Read NT LS 2005 – Инжил ЛС (2005 Mark 5 Bible Online

Mark 5 - NT LS 2005 – Инжил ЛС (2005 bible

Mark 5

¹Alar köldün narkı öyüzündögü Gadara aymagına kelişti.

²Iysa kayıktan tüşörü menen, Anı mürzölük üŋkürlör taraptan jin ooruluu bir adam tosup çıktı.

³Al mürzölük üŋkürlördö jaşaçu, anı eç kim çınjır menen da baylap koё alçu emes.

⁴Antkeni anı köp jolu kişendep, çınjır menen baylaşkan, birok al çınjırlardı üzüp, kişenderdi talkalap salçu. Anı tıyuuga eç kimdin küçü jetçü emes.

⁵Al dayıma, kündür-tündür toolordo, üŋkürlördö kıykırıp jürçü, özün özü taş menen urgulaçu.

⁶Al Iysanı alıstan körüp çurkap keldi da, Aga taazim kılıp:

⁷«Ey, Iysa, bardıgınan jogoru turgan Kudaydın Uulu! Mende emneŋ bar? Kuday üçün suranam, meni kıynay körbö», – dep, katuu kıykırdı.

⁸Antkeni Iysa aga: «Jin, bul adamdın içinen çıgıp ket!» – dep aytkan ele.

⁹Anan Iysa andan: «Senin atıŋ kim?» – dep suradı. Al: «Menin atım “Tümön”, antkeni biz köppüz», – dep joop berdi.

¹⁰«Bizdi uşul ölködön kuup çıgara körbö», – dep, jinder Iysadan ayabay ötünüştü.

¹¹Oşol jerde, toonun boorunda çoçkolor jayılıp jürgön ele.

¹²Jinderdin baarı Iysadan: «Bizdi uşul çoçkolorgo jiber, oşolordun içine kireli», – dep ötünüştü.

¹³Iysa oşol zamat alarga uruksat berdi. Jinder adamdın içinen çıgıp, çoçkolordun içine kirdi. Oşondo eki miŋge jakın çoçko köldü karay bet alıp, tik jardan kulap, suuga çögüp öldü.

¹⁴Çoçko kaytaruuçular bolso kaçıp jönöştü. Alar şaarlarga, ayıldarga barıp, bul okuya tuuraluu jarıyalaştı. Emne bolgondugun körgönü çıkkan el

¹⁵Iysanın janına kelip, bayagı jin ooruluunun, içinde tümön jini bar adamdın, kiyim kiyip, akıl-esine kelip oturganın körüp, üröylörü uçtu.

¹⁶Bul okuyanı körgöndör jin ooruluu adamga emne bolgondugu jönündö, çoçkolor jönündö elge aytıp berişti.

¹⁷Oşondo el Iysadan özdörünün aymagınan çıgıp ketüüsün surana baştadı.

¹⁸Iysa kayıkka tüşköndö, jin oorusunan ayıkkan adam Andan: «Senin janıŋda jüröyünçü», – dep surandı.

¹⁹Birok Iysa aga uruksat bergen jok. Aga: «Üyüŋö, jakındarıŋa bar, Teŋir saga emne kılganın, saga kanday ırayım körsötkönün alarga aytıp ber», – dedi.

²⁰Oşondo al barıp, Iysanın emne kılganın Dekapol dubanında jarıyalay baştadı. Bardıgı taŋ kalıp jattı.

²¹Iysa kayradan berki öyüzgö süzüp kelgende, Anın janına köp el çogulup kaldı. Al köldün jeeginde turganda,

²²sinagoga başçılarının biri, Jayır degen kişi keldi. Al Iysanı körgöndö, Anın butuna jıgılıp:

²³«Kızım ölüm aldında jatat. Barıp, aga koluŋdu tiygiz, al oorusunan ayıgıp, tirüü kalsın», – dep jalınıp-jalbardı.

²⁴Iysa anı menen jönödü. Anın artınan eerçip algan köp el Anı tuş tarabınan kısıp bara jattı.

²⁵Eldin arasında on eki jıldan beri kan aguudan azap çegip jürgön bir ayal bar ele.

²⁶Al köp darıgerlerge körünüp, kolunda bolgonun büt tügötkön, birok oorusunan ayıkpay, abalı naçarlay bergen.

²⁷Iysa jönündö ukkan bul ayal köpçülüktü aralap ötüp, Anın artınan kelip, kiyimine kolun tiygizdi.

²⁸Antkeni al: «Anın kiyimine kolumdu tiygizsem ele ayıgam», – degen ele.

²⁹Oşol zamat anın kan aguusu toktodu. Ayal özünün oorudan ayıkkanın sezdi.

³⁰Oşol ele uçurda Iysa Özünön küç çıkkanın sezip: «Menin kiyimime kim kolun tiygizdi?» – dep, elge kayrıldı.

³¹Şakirtteri Aga: «Top el Seni kısıp turganın körüp turasıŋ da, anan “Maga kim kolun tiygizdi?” – deysiŋ!» – deşti.

³²Birok Iysa munu kim kılganın körüş üçün, tegeregin karadı.

³³Özünün ayıkkanın bilgen al ayal korkkonunan kaltırap, Iysanın aldına kelip jıgıldı da, Aga bolgon çındıktı aytıp berdi.

³⁴Oşondo Iysa aga: «Kızım, seni işenimiŋ kutkardı. Tınçtık menen bara ber. Ooruŋdan ayık!» – dedi.

³⁵Iysa uşunu aytıp jatkanda, sinagoga başçısının üyünön adamdar kelişip: «Kızıŋ ölüp kaldı. Emi Ustattı ubara kılbay ele koy», – deşti.

³⁶Iysa bul sözdördü ukkanda, oşol zamat sinagoga başçısına: «Korkpo, birok işen!» – dedi.

³⁷Iysa Petirdi, Jakıptı jana anın bir tuuganı Jakandı gana eerçitip alıp,

³⁸sinagoga başçısının üyünö bardı. Al jerden Al ızı-çuu tüşüp, burkurap-bozdop ıylap jatkandardı kördü.

³⁹İçkeri kirip, alarga: «Emnege ızı-çuu tüşüp, ıylap jatasıŋar? Kız ölböy ele uktap jatat», – dedi.

⁴⁰Alar bolso Iysanı şıldıŋdap külüştü. Iysa baarın tışka çıgarıp jiberdi da, kızdın ata-enesin jana Özü menen kelgenderdi eerçitip, kız jatkan bölmögö kirdi.

⁴¹Iysa kızdı kolunan alıp, aga: «Talita kumi!» – dedi. Bul söz «Kız, saga aytıp jatamın, tur!» dep kotorulat.

⁴²Kız oşol zamat ordunan turup, basa baştadı. Al on eki jaşta ele. Munu körgöndör ayabay taŋ kalıştı.

⁴³«Munu eç kim bilbesin», – dep, Iysa alarga katuu eskertti da, kızga tamak berüünü buyrudu.