Read NT LS 2005 – Инжил ЛС (2005 Luka 13 Bible Online

Luka 13 - NT LS 2005 – Инжил ЛС (2005 bible

Luka 13

¹Oşol uçurda Iysaga bir neçe adam kelip, Pilat öltürtkön galileyalıktar tuuraluu kabarladı. Alardın kanı özdörünün kurmandıktarının kanı menen aralaşıp kalgan ele.

²Oşondo Iysa alarga mınday dedi: «Siler bul galileyalıktardı başka bardık galileyalıktarga karaganda köbüröök künöölüü boluşkandıktan, uşunday azap tartıştı dep oylop jatasıŋarbı?

³Silerge aytıp koёyun, anday emes. Egerde tobo kılbasaŋar, bardıgıŋar oşolorgo okşop ölösüŋör.

⁴Siloomdogu munara kulaganda, astında kalgan on segiz kişi İerusalimdin başka bardık turgundarına karaganda köbüröök ayıptuu boluşkan dep oyloysuŋarbı?

⁵Silerge aytıp koёyun, anday emes. Egerde tobo kılbasaŋar, bardıgıŋar oşolorgo okşop ölösüŋör».

⁶Anan Iysa bul ülgü-nasaat aŋgemeni ayttı: «Bir kişinin jüzüm bagında anjır daragı bolot. Al kelip, andan mömö izdep, tappay koёt.

⁷Oşondo al jüzümçügö: “Men üç jıldan beri kelip, uşul anjır daraktan mömö izdep, taba algan jokmun. Anı kıyıp taşta, beker ele jerdi eelep turat”, – deyt.

⁸Birok jüzümçü mınday dep joop beret: “Kojoyun, bıyılça anı koё tur. Men anın tegeregin kazıp, kık tögöyün.

⁹Mümkün, al kiyinki jılı mömö berer. Egerde berbese, kıydırıp salasıŋ”».

¹⁰İşembi künü Iysa sinagogalardın birinde eldi okutup jatkan.

¹¹Oşol jerde on segiz jıldan beri içindegi jindin taasiri menen oorup jürgön ayal bar ele. Al bükür bolçu, boyun tüzöy alçu emes.

¹²Iysa anı körüp, janına çakırıp: «Ayal, sen ooruŋdan kutulduŋ!» – dedi da, kolun anın üstünö koydu.

¹³Al oşol zamat tüzölüp, Kudaydı daŋktay baştadı.

¹⁴Sinagoga başçısı Iysanın işembi künü ayaldı ayıktırganına kıjırdanıp, elge: «İş kıluuga altı kün bar go, ayıguuga işembi künü emes, oşol kündörü kelgile», – dedi.

¹⁵Oşondo Teŋir aga mınday dep joop berdi: «Eki jüzdüülör, işembi künü eç kimiŋer akırga baylanıp turgan ögüzüŋördü je eşegiŋerdi çeçip, sugaruuga jetelep barbaysıŋarbı?

¹⁶Şaytan on segiz jıldan beri baylap jürgön Ibrayımdın uşul kızın işembi künü bayloodon boşotuuga bolboybu?!»

¹⁷Iysa uşintip aytkanda, Aga karşı bolgondordun baarı uyalıp kalıştı. Büt el Anın jasap jatkan bardık uluu işterine kubandı.

¹⁸Anan Iysa mınday dedi: «Kudaydın Padışaçılıgı emnege okşoş? Anı emnege okşoştursam bolot?

¹⁹Al sarı kıçı danına okşoş. Bir adam anı öz bakçasına septi. Al ösüp çıgıp, çoŋ darak boldu, oşondo anın butaktarına kanattuu kuştar uyalaştı».

²⁰Iysa dagı mınday dedi: «Kudaydın Padışaçılıgın emnege okşoştursam bolot?

²¹Al kamır açıtkıga okşoş. Bir ayal kamır açıtış üçün, anı alıp, üç çenem unga koşot».

²²Iysa şaarlar menen ayıl-kıştaktardı aralap, eldi okutup, İerusalimdi karay bara jattı.

²³Biröö Andan: «Teŋir, çın ele kutkarıla turgandar az bolobu?» – dep suradı. Oşondo Iysa alarga mınday dedi:

²⁴«Tar eşikten kirüügö arakettengile. Silerge aytıp koёyun, köptör kirüügö arakettenişet, birok kire alışpayt.

²⁵Üy eesi turup, eşikti bekitkenden kiyin, siler sırtta turup alıp, eşikti kakkılay baştaysıŋar da: “Teŋir! Teŋir, eşikti aç”, – dep aytasıŋar. Birok Al silerge: “Silerdin kim ekeniŋerdi, kaydan ekeniŋerdi bilbeym”, – dep joop beret.

²⁶Oşondo siler: “Biz Seni menen ele çoguu tamaktanıp jürçübüz, Sen bizdin köçölörübüzdö okutçusuŋ”, – dep ayta baştaysıŋar.

²⁷Birok Al: “Silerdin kaydan ekeniŋerdi bilbeym. Ey, adiletsizdik kıluuçular, baarıŋar Menin janımdan ketkile”, – dep aytat.

²⁸Siler Ibrayımdı, Iskaktı, Jakıptı jana bardık paygambarlardı Kudaydın Padışaçılıgınan, al emi özüŋördün tışka kuulup çıkkanıŋardı körgönüŋördö, bozdop ıylap, kıynalıp tiş kıçıratasıŋar.

²⁹Oşondo çıgış menen batıştan, tündük menen tüştüktön adamdar kelip, Kudaydın Padışaçılıgındagı dastorkongo oturuşat.

³⁰Oşentip, birinçiler akırkı, akırkılar birinçi boluşat».

³¹Oşol uçurda kee bir pariseyler Iysanın aldına kelip: «Bul jerden ket, antkeni İrod Seni öltürgüsü kelip jatat», – deşti.

³²Oşondo Iysa alarga mınday dedi: «Siler al tülkügö barıp aytkıla: “Men bügün, erteŋ jinderdi kuup, ooruluulardı ayıktırıp, üçünçü künü ayaktaym.

³³Birok Men bügün, erteŋ jana bürsügünü jol jürüşüm kerek. Antkeni paygambardın İerusalimden başka jerde ölüşünö jol berilbeyt”.

³⁴İerusalim! Paygambarlardı öltürüp, özüŋö jiberilgenderdi taş baraŋga algan İerusalim! Kanattuu öz balapandarın kanatının astına çogultkanday, Men da kança iret senin baldarıŋdı çogultuunu kaaladım, birok sen kaalagan joksuŋ.

³⁵Mına, üyüŋ een kalat. Saga aytıp koёyun, “Teŋirdin atınan Kele Jatkanga daŋk!” dep ayta turgan ubakıt kelgenge çeyin, Meni körböysüŋ”».