Read NT LS 2005 – Инжил ЛС (2005 Luka 23 Bible Online

Luka 23 - NT LS 2005 – Инжил ЛС (2005 bible

Luka 23

¹Çogulgandardın bardıgı orundarınan turup, Iysanı Pilatka alıp barıştı da,

²mınday dep ayıptay baştaştı: «Biz bul Adamdın elibizdi buzup jatkanın kördük. Padışaga salık tölöögö tıyuu salıp, Özün “Maşayak, Padışamın” dep jüröt».

³Oşondo Pilat Iysadan: «Sen jüyüttördün Padışasısıŋbı?» – dep suradı. Iysa aga: «Özüŋ aytıp jatasıŋ», – dep joop berdi.

⁴Pilat başkı ıyık kızmat kıluuçularga, çogulgan elge: «Men bul Adamdan eç kanday künöö tapkan jokmun», – dedi.

⁵Birok alar aytkandarınan kaytışpay: «Bul Galileyadan baştap uşul jerge çeyin, büt Jüyüt aymagında Özünün okutuusun taratıp, elge dürbölöŋ tüşürüp jüröt», – deşti.

⁶Pilat munu ukkanda: «Emne, bul Adam galileyalıkpı?» – dep suradı.

⁷Iysanın İrod başkargan aymaktan ekenin bilgende, Pilat Anı İrodgo jönöttü. Antkeni oşol kündörü İrod İerusalimde jürgön ele.

⁸İrod Iysanı körgöndö, ayabay kubanıp ketti, antkeni Al tuuraluu köp ukkandıktan, kandaydır bir keremet körüügö ümüttönüp, Anı köptön beri körgüsü kelip jürgön.

⁹Al Iysaga köp suroo berdi. Birok Iysa aga eç kanday joop bergen jok.

¹⁰Al jerde turgan başkı ıyık kızmat kıluuçular menen mıyzam okutuuçular Anı ayabay ayıptaştı.

¹¹İrod bolso özünün askerleri menen Anı kordop, mazaktadı da, Aga jıltıldagan kiyim kiygizip, kayra Pilatka jönötüp jiberdi.

¹²Buga çeyin biri-biri menen kastaşıp jürgön İrod menen Pilat uşul künü dos bolup kalıştı.

¹³Pilat bolso başkı ıyık kızmat kıluuçulardı, başçılardı jana eldi çakırtıp alıp, alarga mınday dedi:

¹⁴«Siler bul Adamdı maga eldi buzuuçu katarı alıp kelgensiŋer. Birok men silerdin aldıŋarda tergöö jürgüzüp, Andan siler koygon ayıptardın eç birin tapkan jokmun.

¹⁵Men Anı İrodgo jibergem, birok al da Andan künöö tappay, Anı kayra bizge jönötüp jiberiptir. Demek, Al ölüm jazasına tatırlık eç bir künöö jasagan emes.

¹⁶Oşonduktan Anı jazalap turup, koё berem».

¹⁷Pilat mayramga karata bir tutkundu boşotup berişi kerek ele.

¹⁸Birok çogulgan eldin baarı: «Aga ölüm! Bizge Barabbanı boşotup ber!» – dep kıykırıştı.

¹⁹Barabba bolso şaarda bolgon bir kozgoloŋgo katışıp kişi öltürgöndüktön, türmögö kamalgan ele.

²⁰Pilat kayradan elge kayrılıp, Iysanı boşotkusu kelgenin ayttı.

²¹Birok alar: «Anı aykaş jıgaçka kada, aykaş jıgaçka kada!» – dep kıykırıştı.

²²Pilat üçünçü jolu alarga: «Al kanday jaman iş kıldı? Men Andan ölüm jazasına tatırlık eç kanday künöö tapkan jokmun. Oşonduktan Anı jazalap turup, koё berem», – dedi.

²³Birok alar bolgon ündörü menen: «Anı aykaş jıgaçka kada!» – dep kıykırıp, talap kıla berişti. Alar ulam küçöp kıykıra berişkendikten,

²⁴Pilat alardın talabın orundatuunu çeçti.

²⁵Oşentip, al kozgoloŋgo katışıp jana kişi öltürüp türmödö jatkan kişini eldin suranıçı boyunça boşottu, Iysanı bolso alardın erkine tapşırdı.

²⁶Askerler Iysanı alıp bara jatışkanda, talaadan kele jatkan Şımon degen kireneyalık kişini karmap alıştı da, aga aykaş jıgaçtı kötörtüp, Iysanın artınan eerçitip koyuştu.

²⁷Iysanın artınan ötö köp el eerçip bara jattı. Alardın arasında Al üçün bozdop ıylagan ayaldar bar ele.

²⁸Iysa alarga burulup, mınday dedi: «İerusalimdik kızdar, Men üçün ıylabagıla, özüŋör üçün, baldarıŋar üçün ıylagıla.

²⁹Antkeni: “Tukumsuz, bala töröbögön, emçek emizbegen ayaldar baktıluu”, – dep aytıla turgan kündör kelet.

³⁰Oşondo toolorgo: “Bizdin üstübüzgö kulagıla”, döbölörgö bolso: “Bizdi basıp kalgıla”, – dep ayta baştaşat.

³¹Jaşıl darakka uşunday kılışsa, anda kuuragan darak emne bolot?»

³²Iysa menen birge eki kılmışkerdi da öltürgönü alıp bara jatıştı.

³³Alar «Baş söögü» degen jerge kelişkende, Iysanı jana eki kılmışkerdi aykaş jıgaçka kadap koyuştu. Birin Anın oŋ jagına, birin sol jagına kadaştı.

³⁴Iysa bolso: «Ata, bulardı keçire kör! Antkeni emne kılıp jatışkanın bilişpeyt», – dedi. Askerler ökçömö taş ırgıtıp, Anın kiyimderin bölüp alıştı.

³⁵El oşol jerde karap turdu. Başkaruuçular bolso: «Al başkalardı kutkardı. Egerde Al Kuday tandagan Maşayak bolso, anda Özün kutkarsın», – dep şıldıŋdaştı.

³⁶Askerler Iysanın janına kelip, Aga açuu içimdik sunup:

³⁷«Egerde Sen jüyüttördün Padışası bolsoŋ, anda Özüŋdü kutkar», – dep şıldıŋdaştı.

³⁸Iysanın baş jagına grek, latın jana eberey tilderinde «Bul – jüyüttördün Padışası» dep jazılgan taktayçanı ilip koyuştu.

³⁹Aykaş jıgaçka kadalgan eki kılmışkerdin biri: «Egerde Maşayak bolsoŋ, anda Özüŋdü da, bizdi da kutkar!» – dep, Aga til tiygizdi.

⁴⁰Ekinçisi bolso anı tıyıp: «Kudaydan korkpoysuŋbu, özüŋ dele uşul jazaga tartılbadıŋbı.

⁴¹Bizge go tuura öküm çıgarıştı, antkeni biz kılgan işteribizge jaraşa jazabızdı alıp jatabız. Bul bolso eç kanday jaman iş jasagan jok da», – dedi.

⁴²Anan al Iysaga: «Iysa! Özüŋdün Padışaçılıgıŋa barganda, meni estey kör», – dedi.

⁴³Iysa aga: «Men saga çındıktı aytıp koёyun, bügün sen Meni menen beyişte bolosuŋ», – dedi.

⁴⁴Boljol menen tüşkü altınçı saattan toguzunçu saatka çeyin kün körünböy, büt jerdi karaŋgılık kaptap turdu.

⁴⁵İybadatkanadagı köşögö dal ortosunan ayrılıp kaldı.

⁴⁶Iysa ünün katuu çıgarıp: «Ata, janımdı Senin koluŋa tapşıramın!» – dedi. Uşintip aytkandan kiyin, Al jan berdi.

⁴⁷Munu körgön jüz başı: «Bul çın ele adil Adam bolçu», – dep, Kudaydı daŋktadı.

⁴⁸Munu körüügö çogulgan el bolgon okuyanı körgöndön kiyin, ökünüü menen taray baştadı.

⁴⁹Iysanı taanıgandardın bardıgı jana Anı Galileyadan eerçip kelgen ayaldar alıstan bul okuyanı karap turuştu.

⁵⁰Al jerde jüyüttördün Arimataya şaarınan ak niet, adil, Kudaydın Padışaçılıgın kütüp jürgön Jusup degen adam bar ele. Al keŋeştin müçösü bolçu.

⁵¹Birok al keŋeştin Iysanı öltürüü üçün çıgargan çeçimine jana kılgan işterine makul bolgon emes.

⁵²Al Pilatka barıp, Iysanın söögün suradı.

⁵³Anan al sööktü tüşürüp alıp, kepindedi da, askanın booruna oyulup jasalgan, ali eç kim koyula elek mürzögö koydu.

⁵⁴Juma künü ayaktap, işembi küngö tayap kalgan ele.

⁵⁵Iysa menen Galileyadan kelgen ayaldar da Jusuptu eerçip kelişip, mürzönü jana Anın söögü kanday koyulganın körüştü.

⁵⁶Anan alar şaarga kaytıp barışıp, jıpar jıttuu zattardı jana maylooçu maylardı dayardaştı. Mıyzamdın talabına ılayık alar işembi künü es alıştı.