Read NT LS 2005 – Инжил ЛС (2005 Mark 3 Bible Online

Mark 3 - NT LS 2005 – Инжил ЛС (2005 bible

Mark 3

¹Iysa kayradan sinagogaga keldi. Al jerde bir kolu şal bolup kalgan adam bar ele.

²Iysanı ayıptaş üçün, «Al bul adamdı da işembi künü ayıktırar beken», – dep, karap turuştu.

³Iysa bolso bir kolu şal bolup kalgan adamga: «Ortogo çık!» – dedi da,

⁴tigilerden: «İşembi künü jakşılık kıluu kerekpi je jamandık kıluu kerekpi? Jandı kutkaruu kerekpi je öltürüü kerekpi?» – dep suradı. Alar unçuguşkan jok.

⁵Oşondo Iysa alarga açuulana karap, jüröktörünün katuuluguna kaygırıp, janagı kişige: «Koluŋdu sun», – dedi. Al kolun sundu. Oşondo anın kolu ayıgıp, ekinçi kolunday bolup kaldı.

⁶Pariseyler sırtka çıgarı menen, Iysanı öltürüü jönündö İroddu jaktooçular menen keŋeşişti.

⁷Iysa şakirtteri menen köl tarapka ketti. Oşondo Galileya, Jüyüt, Edom aymagındagı,

⁸İerusalim şaarındagı, İordandın narkı öyüzündögü köp el Anın artınan bardı. Anın kılgan işteri jönündö ukkan Tir jana Sidon aymaktarındagı el Aga agılıp kelip jattı.

⁹Oşondo Iysa köpçülüktün arasında kısılıp kalbaş üçün, Özünö bir kayıktı dayardap koyuunu şakirtterine dayındadı.

¹⁰Antkeni Iysa köp kişilerdi ayıktırgandıktan, ooruluulardın bardıgı Aga koldorun tiygizüü üçün, jütkünüp jatışkan ele.

¹¹Jinder Iysanı körgöndö, Anın aldına jıgılıp: «Sen Kudaydın Uulusuŋ!» – dep kıykırıp jatıştı.

¹²Birok Iysa alardın Özü jönündö jarıyaloosuna katuu tıyuu saldı.

¹³Andan kiyin Al toogo çıktı da, Özü kimderdi kaalasa, oşolordu Özünö çakırdı. Alar Iysaga kelişti.

¹⁴Özünün janına alıp jürüş üçün jana nasaat aytuuga jönötüş üçün, Al on eki kişini tandadı da,

¹⁵alarga ooruluulardı ayıktıruuga jana jinderdi kuup çıgaruuga biylik berdi.

¹⁶Iysa tandagan on eki kişi mına bular: «Petir» degen da ısım koyulgan Şımon,

¹⁷Boyanerges, başkaça aytkanda, «Çagılganday çartıldagandar» degen da ısım koyulgan Zebedey uuldarı Jakıp menen Jakan;

¹⁸Andrey, Pilip, Bartalamey, Matay, Tomas, Alpey uulu Jakıp, Taday, kaanalık Şımon,

¹⁹Aga çıkkınçılık kılgan Jüyüt İskariot.

²⁰Alar üygö kelişkende, kayradan köp el çogulup kaldı. Oşonduktan alar tamaktana da albay kalıştı.

²¹«Al akılınan aynıp kalıptır», – dep aytıp jatışkanın ukkan jakındarı Anı alıp ketkeni kelişti.

²²İerusalimden kelgen mıyzam okutuuçular bolso: «Anın içinde Belzebul bar. Jinderdi Al jinderdin başçısının küçü menen kuup çıgarıp jatat», – deşti.

²³Oşondo Iysa mıyzam okutuuçulardı janına çakırıp, alarga ülgü-nasaat aŋgeme menen mınday dep süylödü: «Şaytan şaytandı kantip kuup çıgarsın?

²⁴Egerde padışaçılık iç ara bölünsö, anda al padışaçılık kulayt.

²⁵Egerde üy-bülö iç ara bölünsö, anda al üy-bülö buzulat.

²⁶Egerde şaytan da özünö özü karşı çıgıp bölünsö, anda al tura albayt, anın künü bütöt.

²⁷Küçtüü adamdı baylap salmayınça, anın üyünö kirip, mal-mülkün uurdoo mümkün emes. Anı baylap salgandan kiyin gana üyün tonop ketse bolot.

²⁸Silerge çındıktı aytıp koёyun, adam balasının bardık künöölörü jana akarat keltirip aytkan sözdörü keçirilet,

²⁹birok kim Iyık Ruhka akarat keltirse, al tübölükkö keçirilbeyt, tübölükkö künöölüü bolot».

³⁰Iysa bul sözdördü «Anın içinde jin bar» dep aytışkandıgı üçün ayttı.

³¹Enesi menen bir tuugandarı kelip, sırttan Iysanı çakırtıştı.

³²Anın tegereginde el oturgan ele. Oşondo Aga: «Eneŋ, inileriŋ, karındaştarıŋ sırtta Seni çakırıp jatışat», – deşti.

³³Iysa alarga: «Menin enem jana bir tuugandarım kim?» – dedi da,

³⁴aylanasında oturgandardı tegerete karap: «Mına, menin enem, mına, Menin bir tuugandarım.

³⁵Antkeni kim Kudaydın erkin atkarsa, oşol Menin inim, karındaşım jana enem!» – dep joop berdi.