Read NT LS 2005 – Инжил ЛС (2005 Mark 4 Bible Online

Mark 4 - NT LS 2005 – Инжил ЛС (2005 bible

Mark 4

¹Iysa kayradan köl boyunda eldi okuta baştadı. Janına ayabay köp el çogulgandıktan, Al köldögü bir kayıkka oturdu. El bolso köldün jeeginde, kurgak jerde turdu.

²Oşondo Iysa alarga ülgü-nasaat aŋgemeler menen köp nerselerdi okuttu. Al mınday dedi:

³«Kulak salgıla! Sebüüçü ürön sebüü üçün çıktı.

⁴Al seep jatkanda, kee bir üröndör jol boyuna tüştü. Oşondo kanattuular uçup kelip, alardı terip jep ketişti.

⁵Kee bir üröndör topuragı az, taştak jerge tüştü. Jerdin kırtışı juka bolgonduktan, alar tez ele önüp çıktı.

⁶Birok kün çıgarı menen soolup, tereŋ tamırlay albay kuurap kaldı.

⁷Kee bir üröndör tikenekterdin arasına tüştü. Tikenekter ösüp, alardı basıp saldı, oşonduktan alar tüşüm bergen jok.

⁸Kee bir üröndör bolso jakşı topurakka tüştü. Önüp çıgıp, ösüp, tüşüm berdi. Kee biri otuz ese, kee biri altımış ese, kee biri jüz ese tüşüm berdi».

⁹Anan Iysa alarga: «Kimdin kulagı bar bolso, al uksun!» – dedi.

¹⁰El tarap, Iysa jalgız kalganda, Anı menen jürgöndör jana on eki şakirti ülgü-nasaat aŋgeme jönündö suraştı.

¹¹Oşondo Iysa alarga mınday dedi: «Silerge Asman Padışaçılıgının jaşıruun sırın bilüü mümkünçülügü berildi, al emi sırttagılarga bardık nerse ülgü-nasaat aŋgemeler menen aytılat.

¹²Antkeni alar karap turuşsa da körüşpöyt, ugup turuşsa da tüşünüşpöyt, kayrılışpayt, keçirim alışpayt».

¹³Anan Iysa alarga: «Siler bul ülgü-nasaat aŋgemeni tüşüngön joksuŋarbı? Anda başka ülgü-nasaat aŋgemelerdi kantip tüşünösüŋör? – dedi da, mınday dep tüşündürdü:

¹⁴Sebüüçü söz sebet.

¹⁵Kee bir adamdar jol boyuna tüşkön üröngö okşoş: alardın jürögünö söz sebilet, birok alar ugar zamat şaytan kelip, alardın jürögünö sebilgen sözdü uurdap ketet.

¹⁶Kee bir adamdar taştak jerge tüşkön üröngö okşoş: alar sözdü ugar zamat kubanıp kabıl alışat.

¹⁷Birok tereŋ tamırlay albagandıktan, turuksuz boluşat. Söz üçün kısımga alıp, kuuguntuktaşkanda, daroo baş tartıp ketişet.

¹⁸Sözdü ukkan adamdar tikenektin arasına tüşkön üröngö okşoş.

¹⁹Birok bul düynönün tüyşügü, baylıkka azgırıluu jana başka kaaloolor alardın jüröktörün eelep alıp, sözdü basıp salat da, söz jemiş berbey kalat.

²⁰Kee bir adamdar jakşı topurakka tüşkön üröngö okşoş: alar sözdü ugup, kabıl alışat, kee biri otuz ese, kee biri altımış ese, kee biri jüz ese tüşüm beret».

²¹Anan alarga: «Emne, çıraktı kömkörülgön idiştin je kerebettin astına koyuş üçün alıp kelebi? Çıraktı çırakpayaga koyuş üçün alıp kelet emespi.

²²Açılbay kalçu jaşıruun sır bolboyt, açıkka çıkpay turgan jaşıruun nerse bolboyt.

²³Kimdin kulagı bar bolso, al uksun!» – dedi.

²⁴Iysa alarga: «Emneni ugup jatkanıŋarga köŋül burgula! Kanday ölçöm menen ölçösöŋör, silerge da tak oşondoy ölçönöt, silerge, ugup jatkandarga, atügül, koşulat.

²⁵Antkeni kimde bar bolso, aga dagı berilet, al emi kimde jok bolso, andan bar nersesi da tartılıp alınat», – dedi.

²⁶Iysa dagı mınday dedi: «Kudaydın Padışaçılıgı bul nersege okşoş: bir adam jerge ürön sebet.

²⁷Tünküsün uktayt, kündüzü turat, üröndün kantip önüp-öskönün bilbeyt.

²⁸Antkeni jer özü tüşüm beret: adegende sabaktı, andan kiyin maşaktı östürüp çıgarıp, akırında maşaktı danga tolturat.

²⁹Egin bışıp, oruu-jıyuu maalı kelgende, al toktoosuz orok salat».

³⁰Anan Iysa alarga mınday dedi: «Kudaydın Padışaçılıgın emnege okşoştursak bolot? Je anı kanday ülgü-nasaat aŋgeme menen süröttösök bolot?

³¹Kudaydın Padışaçılıgı sarı kıçı danına okşoş. Al jerge sebilgende, jer betindegi uruktardın eŋ kiçinekeyi bolso da,

³²ösüp çıkkanda, bardık dan ösümdüktörünön çoŋ bolup, butaktarın kenen jayat. Anın kölökösünö kanattuu kuştar korgoloy alışat».

³³Iysa eldin uga aluusuna jaraşa mına uşunday köptögön ülgü-nasaat aŋgemeler menen süylödü.

³⁴Elge Al ülgü-nasaat aŋgemesiz süylögön jok, birok özünçö kalganda, şakirtterine bardıgın tüşündürüp berdi.

³⁵Oşol künü keçinde Al şakirtterine: «Narkı öyüzgö süzüp ötölü», – dedi.

³⁶Şakirtteri eldi taratıp jiberişti da, kayıkta oturgan Iysa menen birge süzüp ketişti. Al jerde başka kayıktar da bar ele.

³⁷Oşondo ayabaganday katuu şamal baştaldı. Kayıktı tolkun urup jatkandıktan, anın içine suu tolo baştadı.

³⁸Iysa bolso kayıktın artkı bölügündö başına jazdık jazdanıp uktap jatkan ele. Şakirtteri Iysanı oygotuşup, Aga: «Ustat! Biz çögüp ketsek dele, Saga baarı birbi?» – deşti.

³⁹Oşondo Iysa ordunan turup, şamalga tıyuu saldı da, kölgö: «Tınçtan, tokto!» – dedi. Şamal basılıp, uluu tınçtık öküm sürdü.

⁴⁰Anan alarga: «Emne mınça korkoksuŋar? Emnege işenimiŋer jok?» – dedi.

⁴¹Ayabay korkup ketişken alar biri-birine: «Şamaldı da, köldü da baş iydirgen degi bul kim?» – deşti.