Read NT LS 2005 – Инжил ЛС (2005 Luka 16 Bible Online

Luka 16 - NT LS 2005 – Инжил ЛС (2005 bible

Luka 16

¹Iysa Özünün şakirtterine da mınday dedi: «Bir bay adamdın çarba işterin başkaruuçusu bar eken. Aga: “Senin çarba işteriŋdi başkaruuçu mal-mülküŋdü ıksız ısırap kılıp jatat”, – dep aytıp kelişet.

²Oşondo bay anı çakırıp alıp: “Sen jönündö ar kanday söz ugup jatam. Özüŋdün başkaruu işiŋ boyunça esep ber, antkeni sen mından arı çarba işterin başkara albaysıŋ!” – deyt.

³Başkaruuçu içinen: “Emi men emne kılam? Kojoyunum meni başkaruu işinen boşotup jatat. Jer kaza albaym, kayır suragandan uyalam.

⁴Birok men emne kıluunu taptım, başkaruu işinen boşotulgandan kiyin adamdar meni üylörünö kabıl alışı üçün, men mınday kılam”, – dep oylonot da,

⁵kojoyununa karızı barlardın ar birin öz-özünçö çakırıp alıp, alardın birinçisinen: “Sen kojoyunuma kança karızsıŋ?” – dep surayt.

⁶Al: “jüz çenem may karızmın”, – deyt. “Til katıŋdı al da, otura kalıp, elüü çenem dep jaza sal”, – deyt başkaruuçu.

⁷Andan kiyin al başkasınan: “Sen kança karızsıŋ?” – dep surayt. Al: “Jüz çenem buuday”, – dep joop beret. Başkaruuçu aga da: “Til katıŋdı al da, seksen dep jaz”, – deyt.

⁸Oşondo kojoyun işenimsiz başkaruuçusun akılduuluk menen iş kılganı üçün maktaptır. Bul düynönün adamdarı özü öŋdüülör menen mamileleşkende, jarıktın uuldarına karaganda akılduuraak.

⁹Men da silerge aytıp koёyun, ötüp kete turgan baylık menen özüŋörgö dostordu kütkülö! Baylık jok bolup ketkenden kiyin, silerdi tübölük turak-jaylarga kabıl alışsın.

¹⁰Az nersede işenimdüü adam köp nersede da işenimdüü. Az nersede işenimsiz adam köp nersede da işenimsiz.

¹¹Egerde silerge ötüp kete turgan baylıktı işenip tapşıruuga bolboso, çınıgı baylıktı kim işenip tapşırat?

¹²Egerde silerge başkalardıkın işenip tapşıruuga bolboso, anda özüŋördükün kim beret?

¹³Eç bir kul eki mırzaga kızmat kıla albayt: birin jek körüp, ekinçisin jakşı köröt; birine jan-dili menen berilip, ekinçisin bark albayt. Bir ele uçurda Kudayga da, baylıkka da kızmat kıla albaysıŋar!»

¹⁴Munun bardıgın baylıktı süygön pariseyler da ugup, Iysanı mazaktap külüştü.

¹⁵Oşondo Iysa alarga mınday dedi: «Siler adamdardın aldında özüŋördü adil adam katarı körsötösüŋör, birok Kuday silerdin jürögüŋördü bilet, antkeni adamdar jogoru baalagan nerse Kudaydın aldında jiyirkeniçtüü.

¹⁶“Toorat” jana “Paygambarlar” kitepteri Jakanga çeyin bolgon. Oşol ubakıttan beri Kudaydın Padışaçılıgı jönündögü Jakşı Kabar jarıyalanıp kele jatat, bul Padışaçılıkka ar bir adam küç jumşap kiret.

¹⁷Birok mıyzamdın bir belgisi jogolgongo karaganda, asman menen jer oŋoy jok bolot.

¹⁸Ayalın ketirip, başka ayal algan adam oynoştuk kılgan bolot. Küyöösü ketirip jibergen ayaldı algan adam da oynoştuk kılgan bolot.

¹⁹Bir bay adam boluptur. Al koçkul kızıl kıl torkodon jana zıgır bulasınan kiyim kiyip, kün sayın ukmuştuuday toy ötkörçü eken.

²⁰Anın darbazasının aldında büt denesin jara baskan Lazar degen kayırçı jatçu.

²¹Al bay jegen tamaktın kaldıgına zar bolçu. İtter kelip, anın jaraların jalaçu.

²²Bir künü oşol kayırçı ölüp, perişteler anı Ibrayımdın kuçagına alıp barışat. Bay da ölüp, anı körgö koyuşat.

²³Ölgöndör jatkan jayda kıynalıp jatkan oşol bay adam başın kötörüp, alıstan Ibrayımdı jana anın kuçagındagı Lazardı köröt.

²⁴Oşondo al bolgon küçü menen: “Ibrayım ata, maga ırayım kılıp, Lazardı jiberçi, al barmagının uçun suuga malıp, tilimdi suulasın, antkeni men bul jalındagan otto azap tartıp jatam”, – dep kıykırat.

²⁵Birok Ibrayım aga: “Balam, sen özüŋdün jakşı ülüşüŋdü jaşooŋdo alganıŋdı, al emi Lazar albaganın esteçi! Azır bolso al bul jerde sooronuuda, al emi sen azap çegüüdösüŋ.

²⁶Anın üstünö, siler menen bizdin ortobuzda tüpsüzdük bar. Bul jaktan silerge, siler jaktan bizge ötö alışpayt”, – deyt.

²⁷Oşondo al bay: “Ata, anday bolso, senden suranam, Lazardı atamdın üyünö jiberçi.

²⁸Antkeni menin beş bir tuuganım bar. Alar da bul azaptuu jayga kelbeşi üçün, Lazar barıp kübölöndürsün”, – dep ötünöt.

²⁹Ibrayım aga: “Alarda Musanın jana paygambarlardın kitepteri bar, oşolordu uguşsun!” – dese, al:

³⁰“Jok, Ibrayım ata! Egerde ölgöndördön biröö barsa, alar tobo kılışat”, – deyt.

³¹Oşondo Ibrayım aga: “Egerde Musa menen paygambarlardın aytkanın uguşpasa, anda alar ölgöndördön biröö tirilip barsa da işenişpeyt”, – dep joop beret».