Read NT LS 2005 – Инжил ЛС (2005 Mark 8 Bible Online

Mark 8 - NT LS 2005 – Инжил ЛС (2005 bible

Mark 8

¹Oşol kündördö Iysanın janına dagı köp el çoguldu. Birok alardın jeerge tamagı jok bolçu. Oşondo Iysa şakirtterin janına çakırıp: «Elge boorum oorup jatat.

²Alar üç kündön beri Menin janımda jürüşöt, jey turgan eç nerseleri jok.

³Egerde alardı üylörünö açka koё bersem, joldo alsırap kalışat, antkeni alardın kee biri alıstan kelişken», – dedi.

⁴Şakirtteri Aga: «Bul een jerde alar toyguday nandı kaydan tapmak elek?» – deşti.

⁵Iysa alardan: «Silerde kança nan bar?» – dep suradı. Alar: «Jeti», – deşti.

⁶Oşondo Iysa eldin jerge oturuusun buyrudu. Anan jeti nandı alıp, Kudayga ıraazıçılık bildirip, nandı sındırdı da, elge taratıp beriş üçün, şakirtterine berdi. Şakirtter nandı elge taratıp berişti.

⁷Alarda bir az mayda balık da bar ele. Iysa Kudayga ıraazıçılık bildirgenden kiyin, balıktardı da taratıp berüünü buyrudu.

⁸Bardıgı toё jeşti. Artıp kalgan nandı çogultkanda, jeti sebet boldu.

⁹Tamaktangandardın sanı tört miŋge jakın ele. Andan kiyin Iysa eldi tarattı.

¹⁰Oşol zamat Al şakirtteri menen kayıkka tüşüp, Dalmanut aymagına süzüp keldi.

¹¹Pariseyler çıgıp, Iysa menen talaşa baştaştı. Anı sınaş üçün, asmandan jışaan körsötüşün talap kılıştı.

¹²Oşondo Al oor kürsünüp: «Bul muun emne üçün jışaan talap kılıp jatat? Silerge çındıktı aytıp koёyun, bul muunga jışaan körsötülböyt», – dedi.

¹³Anan Iysa alardın janınan ketti da, kayradan kayıkka tüşüp, narkı öyüzgö süzüp ketti.

¹⁴Şakirtter nan alıp aluunu unutup kalıştı. Kayıkta, alardın janında bir ele nan bar bolçu.

¹⁵Oşondo Iysa alarga: «Baykagıla, pariseylerdin jana İroddun açıtkısınan sak bolgula», – dep eskertti.

¹⁶Şakirtter bolso öz ara: «Nanıbız jok bolgon üçün uşintip aytıp jatat», – dep süylöşüştü.

¹⁷Iysa munu bilip, alarga: «Siler emne üçün nanıbız jok dep jatasıŋar? Dagı ele tüşünö eleksiŋerbi? Dagı ele bile eleksiŋerbi? Dagı ele jürögüŋör taş boyunçabı?

¹⁸Közüŋör bar turup, körböy jatasıŋarbı? Kulagıŋar bar turup, ukpay jatasıŋarbı? Emne, esiŋerde jokpu?

¹⁹Men beş nandı beş miŋ adamga bölüp bergenimden kiyin, artıp kalgan nandı çogultkanıŋarda, kança sebet toldu ele?» – dedi. Alar Aga: «On eki», – deşti.

²⁰«Al emi jeti nandı tört miŋ adamga bölüp bergenimden kiyin, artıp kalgan nandı çogultkanıŋarda, kança sebet toldu ele?» «Jeti», – deşti.

²¹Oşondo Iysa alarga: «Kantip tüşünböysüŋör?» – dedi.

²²Alar Betsayidaga kelişkende, Iysanın aldına bir sokur kişini alıp kelişip: «Buga koluŋdu tiygizip koy», – dep ötünüştü.

²³Iysa sokurdu kolunan jetelep, kıştaktın sırtına çıgardı da, anın közünö tükürüp, üstünö koldorun koyup: «Bir nerse körüp jatasıŋbı?» – dep suradı.

²⁴Al aylanasın karap: «Daraktarga okşogon, arı-beri ötkön kişilerdi körüp jatam», – dedi.

²⁵Oşondon kiyin Iysa anın közdörünö kayradan koldorun tiygizip, aga aylanasın karoonu buyrudu. Sokur adam ayıgıp, bardıgın açık körö baştadı.

²⁶Anan Iysa aga: «Kıştakka kirbe. Munu eç kimge aytpa», – dep, anı üyünö jönöttü.

²⁷Iysa şakirtteri menen birge Piliptin Keysareyasına tieşelüü ayıldarga jönödü. Joldo Al şakirtterinen: «El Meni kim dep esepteyt?» – dep suradı.

²⁸Alar mınday dep joop berişti: «Biröölör “çömüldürüüçü Jakan” dep, biröölör “İliyas paygambar” dep, dagı biröölör “murunku paygambarlardın biri” dep esepteşet».

²⁹Oşondo Iysa alardan: «Al emi siler Meni kim dep esepteysiŋer?» – dep suradı. Petir Aga: «Sen Maşayaksıŋ», – dep joop berdi.

³⁰Oşondo Iysa alarga Özü jönündö eç kimge aytpoonu eskertti.

³¹Anan Iysa şakirtterine: «Adam Uulu köp azap çegişi, aksakaldar, ıyık kızmat kıluuçular, mıyzam okutuuçular tarabınan çetke kagılışı, öltürülüşü jana üçünçü künü tirilişi kerek», – dep tüşündürö baştadı.

³²Iysa bul jönündö alarga açık ele ayttı. Oşondo Petir Iysanı çetke çakırıp, Aga karşı boldu.

³³Birok Iysa şakirtterine burulup, Petirge: «Ket janımdan, şaytan! Antkeni senin oyloruŋ – Kudaydın emes, adamdın oyloru», – dep tıyuu saldı.

³⁴Oşondon kiyin Iysa el menen birge şakirtterin da janına çakırıp, mınday dedi: «Kim Menin artımdan jürgüsü kelse, al özünön baş tartsın jana kün sayın özünün aykaş jıgaçın alıp, Menin artımdan eerçisin.

³⁵Kim öz janın saktap kalgısı kelse, al andan tübölükkö ajırayt. Al emi kim Men üçün jana Jakşı Kabar üçün öz janınan ajırasa, al anı saktap kalat.

³⁶Antkeni adam büt düynögö ee bolup, birok öz janına zıyan keltirse, andan aga kanday payda?

³⁷Je adam öz janın kutkarıp aluu üçün, kanday kun tölöy alat?

³⁸Bul buzulgan, künöökör muundun aldında kim Menden jana Menin sözdörümdön uyalsa, Özünün Atasının daŋkı menen, ıyık perişteler menen kelgende, Adam Uulu da oşol adamdan uyalat».