Read NT LS 2005 – Инжил ЛС (2005 Luka 19 Bible Online

Luka 19 - NT LS 2005 – Инжил ЛС (2005 bible

Luka 19

¹Iysa Jeriho şaarına kirip, anı aralap bara jattı.

²Al jerde salık jıynooçulardın başçısı, Zakay degen bay kişi bar ele.

³Al Iysanı körgüsü keldi. Birok boyu kıska bolgonduktan, köpçülüktün arasınan Anı körö albay koydu.

⁴Oşondo al Iysanı körüü üçün çurkap barıp, Al ötö turgan joldun boyundagı anjır daragına çıgıp aldı.

⁵Iysa oşol jerge kelgende, jogoru karap: «Zakay, tezireek tüş! Men bügün senin üyüŋdö boluşum kerek», – dedi.

⁶Zakay daraktan şaşıp tüşüp, Anı üyünö kubanıç menen kabıl aldı.

⁷Munu körgöndördün bardıgı: «Al künöökör adamdın üyünö kirdi», – dep küŋküldöy baştaştı.

⁸Zakay bolso ordunan turup, Iysaga: «Teŋir, men mal-mülkümdün jarımın jakırlarga taratıp berem. Egerde kimdir biröönü aldap, akısın jegen bolsom, tört ese kaytarıp berem», – dedi.

⁹Oşondo Iysa: «Bügün bul üygö kutkarıluu keldi, antkeni bul adam da Ibrayımdın urpagı.

¹⁰Antkeni Adam Uulu jogolgondu izdep taap kutkaruu üçün kelgen», – dedi.

¹¹Ugup oturgandarga Iysa ülgü-nasaat aŋgeme da ayttı. Antkeni Iysa İerusalimge jakındap kalgandıktan, alar: «Jakında Kudaydın Padışaçılıgı kelet», – dep oylop jatışkan.

¹²Oşonduktan Al munu aytıp berdi: «Bir ak söök adam padışaçılıkka dayındalıp kelüü üçün, alıskı bir ölkögö jönömökçü bolot.

¹³Al özünün on kulun çakırıp alıp, alarga on mina berip: “Men kaytıp kelgençe, bul akçanı aylandırgıla”, – deyt.

¹⁴Jerdeşteri bolso anı jek körgöndüktön, artınan elçilerdi jiberip: “Anın bizge padışa boluşun kaalabaybız”, – dep ayttırışat.

¹⁵Birok al padışaçılıkka dayındalıp, kaytıp kelet. Berip ketken kümüşü menen kim kança payda tapkanın bilüü üçün, al kuldarın çakırtat.

¹⁶Oşondo birinçisi kelip: “Kojoyun, senin minaŋ menen on mina payda taptım”, – deyt.

¹⁷Padışa aga: “Jaraysıŋ, jakşı kul! Az nersege işenimdüü bolgonduguŋ üçün, on şaarga başkaruuçu bolosuŋ”, – deyt.

¹⁸Ekinçisi kelip: “Kojoyun, senin minaŋ menen beş mina payda taptım”, – deyt.

¹⁹Padışa aga da: “Sen da beş şaarga başkaruuçu bolosuŋ”, – deyt.

²⁰Üçünçüsü kelip: “Kojoyun, senin minaŋ mına! Men anı joolukka orop katıp jürdüm.

²¹Men senden korktum, antkeni sen koybogonuŋdu alıp, ekpegeniŋdi orgon kataal adamsıŋ”, – deyt.

²²Padışa aga: “Ey, aramza kul, men seni özüŋdün oozuŋdan çıkkan sözüŋ menen sottoymun. Sen menin koybogonumdu alıp, ekpegenimdi orgon kataal adam ekenimdi bilip turup,

²³emne üçün menin kümüşümdü aylandırgan joksuŋ? Men kaytıp kelgende, kireşesi menen albayt belem?” – deyt da,

²⁴janında turgandarga: “Andan minanı alıp, on minası barga bergile”, – deyt.

²⁵Alar bolso aga: “Kojoyun, anın on minası bar da!” – deşet.

²⁶Oşondo padışa mınday deyt: “Silerge aytıp koёyun, kimde bar bolso, aga dagı berilet. Al emi kimde jok bolso, anın bolgon nersesi da tartılıp alınat.

²⁷Menin padışa boluumdu kaalabagan duşmandarımdı bolso, bul jerge alıp kelip, menin köz aldımda öltürgülö”».

²⁸Uşunu aytkandan kiyin, Iysa İerusalimdi közdöy jolun ulanttı.

²⁹Al Zaytun toosunun boorundagı Beytpagiya menen Betaniya ayıldarına jakındaganda, Özünün eki şakirtin mınday dep jönöttü:

³⁰«Maŋdayıŋardagı ayılga bargıla. Ayılga kirgende, eç bir adam mine elek, baylanuu turgan kodikti tabasıŋar. Anı çeçip, Maga alıp kelgile.

³¹Egerde biröö silerden: “Kodikti emnege çeçip jatasıŋar?” – dep surasa, “Bul Teŋirge kerek”, – degile».

³²Jönötülgöndör barıştı, baarı Iysa aytkanday boldu.

³³Alar kodikti çeçip jatışkanda, anın eesi: «Kodikti emnege çeçip jatasıŋar?» – dep suradı.

³⁴Alar bolso: «Bul Teŋirge kerek», – dep joop berişti.

³⁵Şakirtter kodikti Iysaga alıp kelişti da, anın üstünö özdörünün kiyimderin salıp, Iysanı mingizişti.

³⁶Al kodik minip bara jatkanda, adamdar özdörünün kiyimderin jolgo töşöp jatıştı.

³⁷Iysa Zaytun toosunan tüşö turgan jerge jakındaganda, Anın bardık şakirtteri özdörü körgön keremetteri üçün kubanıp, katuu ün menen Kudaydı daŋktaştı:

³⁸«Teŋirdin atınan kele jatkan Padışaga daŋk! Asmanda tınçtık bolsun! Eŋ biyik jerdegige daŋk!»

³⁹Oşondo el arasınan ayrım pariseyler Aga: «Ustat, şakirtteriŋdi tıy», – deşti.

⁴⁰Iysa bolso alarga: «Silerge aytıp koёyun, egerde bular unçukpasa, anda taştar kıykırışat», – dep joop berdi.

⁴¹Iysa İerusalim şaarına jakındaganda, şaardı karap alıp, al üçün ıylap, mınday dedi:

⁴²«Sende tınçtık boluş üçün emne kerek ekenin, jok degende, bügün bilseŋ kana! Birok al azır sen üçün jaşıruun.

⁴³Senin başıŋa oor kündör kelet: duşmandarıŋ tegeregiŋe aŋ kazıp, kurçap alışat da, seni ar taraptan kısımga alışat.

⁴⁴Seni talkalaşat, baldarıŋdı öltürüşöt, taş üstünö taş kaltırışpayt, antkeni sen özüŋdün kutkarıluu ubagıŋ kelgenin bilgen joksuŋ».

⁴⁵Anan Iysa iybadatkanaga kirip: «Iyık Jazuuda: “Menin üyüm – sıyınuu üyü”, – dep jazılgan.

⁴⁶Siler bolso anı karakçılardın uyuguna aylandırıp aldıŋar», – dep, andagı satuuçular menen satıp aluuçulardı kuup çıgara baştadı.

⁴⁷Al kün sayın iybadatkanada eldi okuttu. Başkı ıyık kızmat kıluuçular, mıyzam okutuuçular jana el aksakaldarı bolso Anı öltürüünün jolun izdeşti.

⁴⁸Birok ıŋgayın taba alışpadı, antkeni eldin baarı Anın sözünö kulak salıp, janınan ketişçü emes.