Read NT LS 2005 – Инжил ЛС (2005 Mark 2 Bible Online

Mark 2 - NT LS 2005 – Инжил ЛС (2005 bible

Mark 2

¹Bir neçe kündön kiyin Iysa kayradan Kapernaumga keldi. Anın üydö ekendigi maalım bolor zamat,

²köp el çogulup kaldı, al emes, eşiktin aldında da orun kalbay kaldı. Iysa bolso elge Kudaydın sözün aytıp jattı.

³Oşondo tört kişi Aga bir şal ooruluunu kötörüp keldi.

⁴Alar eldin köptügünön Iysaga jakın bara alışpay, üydün çatırın açıştı da, Al turgan üydün töbösün teşip, şal ooruluunu töşögü menen tüşürüştü.

⁵Alardın işenimin körgön Iysa şal ooruluuga: «Balam, künöölörüŋ keçirildi», – dedi.

⁶Bul jerde bir neçe mıyzam okutuuçular oturuşkan ele.

⁷Alar: «Emne üçün Al uşintip aytıp jatat? Al Kudayga akarat keltirip jatat! Künöölördü bir Kudaydan başka kim keçire alat?» – dep oyloştu.

⁸Oşol zamat Iysa ruhu menen alardın oyun bilip: «Emne üçün uşintip oylop jatasıŋar?

⁹Şal ooruluuga kaysınısın aytkan oŋoy: “Künöölörüŋ keçirildi” degenbi je “Orduŋan turup, töşögüŋdü al da, bargın” degenbi?

¹⁰Birok Adam Uulunun jer üstündö künöölördü keçirüügö biyligi bar ekenin bilişiŋer üçün, – dedi da, anan şal ooruluuga –

¹¹Saga aytamın: Orduŋan turup, töşögüŋdü al da, üyüŋö bar», – dedi.

¹²Al oşol zamat ordunan turdu da, töşögün kötörüp alıp, bardıgının köz aldında sırtka çıgıp ketti. Oşondo bardıgı taŋ kalıp: «Biz eç kaçan mınday nerseni körgön emes elek!» – dep, Kudaydı daŋktaştı.

¹³Iysa kayradan köldün jeegine keldi. Oşondo eldin baarı Anın janına keldi. Al eldi okuttu.

¹⁴Al ketip bara jatıp, bajıkanada oturgan Alpey uulu Lebini körüp, aga: «Menin artımdan eerçi», – dedi. Lebi ordunan turup, Anın artınan eerçip jönödü.

¹⁵Iysa Lebinin üyündö şakirtter, salık jıynooçular jana künöökörlör menen bir dastorkondo oturdu. Antkeni Anın artınan eerçigender köp bolçu.

¹⁶Pariseyler menen mıyzam okutuuçular Iysanın künöökörlör jana salık jıynooçular menen tamaktanıp oturganın körüşüp, Anın şakirtterinen: «Emne üçün Al salık jıynooçular jana künöökörlör menen çoguu tamaktanıp jatat?» – dep suraştı.

¹⁷Munu ukkan Iysa alarga: «Darıger soo adamdarga emes, ooruluularga kerek. Men tobo kıluuga adil adamdardı emes, künöökörlördü çakırganı keldim», – dedi.

¹⁸Jakandın şakirtteri menen pariseyler orozo karmaşçu. Alar Iysaga kelip: «Jakandın jana pariseylerdin şakirtteri orozo karmaşat, emne üçün Senin şakirtteriŋ orozo karmaşpayt?» – dep suraştı.

¹⁹Oşondo Iysa alarga mınday dedi: «Küyöö üylönüü toyundagılardın janında bolgondo, alar orozo karmaşmak bele? Alar orozo karmaşpayt, azırınça Küyöö alardın janında!

²⁰Birok Küyöö alardın janınan alınıp kete turgan da kündör kelet, alar oşol kündörü orozo karmaşat.

²¹Eç kim eski kiyimge jaŋı kezdemeden jamaaçı salbayt. Antkeni jaŋı kezdemeden salıngan jamaaçı eski kiyimden çıçılıp kalat da, jırtık ogo beter çoŋoyup ketet.

²²Eç kim eski çanaçka jaŋı şarap kuybayt. Antkeni çanaç ayrılıp, şarap tögülöt, çanaç jaraksız bolup kalat. Teskerisinçe, jaŋı şaraptı jaŋı çanaçka kuyuu kerek».

²³İşembi kündörünün birinde Iysa egin talaasınan ötüp bara jattı. Anın şakirtteri joldo bara jatkanda, buudaydın baştarın üzüp ala baştaştı.

²⁴Oşondo pariseyler Iysaga: «Karaçı, emne üçün alar işembi künü kıluuga bolboy turgan işti kılıp jatışat?» – deşti.

²⁵Iysa alarga: «Dööt muktaj bolup, özü da, janındagılar da açka boluşkanda, emne kılganın siler taptakır okugan jok beleŋer?

²⁶Iyık kızmat kıluuçu Abıyatardın ubagında al Kuday üyünö kirip, ıyık kızmat kıluuçulardan başka eç kimge jegenge bolboy turgan nan kurmandıgınan jep, janındagı kişilerge da berbedi bele», – dedi.

²⁷Anan alarga: «Adam işembi kün üçün emes, işembi kün – adam üçün!

²⁸Oşonduktan Adam Uulu – işembinin da kojoyunu», – dedi.