Read NT LS 2005 – Инжил ЛС (2005 Luka 15 Bible Online

Luka 15 - NT LS 2005 – Инжил ЛС (2005 bible

Luka 15

¹Salıkçılar menen künöökörlördün baarı Iysanın sözün uguş üçün, Aga jakın kelişti.

²Pariseyler menen mıyzam okutuuçular bolso: «Al künöökörlördü kabıl alıp, alar menen birge tamaktanat», – dep küŋküldöştü.

³Oşondo Iysa alarga tömönkü ülgü-nasaat aŋgemeni aytıp berdi:

⁴«Silerdin araŋardan jüz koyu bar bir adamdın bir koyu jogolup ketse, emne, al tokson toguzun talaaga kaltırıp koyup, jogolup ketken bir koyun izdebeybi?

⁵Tapkandan kiyin, kubanıp, anı iynine kötörüp alıp,

⁶üyünö kelet da, dostorun, koŋşuların çakırıp, alarga: “Jogolup ketken koyumdu taptım, menin kubanıçıma ortoktoş bolgula”, – deyt.

⁷Silerge aytıp koёyun, oşol sıyaktuu ele “Tobo kıluuga muktaj emespiz” degen tokson toguz “adil” adamga karaganda, tobo kılgan bir künöökör üçün asmanda çoŋ kubanıç bolot.

⁸Je on drahması bar bir ayal bir drahmasın jogotup alsa, emne, al çırak küygüzüp alıp, üyün şıpırıp, anı tapmayınça tırışıp izdebeybi?

⁹Tapkandan kiyin, kurdaştarı menen koŋşuların çakırıp, alarga: “Men jogotkon drahmamdı taptım, menin kubanıçıma ortoktoş bolgula”, – deyt.

¹⁰Silerge aytıp koёyun, oşol sıyaktuu ele bir künöökördün tobo kılganı üçün da Kudaydın perişteleri kubanışat».

¹¹Iysa dagı mınday dedi: «Bir kişinin eki uulu bar eken.

¹²Alardın kenjesi atasına: “Ata, menin ençimdi ber”, – deyt. Oşondo atası baldarına mal-mülkün bölüp beret.

¹³Köp ötpöy, kenje uulu ençisinin baarın alıp, alıskı bir ölkögö jönöp ketet. Al jaktan al jaman jolgo tüşüp, özünün mal-mülkün ıgı jok ısırap kılat.

¹⁴Bardıgın tügötköndön kiyin, oşol ölködö katuu açarçılık bolup, al muktaj bolo baştayt.

¹⁵Oşondo al oşol ölkönün bir adamına barıp jabışıp jaldanat. Al kişi anı özünün talaasına jiberip, çoçkolorun kaytartıp koёt.

¹⁶Al çoçkolor jegen jemiş menen kursagın toyguzganına ıraazı bolmok, birok aga anı da eç kim berbeyt.

¹⁷Oşondo al akılına kelip: “Atamdın jalçılarının baarı tamaktı toё jeşet, men bolso bul jerde açkadan ölgönü jüröm.

¹⁸Turup, atama kaytıp barayın da: "Ata! Men asmandagı Kudaydın aldında jana senin aldıŋda künöögö battım.

¹⁹Mından arı senin uuluŋmun dep ataluuga tatıksızmın. Meni jalçı kılıp al deyin"”, – deyt.

²⁰Oşentip, al turup, atasına jönöyt. Atası uulun alıstan ele körüp, ayayt da, jügürüp barıp, moynunan kuçaktap öpkülöyt.

²¹Oşondo uulu atasına: “Ata! Men asmandagı Kudaydın aldında jana senin aldıŋda künöögö battım. Mından arı senin uuluŋmun dep ataluuga tatıksızmın”, – deyt.

²²Atası bolso kuldarına: “Tezinen eŋ jakşı kiyim alıp kelip, aga kiygizgile. Koluna şakek tagıp, butuna but kiyim bergile.

²³Anan borgo baylangan torpoktu alıp kelip soygula, içip-jep köŋül açalı.

²⁴Antkeni menin bul uulum ölgön ele – tirildi, jogolgon ele – tabıldı”, – deyt. Oşentip, alar toyloy baştaşat.

²⁵Oşol uçurda anın tun uulu talaada bolot. Al kaytıp kele jatıp, üyünö jakındaganda, ırdap-biylegenderdin ündörün ugat.

²⁶Oşondo al kuldardın birin çakırıp alıp: “Emne bolup jatat?” – dep surayt.

²⁷Kul aga: “Senin iniŋ keldi, ataŋ balasın aman-esen körgönü üçün, borgo baylangan torpoktu soydurttu”, – deyt.

²⁸Munu ukkanda, anın açuusu kelip, üygö kirgisi kelbeyt. Atası sırtka çıgıp, anı çakırat.

²⁹Oşondo al atasına: “Men saga uşunça jıldan beri kızmat kılıp kele jatam, eç kaçan buyruguŋdu buzgan jokmun. Birok sen maga dostorum menen köŋül açkanga bir ulak da bergen emessiŋ.

³⁰Al emi özünün mal-mülkün buzulgan ayaldar menen ıgı jok ısırap kılgan uuluŋ kelse, aga bordolgon torpok soyduŋ”, – dep joop beret.

³¹Atası bolso aga: “Balam, sen ar dayım menin janımdasıŋ, menin bardık mal-mülküm seniki.

³²Bul nersege bolso süyünüp, kubanuu kerek bolçu. Antkeni bul iniŋ ölük ele – tirildi, jogolgon ele – tabıldı!” – deyt».