Read NT LS 2005 – Инжил ЛС (2005 Luka 6 Bible Online

Luka 6 - NT LS 2005 – Инжил ЛС (2005 bible

Luka 6

¹İşembi kündördün birinde Iysa şakirtteri menen egin talaasınan ötüp bara jattı. Şakirtteri buudaydın baştarın üzüp alıp, koldoru menen uşalap jep bara jatıştı.

²Kaysı bir pariseyler: «Emne üçün siler işembi künü kıluuga bolboy turgan işti kılıp jatasıŋar?» – dep suraştı.

³Iysa alarga: «Dööt paygambar jana anın janındagılar açka boluşkanda, emne kılgandarın okugan jok beleŋer?

⁴Al Kuday üyünö kirip, ıyık kızmat kıluuçulardan başka eç kimge jegenge bolboy turgan nan kurmandıktarınan alıp jep, janındagı kişilerge da berbedi bele», – dep joop berdi da,

⁵«Adam Uulu – işembi kündün da Kojoyunu!» – dedi.

⁶İşembi kündörünün dagı birinde Iysa sinagogaga kelip, eldi okuttu. Al jerde oŋ kolu şal bolup kalgan bir adam bar ele.

⁷Mıyzam okutuuçular menen pariseyler Iysanı ayıptaş üçün şıltoo izdep: «Al işembi künü ayıktırar beken», – dep karap turuştu.

⁸Alardın oyun bilgen Iysa bir kolu şal bolup kalgan adamga: «Orduŋan turup, ortogo kel», – dedi. Al ordunan turup, ortogo keldi.

⁹Iysa alarga mınday dedi: «Men silerge suroo bereyin, işembi künü jakşılık kıluu kerekpi je jamandık kıluu kerekpi? Jandı kutkaruu kerekpi je öltürüü kerekpi?» Alar unçuguşkan jok.

¹⁰Iysa alardı bir karap aldı da, janagı kişige: «Koluŋdu sunçu!» – dedi. Al kolun sundu, oşondo anın kolu ayıgıp, ekinçi kolunday bolup kaldı.

¹¹Alar ayabay açuulanıp, Iysanı emne kılsak dep, öz ara akıldaşa baştaştı.

¹²Oşol kündördün birinde Iysa sıyınuu üçün toogo çıgıp, tünü boyu Kudayga sıyındı.

¹³Taŋ atkanda, Al şakirtterin çakırıp alıp, alardın içinen on ekini tandadı da, alardı «elçiler» dep atadı.

¹⁴Alar: Petir degen da ısım koyulgan Şımon, anın bir tuuganı Andrey, Jakıp menen Jakan, Pilip jana Bartalamey,

¹⁵Matay, Tomas, Alpeydin uulu Jakıp jana Zilot degen atka kongon Şımon,

¹⁶Jakıptın uulu Jüyüt jana kiyin çıkkınçı bolup ketken Jüyüt İskariot.

¹⁷Iysa alar menen birge toodon tüşüp, bir tüz jerge keldi. Köptögön şakirtteri jana bütkül Jüyüt aymagınan, İerusalimden, deŋiz boyundagı Tir jana Sidon şaarlarınan kelgen köp el Anın janına çoguldu.

¹⁸Alar Anın Sözün uguu üçün, oorularınan ayıguu üçün kelişken ele. Jin oorudan azap çekkender da kelip, ayıgıp jatıştı.

¹⁹Eldin baarı Iysaga koldorun tiygizüügö araket kılıp jatıştı, antkeni Andan çıkkan küç bardıgın ayıktırıp jattı.

²⁰Oşondo Iysa şakirtterin karap, mınday dedi: «Ruhu jakırlar, baktıluusuŋar, antkeni Kudaydın Padışaçılıgı silerdiki.

²¹Azır açka jürgöndör, baktıluusuŋar, antkeni toёsuŋar. Azır ıylap jürgöndör, baktıluusuŋar, antkeni külösüŋör.

²²Adamdar silerdi Adam Uulu üçün jek körüp, elden bölüp, kordop, jamanattı kılsa, baktıluusuŋar.

²³Oşol künü süyüngülö, kubangıla, antkeni silerdin asmandagı belegiŋer çoŋ! Paygambarlarga da alardın ata-babaları uşunday mamile kılışkan.

²⁴Al emi, baylar, silerge kaygı! Antkeni özüŋördün köŋül sooroto turgan nerseŋerdi algansıŋar.

²⁵Azır kursagı tok jürgöndör, silerge kaygı! Antkeni açka bolosuŋar. Azır jırgap külgöndör, silerge kaygı! Antkeni bozdop ıylaysıŋar.

²⁶Egerde silerdi eldin baarı maktasa, silerge kaygı! Antkeni alardın ata-babaları jalgan paygambarlarga uşunday mamile kılışkan.

²⁷Meni ugup turgandar, silerge aytamın: duşmandarıŋardı süygülö, silerdi jek körgöndörgö jakşılık kılgıla.

²⁸Silerdi kargagandarga bataŋardı bergile, silerdi kordogondor üçün sıyıngıla.

²⁹Oŋ jaakka çapkanga sol jaagıŋdı da tos. Sırt kiyimiŋdi tartıp alganga köynögüŋdü da ber.

³⁰Suragan adamga ber, bergeniŋdi kayra suraba.

³¹Adamdardın özüŋörgö kanday mamile kılışın kaalasaŋar, siler da alarga oşondoy mamile kılgıla.

³²Egerde özüŋördü süygöndördü gana süysöŋör, silerge kaydagı sıylık? Künöökörlör dele özdörün süygöndördü süyüşöt.

³³Egerde özüŋörgö jakşılık kılgandarga gana jakşılık kılsaŋar, silerge kaydagı sıylık? Künöökörlör dele oşentişet.

³⁴Egerde kaytarıp bere ala turgan adamga gana karızga berseŋer, silerge kaydagı sıylık? Antkeni bergenin kaytarıp aluu üçün, künöökörlör da künöökörlörgö karızga berişet.

³⁵Al emi siler duşmanıŋardı süygülö, jakşılık kılgıla, eç nerse kütpöstön, karızga bergile, oşondo çoŋ sıylık alasıŋar jana Bardıgınan Jogoru Turgandın uuldarı bolosuŋar! Antkeni Al jakşılıktı bilbegenderge da, kara nietterge da ırayım kılat.

³⁶Oşonduktan Ataŋar kanday booruker bolso, siler da oşondoy booruker bolgula!

³⁷Ayıptabagıla, oşondo özüŋör da ayıptalbaysıŋar. Sottobogula, oşondo özüŋör da sottolboysuŋar. Keçirgile, oşondo siler da keçirilesiŋer.

³⁸Bergile, oşondo silerge da berilet: jakşı çenem menen çenep, ıkşap, bastırıp, aşıra tolturup, etegiŋerge tögüşöt, antkeni kanday çenem menen ölçöp berseŋer, silerge da oşondoy çenem menen ölçönüp berilet».

³⁹Alarga dagı mınday ülgü-nasaat aŋgeme ayttı: «Sokur sokurdu jetelep jürö alabı? Eköö teŋ çuŋkurga tüşüp ketpeybi!

⁴⁰Şakirt öz ustatınan jogoru bolboyt, birok üyröngöndön kiyin, ar bir şakirt öz ustatınday bolot.

⁴¹Sen emne üçün öz közüŋdögü döŋgöçtü körböysüŋ da, biröönün közündögü kıpındı körösüŋ?

⁴²Sen öz közüŋdögü döŋgöçtü körböy turup: “Kel, bir tuuganım, közüŋdögü kıpındı alıp salayın”, – dep, kantip ayta alasıŋ? Eki jüzdüü! Adegende öz közüŋdögü döŋgöçtü alıp sal, oşondon kiyin gana bir tuuganıŋdın közündögü kıpındı kantip alıp saluu kerektigin bilesiŋ.

⁴³Jakşı darak jaman jemiş berbeyt, jaman darak jakşı jemiş berbeyt.

⁴⁴Ar bir darak jemişinen bilinet, antkeni tikenekten anjır, badaldan jüzüm terişpeyt.

⁴⁵Jakşı adam jürögündögü jakşı kazınasınan jakşı nerse alıp çıgat. Jaman adam bolso jürögündögü jaman kazınasınan jaman nerse alıp çıgat. Antkeni adamdın jürögü emnege tolup-taşısa, oozu oşonu süylöyt.

⁴⁶Emnege siler Meni: “Teŋir! Teŋir!” dep çakırasıŋar da, aytkanımdı kılbaysıŋar?

⁴⁷Maga kelip, sözdörümdü ugup atkargan adam kimge okşoş ekenin silerge aytıp koёyun:

⁴⁸al jerdi tereŋ kazıp, paydubalın taştan koyup üy kurgan adamga okşoş. Suu taşkındap, üydü kaptaganda, üy kozgolgon jok, antkeni anın paydubalı taştan bolçu.

⁴⁹Al emi sözdörümdü ugup, birok atkarbagan adam üyün jerdin ele üstünö, paydubalsız kurgan adamga okşoş. Suu taşkındap, üydü kaptaganda, üy oşol zamat kıyradı. Al üy zor kıyroogo uçuradı».