Read NT LS 2005 – Инжил ЛС (2005 Luka 12 Bible Online

Luka 12 - NT LS 2005 – Инжил ЛС (2005 bible

Luka 12

¹Uşul arada miŋdegen kişi jıynalıp, kısılışa turuştu. Iysa adegende Özünün şakirtterine süylöy baştadı: «Pariseylerdin açıtkısınan, atap aytkanda, eki jüzdüülügünön sak bolgula!

²Açılbay kala turgan jaşıruun nerse bolboyt, bilinbey kala turgan sır bolboyt.

³Oşonduktan karaŋgıda aytkanıŋar jarıkta ugulat. Üydün içinde kulakka şıbırap aytkanıŋar üydün töbösündö jarıyalanat.

⁴Dostorum, silerge aytarım: deneni öltürüp, andan kiyin eç nerse kıla albay turgandardan korkpogula.

⁵Birok silerge kimden korkuşuŋar kerektigin aytayın: öltürgöndön kiyin ottuu kölgö tüşürö ala turgan Kudaydan korkkula! Ooba, silerge aytarım, Oşondon korkkula.

⁶Beş tarançı eki assariyge ele satılat emespi. Oşondoy bolso da Kuday alardın birin da unutpayt.

⁷Al emi silerdin başıŋardagı çaçıŋar da sanaluu. Oşonduktan korkpogula, siler top tarançıdan kımbatsıŋar.

⁸Silerge aytıp koёyun, kim Meni adamdardın aldında açık taanısa, Adam Uulu da anı Kudaydın periştelerinin aldında açık taanıyt.

⁹Al emi kim adamdardın aldında Menden baş tartsa, Kudaydın periştelerinin aldında Men da andan baş tartam.

¹⁰Kim Adam Uuluna karşı söz aytsa, anın bul künöösü keçirilet. Al emi kim Iyık Ruhka akarat keltirse, anın bul künöösü keçirilbeyt.

¹¹Silerdi sinagogalarga, başçılarga, biyliktegilerge alıp barışkanda, “Kantip joop berebiz?”, “Emne dep joop berebiz?”, “Emneni aytabız?” – dep tınçsızdanbagıla.

¹²Antkeni Iyık Ruh silerge emneni aytuu kerektigin oşol uçurda üyrötöt».

¹³Oşondo el içinen biröö Iysadan: «Ustat, agama aytçı, al murastı meni menen bölüşsün», – dep surandı.

¹⁴Iysa aga: «Ey, adam! Kim Meni silerge sot je muras bölüştürüüçü kılıp koydu ele?» – dedi.

¹⁵Andan kiyin alarga: «Baykagıla, dünüyökorduktan sak bolgula! Antkeni adamdın ömürü baylıgının köptügünö köz karandı emes», – dedi.

¹⁶Anan alarga ülgü-nasaat aŋgeme menen süylödü: «Bir bay adam talaasınan mol tüşüm alat.

¹⁷Oşondo al mintip oylonot: “Tüşümümdü jıya turgan jer jok. Emne kılsam?

¹⁸Mınday kılayın: kampalarımdı buzup, çoŋuraak kılıp salayın da, büt tüşümümdü jana bardık baylıgımdı oşol jerge jıynayın.

¹⁹Anan özümö: "Janım, sende köp jıldarga jete turgan baylık bar. Es al, içipje, köŋül aç", – dep aytayın”, – deyt.

²⁰Birok Kuday aga: “Akılsız, uşul tünü janıŋ alınat. Oşondo senin jıyıp koygondoruŋ kimge kalat?” – dep aytat.

²¹Özü üçün baylık jıynagan, birok Kudaydın baylıgı menen bayıbagan adamga uşunday bolot».

²²Anan Iysa şakirtterine mınday dedi: «Oşonduktan silerge aytıp koёyun, “Emne jeybiz?” – dep, janıŋar üçün; “Emne kiebiz?” – dep, deneŋer üçün tüyşüktönbögülö.

²³Antkeni tamakka karaganda jan, kiyimge karaganda dene artık.

²⁴Kargalardı karagılaçı: alar egin ekpeyt, orup-jıybayt. Alardın saktay turgan jeri, kampası da jok, birok Kuday alardı azıktandırat. Siler kanattuulardan kança ese artıksıŋar.

²⁵Kimiŋer tüyşük tartuu menen boyuŋardı bir çıkanak östürö alasıŋar?

²⁶Demek, egerde arzıbagan nerseni jasay albasaŋar, anda başka nerseler jönündö emnege tüyşüktönösüŋör?

²⁷Liliya güldörünün kanday ösüp turganın karagılaçı: alar emgektenbeyt, jip iyribeyt. Birok silerge aytıp koёyun, atak-daŋktuu Sulayman padışa da bulardın birindey kiyingen emes.

²⁸Egerde Kuday bügün talaada ösüp turgan, erteŋ bolso otko ırgıtıla turgan çöptü uşunday kiyindirse, anda silerdi andan artık kiyindirbeybi, işenimi azdar!

²⁹Oşonduktan siler: “Emne jeybiz je emne içebiz?” – dep oylonup, tınçsızdanbagıla.

³⁰Bul düynönün adamdarı uşunun baarı üçün tüyşük tartışat. Al emi silerdin bul nerselerge muktaj ekeniŋerdi Ataŋar bilet.

³¹Kudaydın Padışaçılıgın bardıgınan köbüröök izdegile, oşondo munun baarı silerge koşulup berilet.

³²Kiçinekey üyür, korkpo! Antkeni Ataŋar silerge Padışaçılıktı bergisi kelet.

³³Mal-mülküŋördü satıp, kayır sıyaktuu taratıp bergile. Özüŋörgö eskirbes kapçık jasagıla, kemibes kençti uuru jolobos, kübö jebes jerde, asmanda jıynagıla.

³⁴Antkeni baylıgıŋar kaysı jerde bolso, jürögüŋör da oşol jerde bolot.

³⁵Silerdin beliŋer kurçaluu, çıragıŋar küygüzülüü bolsun.

³⁶Özüŋör da eşikti kagarı menen açıp berüü üçün, “Üylönüü toydon kaçan kelet?” – dep, kojoyunun kütkön adamdarga okşoş bolgula.

³⁷Kojoyunu kelgende, uktabay oturgan kuldar baktıluu. Silerge çındıktı aytıp koёyun, al belin kurçap alıp, kuldarın dastorkongo oturguzat da, jakın kelip, alarga kızmat kılat.

³⁸Kojoyun ekinçi küzöt ubagında je üçünçü küzöt ubagında kelgende, uktabay oturgan kuldar baktıluu.

³⁹Üy eesi uurunun kaysı ubakta kelerin bilse, sak bolup, uuruga üyünün tübün kazdırtmak emestigin bilesiŋer.

⁴⁰Siler da dayar turgula, antkeni Adam Uulu siler oylobogon ubakta kelet».

⁴¹Oşondo Petir Andan: «Teŋir, bul ülgü-nasaat aŋgemeni bizge ele aytıp jatasıŋbı je bardıgınabı?» – dep suradı.

⁴²Teŋir mınday dedi: «Kuldardın tamagın öz ubagında, çenemi menen berip tursun dep, kojoyun dayındagan işenimdüü jana akıl-estüü başçı kim?

⁴³Kojoyunu kelgende, oşondoy kılıp jatkan kul baktıluu.

⁴⁴Silerge çındıktı aytıp koёyun, al aga özünün büt mal-mülkün başkartıp koёt.

⁴⁵Egerde janagı kul öz içinen: “Menin kojoyunum jakında kelbeyt”, – dep, kuldar menen küŋdördü urup, özü içip-jep, mas bolo baştasa,

⁴⁶anda al kütpögön künü, oylobogon ubakta kojoyunu kelet da, anı bölö çaap, işenimsizderge tieşelüü jaza menen jazalayt.

⁴⁷Kojoyununun kaaloosun bilip turup, dayar bolbogon jana anın kaaloosu boyunça iştebegen kul köp tayak jeyt.

⁴⁸Al emi bilbey turup, jazaga tatıktuu iş kılgan kul az tayak jeyt. Kimge köp berilse, andan köp talap kılınat; kimge köp işenip tapşırılsa, andan köp suralat.

⁴⁹Men jer betine ot tüşürüü üçün keldim. Ottun azır ele tutanışın Men uşunçalık kaalar elem.

⁵⁰Men bir çömülüü menen çömüldürülüşüm kerek. Anın atkarılışın kütüp, Men uşunçalık kıynalıp jatam.

⁵¹Siler Meni düynö jüzünö tınçtık berüü üçün keldi dep oyloysuŋarbı? Jok, silerge aytıp koёyun, bölüü üçün kelgem.

⁵²Antkeni mından arı mınday bolot: bir üydö beş kişi bolso, bölünüp, üçöö eköönö, eköö üçöönö karşı çıgat.

⁵³Atası balasına, balası atasına, enesi kızına, kızı enesine, kaynenesi kelinine, kelini kaynenesine karşı çıgat».

⁵⁴Iysa elge da mınday dedi: «Siler batıştan bulut kötörülgönün körgönüŋördö, daroo: “Jamgır jaayt”, – dep aytasıŋar, anan dal oşondoy bolot.

⁵⁵Tüştüktön şamal sokkondo: “Kün ısık bolot”, – dep aytasıŋar, anan dal oşondoy bolot.

⁵⁶Ey, eki jüzdüülör! Jer menen asmandı karap, aba ırayın anıktay alasıŋar da, oşol ubakıttın belgilerin emnege anıktay albaysıŋar?

⁵⁷Emne üçün siler emne tuura ekenin özüŋör ayırmalap bile albaysıŋar?

⁵⁸Sen karşılaşıŋ menen başçıga bara jatkanda, joldo ele andan kutuluuga araket kıl. Bolboso karşılaşıŋ seni sotko alıp barat, sot küzötçügö tapşırat, küzötçü seni türmögö kamap salat.

⁵⁹Saga aytıp koёyun, akırkı tıyınıŋdı da tölöp bermeyinçe, al jaktan çıkpaysıŋ».