Read NT LS 2005 – Инжил ЛС (2005 Luka 4 Bible Online

Luka 4 - NT LS 2005 – Инжил ЛС (2005 bible

Luka 4

¹Iysa Iyık Ruhka tolup, İordandan kaytıp kelgenden kiyin, Ruh tarabınan çölgö alınıp barıldı.

²Oşol jerde Al kırk kün şaytan tarabınan sınaldı. Oşol kündörü Al eç nerse jegen jok. Akırında, Al açka boldu.

³Oşondo şaytan Aga: «Egerde Sen Kudaydın Uulu bolsoŋ, anda mına bul taşka buyru, al nanga aylansın», – dedi.

⁴Iysa aga mınday dep joop berdi: «Iyık Jazuuda: “Adam nan menen gana emes, Kudaydın ar bir sözü menen jaşayt”, – dep jazılıp turat».

⁵Oşondo şaytan Anı biyik toogo çıgarıp, köz irmemde Aga düynönün büt padışaçılıktarın körsötüp:

⁶«Saga uşul padışaçılıktardın baarının üstünön bolgon biylikti jana alardın atak-daŋkın berem. Antkeni al maga berilgen, men anı kimge kaalasam, oşogo berem.

⁷Oşonduktan, egerde Sen maga taazim kılsaŋ, baarı Seniki bolot», – dedi.

⁸Iysa aga: «Ket janımdan, şaytan! Iyık Jazuuda: “Kuday-Teŋiriŋe tabın, Aga gana kızmat kıl”, – dep jazılıp turat», – dep joop berdi.

⁹Oşondo şaytan Anı İerusalimge alıp barıp, iybadatkananın töbösünö turguzup, mınday dedi: «Egerde Sen Kudaydın Uulu bolsoŋ, anda uşul jerden boyuŋdu taştap jiber.

¹⁰Antkeni Iyık Jazuuda: “Al Öz periştelerine Seni saktoonu buyruyt.

¹¹Sen butuŋdu taşka urup albaşıŋ üçün, alar Seni koldoruna kötörüp ketişet”, – dep jazılıp turat».

¹²Iysa aga: «“Kuday-Teŋiriŋdi sınaba”, – dep aytılgan», – dep joop berdi.

¹³Şaytan Iysanı sınap bütköndön kiyin, ubaktıluu Anın janınan ketip kaldı.

¹⁴Iysa Iyık Ruhtun küçünö tolup, Galileyaga kaytıp keldi. Al jönündö bardık aymaktarga kabar tarap jattı.

¹⁵Al sinagogalarda eldi okuta baştadı. Anı bardıgı maktap jatıştı.

¹⁶Iysa Özü çoŋoygon Nazaret şaarına kelip, adatınça işembi künü sinagogaga kirdi. Al Kudaydın kitebinen okup berüü üçün ordunan turganda,

¹⁷Aga Işaya paygambardın kitebin sunuştu. Al kitepti açıp, mınday dep jazılgan jerin taap okudu:

¹⁸«Teŋirdin Ruhu Mende, antkeni Al Meni jakırlarga Jakşı Kabar taratuuga dayındadı. Meni jürögü jaraluulardı ayıktıruuga, tutkundarga boştonduk jarıyaloogo, sokurlardın közün açuuga, kıynalgandardı erkindikke çıgaruuga,

¹⁹Teŋirdin ırayım kıluu jılın jarıya kıluuga jiberdi».

²⁰Anan Iysa kitepti jaap, kızmatçıga kaytarıp berip, orduna oturdu. Sinagogadagılardın bardıgının közdörü Aga tigildi.

²¹Oşondo Iysa alarga: «Siler ukkan uşul paygambarçılık bügün orundaldı», – dedi.

²²Bardıgı Anı kubattaştı. Anın oozunan çıkkan keremet sözdörünö taŋ kalıp: «Bul Jusuptun ele balası emespi?» – deşti.

²³Iysa alarga mınday dedi: «Siler Maga “Darıger, özüŋdü ayıktır!” degen makaldı aytarıŋar anık. “Kapernaumda kılgandarıŋdı uktuk. Oşol kılgandarıŋdı bul jerde, Öz mekeniŋde da kılçı”, – deersiŋer».

²⁴Anan Iysa dagı mınday dedi: «Silerge çındıktı aytıp koёyun, eç bir paygambar öz jerinde kabıl alınbayt.

²⁵Silerge çındıktı aytıp jatamın, İliyas paygambardın tuşunda, üç jıl altı ay boyu jamgır jaabay, bardık jerde katuu açarçılık bolgon kezde, Israyılda jesir ayaldar köp ele.

²⁶Oşondo İliyas alardın eç kimisine jiberilbesten, Sidon jerinin Sarepat şaarındagı bir jesirge gana jiberilgen.

²⁷Oşondoy ele Elişa paygambardın tuşunda Israyılda pes ooruluular köp bolgon, birok siriyalık Naamandan başka eç kim ayıkkan emes».

²⁸Munu ukkanda, sinagogadagılardın baarı açuulanıştı.

²⁹Alar orundarınan tura kalışıp, Iysanı şaardan kuup çıgıştı da, ıldıy türtüp jibermekçi bolup, özdörünün şaarı jaygaşkan toonun çokusuna alıp barıştı.

³⁰Birok Iysa alardı aralap ötüp, ketip kaldı.

³¹Iysa Galileyadagı Kapernaum şaarına kelip, işembi kündörü eldi okutup jattı.

³²El Anın okutuusuna taŋ kaldı, antkeni Al biyligi bar adamday süylöçü.

³³Sinagogada jin ooruluu bir adam bar ele. Al:

³⁴«Ey, nazarettik Iysa, bizde emneŋ bar? Sen bizdi jok kıluu üçün keldiŋ. Senin kim ekeniŋdi bilem, Sen Kudaydın Iyıgısıŋ», – dep kıykırdı.

³⁵Iysa aga: «Ünüŋdü bas! Bul adamdın içinen çıgıp ket!» – dep tıyuu saldı. Oşondo jin al adamdı eldin aldına jıgıp, aga eç kanday zıyan keltirbesten, anın içinen çıgıp ketti.

³⁶Oşondo bardıgının üröylörü uçup, öz ara: «Bul emne degeni? Al jinderge biylik menen, küç menen buyruk berip jatat, alar çıgıp ketip jatışat», – deşti.

³⁷Oşentip, Iysa jönündö bardık aymaktarga kabar taradı.

³⁸Iysa sinagogadan çıkkandan kiyin, Şımondun üyünö keldi. Şımondun kayın enesi ısıtma oorusu menen oorup jatkan ele. Iysadan aga jardam berüüsün ötünüştü.

³⁹Iysa anın janına kelip, anı ısıtma oorusunan ayıktırdı. Ayal daroo ordunan turup, alarga kızmat kıla baştadı.

⁴⁰Kün batkanda, Aga ar kanday ooruluulardı alıp kele baştaştı. Al ar birinin üstünö koldorun koyup, alardı ayıktırıp jattı.

⁴¹Köptördün içinen jinder: «Sen Kudaydın Uulu Maşayaksıŋ!» – dep kıykırıp çıgıp jatıştı. Birok Iysa alarga Özünün Maşayak ekenin aytuuga tıyuu saldı, antkeni jinder Anın Maşayak ekenin bilişçü.

⁴²Taŋ atkanda Iysa üydön çıgıp, een jerge bardı. El Anı izdep taap, ketirbey alıp kalgısı keldi.

⁴³Birok Iysa alarga: «Men Kudaydın Padışaçılıgı jönündögü Jakşı Kabardı başka şaarlarga da jarıyalaşım kerek. Antkeni Men oşol üçün jiberilgem», – dedi.

⁴⁴Oşentip, Iysa Galileyadagı sinagogalarda nasaat aytıp jattı.