Read NT LS 2005 – Инжил ЛС (2005 Luka 20 Bible Online

Luka 20 - NT LS 2005 – Инжил ЛС (2005 bible

Luka 20

¹Bir künü Iysa iybadatkanada eldi okutup, Jakşı Kabar aytıp jatkanda, başkı ıyık kızmat kıluuçular, mıyzam okutuuçular jana aksakaldar kelişip:

²«Sen munu kaysı biyliktin negizinde kılıp jatasıŋ? Saga bul biylikti kim berdi?» – dep suraştı.

³Iysa alarga mınday dep joop berdi: «Men da silerden bir nerseni surayın. Maga aytkılaçı,

⁴Jakandın çömüldürüüsü Kudaydan boldu bele je adamdardanbı?»

⁵Alar öz ara: «Egerde “Kudaydan” desek, anda Al: “Anda emne üçün Jakanga işengen joksuŋar?” – dep aytat.

⁶Egerde “adamdardan” desek, anda el bizdi taş baraŋga alat. Antkeni alar Jakandın paygambar ekenine işenişet», – dep akıldaşıştı da,

⁷«Kimden ekenin bilbeybiz», – dep joop berişti.

⁸Oşondo Iysa alarga: «Men da silerge munu kaysı biyliktin negizinde kılıp jatkanımdı aytpaym», – dedi.

⁹Iysa bul ülgü-nasaat aŋgemeni elge ayta baştadı: «Bir adam jüzüm bagın oturguzup, anı jüzümçülörgö tapşırat da, özü uzak ubakıtka başka jakka ketet.

¹⁰Jüzüm bagının jemişinen bersin dep, öz ubagı kelgende, jüzümçülörgö bir kulun jiberet. Birok jüzümçülör anı sabap, kuru kol ketirip jiberişet.

¹¹Oşondo al başka kulun jiberet. Birok anı da urup, kordop, kuru kol ketirip jiberişet.

¹²Jüzüm bagının eesi üçünçü kulun jiberet. Birok jüzümçülör anı jaradar kılıp, kuup jiberişet.

¹³Oşondo jüzüm bagının eesi: “Emne kılsam? Süyüktüü uulumdu jibereyin. Mümkün, anı körüp uyalışar”, – deyt.

¹⁴Birok jüzümçülör anı körgöndö, öz ara: “Bul – murasçı, jürgülö, anı öltürüp salalı, oşondo anın murası bizdiki bolot”, – deşet.

¹⁵Oşentip, alar anı jüzüm bagının sırtına çıgarıp, öltürüp salışat. Emi jüzüm bagının eesi alardı emne kılat?

¹⁶Al kelet da, jüzümçülördü öltürüp, jüzüm bagın başka biröölörgö beret». Munu ugup turgandar bolso: «Koy, anday bolboy ele koysun!» – dep jiberişti.

¹⁷Oşondo Iysa alardı karap: «Anda Iyık Jazuudagı “Kuruuçular jaratpay koygon taş burçtun negizi bolup kaldı.

¹⁸Al taşka jıgılgan adam ölöt. Al emi al taş kimdin üstünö tüşsö, anı basıp öltüröt” degen sözdör emneni bildiret?» – dedi.

¹⁹Başkı ıyık kızmat kıluuçular menen mıyzam okutuuçular Iysanın bul ülgü-nasaat aŋgemede özdörü jönündö aytkanın tüşünüşköndüktön, uşul uçurda Aga kol saluuga niettenişti, birok elden korkuştu.

²⁰Alar Iysanı közömölgö alıp, adil adamday körüngön öz kişilerin jaşıruun jönötüştü. Anı sözünön karmap, başçılardın jana sottun koluna ötkörüp berüü üçün, alar Andan:

²¹«Ustat, Senin tuura süylöp, tuura okutarıŋdı bilebiz. Bet karamalık kılbaysıŋ, Kudaydın mıyzamdarın tuura okutasıŋ.

²²Kanday deysiŋ, biz Rim padışasına salık tölöşübüz kerekpi je jokpu?» – dep suraştı.

²³Iysa alardın jaman oyun bilip: «Meni emnege sınap jatasıŋar?

²⁴Maga bir dinariydi körsötkülöçü. Munun betindegi süröt menen jazuu kimdiki?» – dedi. Alar: «Padışanıkı», – dep joop berişti.

²⁵Iysa alarga: «Anday bolso, padışaga tieşelüünü padışaga, Kudayga tieşelüünü Kudayga bergile», – dedi.

²⁶Oşentip, alar Iysanı el aldında sözünön karmay albay, Anın joobuna taŋ kalıp, unçukpay kalıştı.

²⁷Oşondon kiyin «Ölgöndör tirilbeyt» degen sadukeylerdin kee biri kelip, Aga mınday suroo berişti:

²⁸«Ustat! Musa paygambar bizge: “Egerde kimdir biröönün bir tuuganı bala körböy köz jumsa, anda başka bir tuuganı anın ayalın alıp, tukumun ulasın”, – dep jazıp kaltırgan.

²⁹Jeti bir tuugan bar ele. Birinçisi ayal alıp, bala körböy köz jumdu.

³⁰Al ayaldı ekinçisi da alıp, balasız öttü.

³¹Anı üçünçüsü da aldı. Anı jeti bir tuugan teŋ alıp, balasız ötüp ketişti.

³²Baarı ölgöndön kiyin, ayal da köz jumdu.

³³Ölgöndör tirilgenden kiyin, al kimisinin ayalı bolot? Antkeni anı jetöö teŋ ayaldıkka algan bolçu».

³⁴Iysa alarga mınday dep joop berdi: «Bul düynödögü adamdar ayal alışat, küyöögö tiyişet.

³⁵Al emi tigi düynögö baruuga ılayık dep tabılgandar tirilgenden kiyin üylönüşpöyt, turmuşka da çıgışpayt.

³⁶Alar al jakta ölüşpöyt, antkeni periştelerge okşoş bolup kalışat. Alar – Kudaydın baldarı, antkeni alar ölgöndördün arasınan tirilişken.

³⁷Ölgöndör tirile turgandıgın Musa da jalındagan badal jönündögü aŋgemede aytkan. Al jerde Teŋirdin Musaga: “Men Ibrayımdın, Iskaktın, Jakıptın Kudayımın”, – degendigi aytılat.

³⁸Kuday – ölgöndördün emes, tirüülördün Kudayı! Antkeni Al üçün bardıgı tirüü».

³⁹Munu ukkanda, kee bir mıyzam okutuuçular: «Ustat, Sen jakşı ayttıŋ!» – deşti.

⁴⁰Uşundan kiyin alar Andan bir nerse suroogo batına albay kalıştı. Anan Iysa alarga mınday dedi:

⁴¹«Emne üçün Maşayaktı Dööttün Uulu dep aytışat?

⁴²Dööt özü Zaburda mınday dep aytpadı bele: “Teŋir menin Teŋirime mınday dedi:

⁴³"Men Senin duşmandarıŋdı but aldıŋa jıkkanga çeyin, Menin oŋ jagıma otur"”.

⁴⁴Demek, Dööt Anı Teŋir dep atagan bolso, Al kantip anın Uulu bolsun?»

⁴⁵Büt el Anın sözün ugup jatkanda, Al Özünün şakirtterine mınday dedi:

⁴⁶«Uzun kiyim kiyip jürüünü, el jıyılgan jerlerde alik aluunu, sinagogalarda aldıŋkı orundarda, toylordo tördö oturgandı jakşı körgön mıyzam okutuuçulardan sak bolgula!

⁴⁷Alar jesir ayaldardın üylörün talap-tonoşot, eki jüzdüülönüp uzakka sıyınışat. Alardın jazası oor bolot».