Read NT LS 2005 – Инжил ЛС (2005 Luka 17 Bible Online

Luka 17 - NT LS 2005 – Инжил ЛС (2005 bible

Luka 17

¹Iysa Özünün şakirtterine mınday dedi: «Azgırıktar kelbey koyboyt, birok kim arkıluu kelse, oşol adamga kaygı.

²Oşonduktan uşul kiçinelerdin birin künöögö türtkön adamdın moynuna tegirmen taşın ilip, anı deŋizge taştap jiberişse, al üçün jakşı bolmok.

³Özüŋörgö sak bolgula. Egerde bir tuuganıŋ saga karşı künöö kılsa, aga eskertüü ber. Egerde keçirim surasa, anı keçir.

⁴Egerde al bir kündün içinde saga karşı jeti jolu künöö kılıp, saga jeti jolu kelip: “Künöömdü moynuma alam”, – dese, anı keçir».

⁵Elçiler Teŋirge: «İşenimibizdi arttır», – deşti.

⁶Teŋir alarga: «Egerde silerdin sarı kıçı danınday işenimiŋer bolso, bul tıt daragına: “Tamırıŋ menen suurulup, deŋizdin içine oturguzul”, – deseŋer, al silerdi ukmak», – dedi.

⁷«Birööŋördün jer aydagan je mal kaytargan kuluŋar bar deyli. Oşol kul talaadan keleri menen kojoyunu aga: “Tez kelip, dastorkongo otur”, – dep aytabı?

⁸Teskerisinçe, aga: “Maga keçki tamaktı dayarda, men tamaktanıp bütkönçö, beliŋdi buup, maga kızmat kıl, andan kiyin özüŋ tamaktan”, – dep aytat da.

⁹Buyrugun atkarganı üçün, al kuluna, emne, alkış aytabı? Aytat dep oyloboym.

¹⁰Siler da oşolordoy bolup, özüŋörgö tapşırılgan işti atkargandan kiyin: “Biz eç nersege tatıbagan kuldarbız, atkarışıbız kerek bolgon işti gana atkardık”, – degile».

¹¹Iysa İerusalimge bara jatkanda, Samariya menen Galileyanı bölgön çek ara arkıluu öttü.

¹²Al bir ayılga kirgende, Anı pes ooruluu on adam tosup çıktı. Alar alısıraak toktop:

¹³«Iysa Ustat, bizge ırayım kıla kör!» – dep kıykırıştı.

¹⁴Iysa alardı körgöndö: «Iyık kızmat kıluuçularga barıp, özüŋördü körsötkülö», – dedi. Alar joldo bara jatışkanda, pes oorudan ayıgıp, taza bolup kalıştı.

¹⁵Alardın biri özünün ayıkkanın körüp, katuu ün menen Kudaydı daŋktap, artına kaytıp keldi da,

¹⁶Iysanın aldına jüztömöndöp jıgılıp, Aga ıraazıçılık bildirdi. Al adam samariyalık ele.

¹⁷Oşondo Iysa mınday dedi: «On kişi taza bolup kalbadı bele? Kalgan toguzu kana?

¹⁸Kudaydı daŋktoo üçün, bul başka uruunun adamınan bölök eç kim kaytıp kelgen jokpu?»

¹⁹Anan Al aga: «Tur, bara ber. Seni işenimiŋ kutkardı», – dedi.

²⁰Pariseyler Kudaydın Padışaçılıgı kaçan kele turgandıgın suraganda, Iysa mınday dep joop berdi: «Kudaydın Padışaçılıgı közgö körünböy kelet.

²¹“Mına, al bul jerde” je “Tigine, al tigi jerde”, – dep, eç kim ayta albayt. Antkeni Kudaydın Padışaçılıgı silerdin içiŋerde».

²²Anan şakirtterine mınday dedi: «Adam Uulunun kündörünün birin bolso da körsök dep eŋsey turgan kündör kelet, birok körböysüŋör.

²³Silerge: “Mına, Al bul jerde” je “Tigine, Al tigil jerde”, – dep aytışat. Birok barbagıla, alardı eerçibegile.

²⁴Antkeni asmandın bir çetinen ekinçi çetine çeyin çagılgan kanday jarkırasa, Adam Uulu da Özü kelgen künü oşondoy bolot.

²⁵Birok algaç Al köp azap çegip, bul muun arkıluu çetke kagıluuga tiyiş.

²⁶Adam Uulu kelgen ubakta da Nuh paygambardın ubagındagıday bolot.

²⁷Nuh kemege kirgen küngö çeyin adamdar jeşti, içişti, ayal alıştı, küyöögö çıgıştı. Anan topon suu kaptap, bardıgı kırılıp kaldı.

²⁸Lottun ubagında da oşondoy boldu: adamdar içip-jep, sooda-satık jürgüzüp, jer iştetip, üy kurup ömür sürüp jatıştı.

²⁹Birok Lot Sodomdon çıkkan künü asmandan ot menen kükürt jaap, bardıgı kırılıp kaldı.

³⁰Adam Uulu kelgen künü da oşondoy bolot.

³¹Oşol künü kim üydün üstündö bolso, al üydün içindegi buyumdarın alış üçün tüşpösün. Kim talaada jürsö, al artka kayrılbasın.

³²Lottun ayalın esiŋerge tüşürgülö.

³³Kim öz janın saktap kalgısı kelse, al andan tübölükkö ajırayt. Kim öz janınan ajırasa, al tirilet.

³⁴Silerge aytıp koёyun, oşol tünü bir töşöktö jatkan eki kişinin biri alınat, biri kaltırılat.

³⁵Çoguu jargılçak tartıp oturgan eki ayaldın biri alınat, biri kaltırılat.

³⁶Talaada jürgön eki kişinin biri alınat, biri kaltırılat».

³⁷Oşondo alar Iysadan: «Teŋir, munun baarı kaysı jerde bolot?» – dep suraştı. Iysa alarga: «Ölük kaysı jerde bolso, joru-kuzgundar oşol jerge çogulat», – dep joop berdi.