Read NT LS 2005 – Инжил ЛС (2005 Luka 21 Bible Online

Luka 21 - NT LS 2005 – Инжил ЛС (2005 bible

Luka 21

¹Iysa kurmandıktar salına turgan kutuga özdörünün Kudayga degen tartuuların salıp jatkan bay adamdardı kördü.

²Aga eki lepta salıp jatkan jardı jesir ayaldı da körüp, mınday dedi:

³«Silerge çındıktı aytıp koёyun, mına bul jardı jesir ayal bardıgınan köp saldı.

⁴Antkeni başkalardın baarı özdörünön artkandı salıştı, al emi bul ayal jardılıgına karabastan, kolunda bolgonun, tamakka degen akçasının baarın saldı».

⁵Biröölör iybadatkananın kımbat taştar menen, tartuular menen koozdolgondugu jönündö söz kılıp jatışkanda, Iysa mınday dedi:

⁶«Siler bul jerde körüp turgandın baarı kıyrap, taş üstündö taş kalbay turgan kündör kelet».

⁷Oşondo alar Iysadan: «Ustat, bul kaçan bolot? Bulardın işke aşa turgandıgın kanday belgi arkıluu bilse bolot?» – dep suraştı.

⁸Al mınday dedi: «Silerdi biröö adaştırıp ketpeşi üçün sak bolgula. Antkeni: “Maşayak Menmin” jana “Az ubakıt kaldı”, – dep, Menin ısımımdı jamınıp köptör kelişet. Alardın artınan eerçibegile.

⁹Soguştar jana dürbölöŋdör tuuraluu ukkanıŋarda, korkpogula. Antkeni algaç uşunday boluşu kerek. Birok bul düynönün akırı emes».

¹⁰Andan kiyin alarga mınday dedi: «Bir el bir elge, bir padışaçılık bir padışaçılıkka karşı kötörülöt.

¹¹Jer-jerlerde katuu jer titiröölör, açkaçılık, juguştuu oorular, korkunuçtuu körünüştör jana asmandan çoŋ jışaandar bolot.

¹²Birok adegende silerge kol salışat. Silerdi kuuguntuktaşat, sinagogadagılardın koluna salıp berişet, türmölörgö kamaşat. Menin ısımım üçün padışalardın jana başkaruuçulardın aldına alıp barışat.

¹³Men jönündö kübölöndürüşüŋör üçün uşunday bolot.

¹⁴Oşonduktan emne dep joop berüü jönündö aldın ala oylonboo kerektigin kökürögüŋörgö tüyüp algıla.

¹⁵Antkeni silerge karşı çıkkandar karşı tura albagıday, karşı süylöy albagıday söz menen akılmandıktı Men berem.

¹⁶Silerdi ata-eneŋer, bir tuugandarıŋar, tuugan-uruguŋar jana dostoruŋar karmap berişet jana kee birööŋördü öltürüşöt.

¹⁷Menin ısımım üçün bardıgına jek köründü bolosuŋar.

¹⁸Birok başıŋardan bir tal çaçıŋar da jogolboyt.

¹⁹Çıdamduuluk menen janıŋardı saktap kala alasıŋar.

²⁰İerusalimdi askerler kurçap alganın körsöŋör, anda anın kıyray turgan ubagı jakın kalganın bilgile.

²¹Oşondo Jüyüt aymagında jaşagandar toogo kaçıp ketişsin. Şaardagılar şaardan çıgıp ketişsin; şaardın sırtındagılar şaarga kirişpesin.

²²Antkeni oşol kündör – Kudaydın eldi jazalay turgan kündörü. Iyık Jazuuda jazılgandardın baarı orundalat.

²³Oşol kündördö koş boyluu jana emçekte balası bar ayaldarga kıyın bolot. Antkeni jer üstündö çoŋ alaamat bolup, bul eldin başına Kudaydın kaarı tüşöt.

²⁴Alar ötkür kılıçtan kırılışat, bardık butparas elderdin arasına tutkundalıp ketişet. Butparastardın zamanı bütkönçö, İerusalim alardın taman astında kalat.

²⁵Kündö, ayda, jıldızdarda alaamat jışaandarı payda bolot, jer üstündö bolso adamdar deŋizdin küüldögönünön, tolkuganınan dürbölöŋgö tüşüp, emne kıların bilbey kalışat.

²⁶Asman küçtörü kıymıldap kalgandıktan, aalamga kele jatkan alaamattı kütüp, adamdar korkunuçtan esten tanışat.

²⁷Oşondo Adam Uulunun bulut içinde uluu küç jana daŋk menen kele jatkanın körüşöt.

²⁸Bul okuyalar bolo baştaganda, öydö turup, başıŋardı kötörgülö, antkeni silerdin kutkarıla turgan künüŋör jakındayt».

²⁹Anan alarga bul salıştıruunu aytıp berdi: «Anjır daragın jana bardık bak-daraktardı karagıla.

³⁰Alardın jalbıragı çıgıp kalganın körgönüŋördö, jay mezgili kelerine az kalganın bilesiŋer.

³¹Oşol sıyaktuu ele uşular bolup jatkanın körgönüŋördö, Kudaydın Padışaçılıgı jakın kalganın bilgile.

³²Silerge çındıktı aytıp koёyun, uşunun baarı bolmoyunça, bul muun jok bolup ketpeyt.

³³Asman menen jer jok bolup ketse da, Menin sözdörüm atkarılbay kalbayt.

³⁴Özüŋörgö sak bolgula, oyuŋardın baarı ele aşıra toyuu, mas boluu, turmuştuk tüyşüktör bolup kalbasın. Al kün siler kütpögön ubakta kelip kalbasın.

³⁵Antkeni al kün jer üstündö jaşooçulardın baarın tor sıyaktuu basıp kalat.

³⁶Oşonduktan sergek bolgula, bolo turgan alaamattardın baarınan kaçıp kutula alış üçün jana Adam Uulunun aldına kelip turuş üçün, dayıma sıyıngıla!»

³⁷Iysa kündüzgü ubakıttı iybadatkanada eldi okutup, al emi tünkü ubakıttı şaardan çıgıp, Zaytun toosunda ötkörüp jürdü.

³⁸Eldin baarı Anın sözün uguu üçün, iybadatkanaga taŋ atarı menen kelişçü.