Read NT LS 2005 – Инжил ЛС (2005 Mark 7 Bible Online

Mark 7 - NT LS 2005 – Инжил ЛС (2005 bible

Mark 7

¹İerusalimden kelgen pariseyler menen kee bir mıyzam okutuuçular Iysanın janına çoguluştu.

²Alar Iysanın kee bir şakirtterinin taza emes koldoru menen, başkaça aytkanda, kol juu saltın atkarbay tamaktanıp jatkanın körüp kalıştı.

³Antkeni pariseyler jana bardık jüyüttör ata-babalarınan kalgan salt boyunça kol juu saltın atkarmayınça, tamak jeşpeyt.

⁴Bazardan kelgenden kiyin da, kol juu saltın atkarmayınça, tamak jeşpeyt. Alar oşondoy ele çöyçöktördü, kumuralardı, kazandardı jana oturguçtardı juu sıyaktuu köptögön salttardı karmaşat.

⁵Oşonduktan pariseyler menen mıyzam okutuuçular Iysadan: «Emne üçün Senin şakirtteriŋ ata-babalardan kalgan salttı saktaşpayt? Emne üçün alar kol juu saltın atkarbay tamak jeşet?» – dep suraştı.

⁶Iysa alarga mınday dep joop berdi: «Bul adamdar Meni tili menen urmattaşat, birok alardın jüröktörü Menden alıs.

⁷“Alardın Meni urmattaganı – beker, antkeni alardın üyrötkönü – adamdık erejeler”, – dep Işaya, eki jüzdüülör, siler jönündö tuura paygambarçılık kılgan.

⁸Antkeni siler Kudaydın osuyatın taştap, adamdık salttardı: kumura menen çöyçöktördü juu jana başka uşul sıyaktuu salttardı karmaysıŋar».

⁹Alarga dagı mınday dedi: «Özüŋördün saltıŋardı saktoo üçün, Kudaydın osuyatın çetke kagıp jatkanıŋar jakşıbı?

¹⁰Antkeni Musa: “Ata-eneŋdi sıyla”, “Atasına je enesine til tiygizgen adam ölüm jazasına tartılsın”, – dep aytkan.

¹¹Siler bolso: “Kim atasına je enesine: "Korban (Menin saga berer nersemdin baarı Kudayga bagıştalgan)", – dese,

¹²al özünün atasına je enesine eç nerse kılbay ele koysun”, – deysiŋer.

¹³Oşentip, özüŋör karmagan saltıŋar menen Kudaydın sözün çetke kagıp jatasıŋar. Uşul sıyaktuu köp nerselerdi jasap jatasıŋar».

¹⁴Anan kayradan eldin baarın janına çakırıp: «Baarıŋar Meni ugup, tüşünüp algıla.

¹⁵Adamdı sırttan kirgen nerse aram kıla albayt, teskerisinçe, içinen çıkkan nerse aram kılat.

¹⁶Kimdin kulagı bar bolso, al uksun!» – dedi.

¹⁷Iysa eldin janınan ketip, üygö kirgende, şakirtteri Andan ülgü-nasaat aŋgeme jönündö suraştı.

¹⁸Iysa alarga: «Siler dagı ele tüşünö eleksiŋerbi? Adamdı sırttan kirgen nerse aram kıla albastıgın kantip ele tüşünböysüŋör?

¹⁹Antkeni tamak anın jürögünö emes, aşkazanına kiret, anan sırtka çıgat», – dedi. Iysa bul sözdör menen tamaktın baarı taza ekenin bildirdi.

²⁰Anan Iysa sözün ulap: «Adamdı içinen çıkkan nerse aram kılat.

²¹Antkeni içten, adamdın jürögünön: jaman oylor, oynoştuk kıluu, buzuktuk kıluu, kişi öltürüü,

²²uurdoo, koşomat kıluu, açuulanuu, kuuluk, dünüyökorduk, körö albastık, Kudayga akarat keltirüü, tekeberdik, akılsızdık çıgat.

²³Mına uşul jamandıktın baarı adamdın içinen çıgıp, anı aram kılat», – dedi.

²⁴Iysa al jerden çıgıp, Tir jana Sidon aymaktarına kelip, bir üygö kirdi. Al Özünün kelgenin kimdir biröönün bilüüsün kaalagan jok, birok el bilip kaldı.

²⁵Jin ooruluu kızı bar bir ayal Iysa jönündö ugarı menen kelip, Anın butuna jıgıldı.

²⁶Siropoynikelik bul ayal butparas bolçu. Al Iysadan kızının içinen jindi kuup çıgaruusun ötündü.

²⁷Birok Iysa ayalga: «Adegende baldar toysun. Antkeni baldardın nanın tartıp alıp, itterge ırgıtkan jakşı emes», – dedi.

²⁸Ayal bolso: «Ooba, oşondoy, Teŋir! Birok itter da baldar jegen nandın üstöldün astına tüşkön kükümdörün jeşet», – dep joop berdi.

²⁹Oşondo Iysa aga: «Uşul sözüŋ üçün üyüŋö bara ber. Senin kızıŋdın içinen jin çıgıp ketti», – dedi.

³⁰Ayal üyünö kelgende, kızının jin oorusunan ayıgıp, töşöktö jatkanın kördü.

³¹Iysa Tir, Sidon aymaktarınan çıgıp, Dekapol dubanı arkıluu kayradan Galileya kölünö keldi.

³²Aga dülöy jana kekeç bir adamdı alıp kelişip: «Munun üstünö koluŋdu koyup koyçu», – dep ötünüştü.

³³Iysa anı elden bölüp, çetke çıgardı da, eki manjasın anın kulagına salıp, tükürüp, anın tiline tiygizdi.

³⁴Asmandı karap, tereŋ üşkürdü da, aga: «Eppata (Açıl)», – dedi.

³⁵Oşol zamat anın kulagı açılıp, tili çeçildi. Al kekeçtenbey, tak süylöp kaldı.

³⁶Iysa alarga munu eç kimge aytpoonu buyrudu. Birok Al kançalık tıysa da, alar elge oşonçoluk jayıştı.

³⁷Adamdar ayabay taŋ kalışıp: «Anın kılgan işinin baarı jakşı: dülöylördü uguzup, duduktardı süylötüp jatat», – deşti.