋı tilderde süylöşöt.

¹⁸Egerde koldoru menen jılandardı karmap alışsa, uuluu nerse içip alışsa, alardan zıyan tartışpayt. Koldorun ooruluulardın üstünö koyuşsa, ooruluular ayıgışat».

¹⁹Oşentip, Iysa Teŋir alar menen süylöşköndön kiyin, asmanga kötörülüp, Kudaydın oŋ jagına oturdu.

²⁰Şakirtter bolso bardık jerdi kıdırıp, Jakşı Kabar taratıp jürüştü. Teŋir alarga jardam berip, körsötülgön keremetter arkıluu Öz sözün bekemdep jattı. Oomiyin.