Read NT LS 2005 – Инжил ЛС (2005 Luka 7 Bible Online

Luka 7 - NT LS 2005 – Инжил ЛС (2005 bible

Luka 7

¹Ugup turgan elge Iysa Özünün sözdörün aytıp bütköndön kiyin, Kapernaum şaarına keldi.

²Bir jüz başının jakşı körgön kulu oorup, ölüm aldında jatkan ele.

³Jüz başı Iysa jönündö ukkanda, «Kelip, kulumdu ayıktırıp berse eken» degen ötünüç menen jüyüt aksakaldarın Iysaga jönöttü.

⁴Alar Iysaga kelişip: «Al Senin jardamıŋa tatıktuu kişi.

⁵Antkeni al bizdin elibizdi jakşı köröt, bizge sinagoga da kurdurup bergen», – dep, Aga çoŋ ötünüç menen kayrılıştı.

⁶Iysa alar menen birge jönödü. Al üygö jakındap kalganda, jüz başı Aga dostorun jiberip, mınday dep ayttırdı: «Teŋir, ubara bolbo! Üyümdün bosogosun attooŋo men tatıksızmın.

⁷Oşonduktan Saga özüm baruunu da ılayık körbödüm. Sen bir gana söz aytsaŋ, menin kulum ayıgat.

⁸Antkeni men da biylik astındagı adammın, birok menin kol astımda da askerlerim bar. Alardın birine: “Bar”, – desem, barat; dagı birine: “Kel”, – desem, kelet; kuluma: “Munu kıl!” – desem, kılat».

⁹Iysa munu ukkanda, jüz başıga taŋ kaldı. Anan Özünün artınan eerçip kele jatkan elge burulup: «Silerge aytıp koёyun, Men mınday işenimdi Israyıl jerinen da tapkan emesmin», – dedi.

¹⁰Jiberilgen kişiler üygö kaytıp kelişip, oorup jatkan kuldun ayıgıp kalganın körüştü.

¹¹Anan Iysa Nain şaarına bardı. Anı şakirtteri jana top el eerçip jürdü.

¹²Al şaardın darbazasına jakın kalganda, bir jesir ayaldın jalgız balasının söögün kötörüp çıgıştı. Ayaldın janında bir top kişi bar ele.

¹³Teŋir ayaldı körgöndö, anı ayap: «Iylaba!» – dedi da,

¹⁴tabıtka jakın kelip, kolun tiygizdi. Kötörüp bara jatkandar toktop kalıştı. Oşondo Iysa: «Jigit, saga aytıp jatam, orduŋdan tur!» – dedi.

¹⁵Ölük öydö bolup, oturdu da, süylöy baştadı. Iysa anı enesinin koluna tapşırdı.

¹⁶Bardıgının üröyü uçup: «Arabızdan uluu Paygambar çıktı, Kuday Öz eline keldi», – dep, Kudaydı daŋktaştı.

¹⁷Al jönündögü mınday köz karaş bütkül Jüyüt aymagına jana anın tegerek-çetine tarap ketti.

¹⁸Bul okuyalar tuuraluu Jakan özünün şakirtterinen kabardar boldu.

¹⁹Oşondo al eki şakirtin çakırıp alıp, «Kele turgan Sensiŋbi je başkanı kütüşübüz kerekpi?» – dep suratış üçün, Iysaga jiberdi.

²⁰Alar Iysaga kelişip: «Bizdi çömüldürüüçü Jakan jiberdi. Al Senden: “Kele turgan Sensiŋbi je başkanı kütüşübüz kerekpi?” – dep surap jatat», – deşti.

²¹Al uçurda Iysa köptördü ooru-keselderinen ayıktırıp, jinderden boşotup, köptögön sokurlardın közün açkan ele.

²²Iysa Jakandın şakirtterine: «Ukkanıŋar menen körgönüŋördü Jakanga aytıp bargıla: sokurlar körüp, mayıptar basıp, pes ooruluular ayıgıp, dülöylör ugup, ölgöndör tirilip jatışat, jakırlarga Jakşı Kabar taratılıp jatat.

²³Menin kim ekendigimden şektenbegen adam baktıluu!» – dedi.

²⁴Jakan jibergen adamdar ketişkenden kiyin, Iysa elge Jakan jönündö ayta baştadı: «Een talaaga emne körgönü bardıŋar ele? Jelge ırgalgan kamıştıbı?

²⁵Siler degi emneni körgönü bardıŋar ele? Kımbat baaluu kiyim kiygen adamdıbı? Kımbat baaluu kiyim kiyip, şaan-şököttüü jaşagandar padışa saraylarında boluşat da!

²⁶Siler degi emneni körgönü bardıŋar ele? Paygambardıbı? Silerge aytıp koёyun, al paygambardan da çoŋ!

²⁷Iyık Jazuudagı “Men Senden murun Özümdün periştemdi jiberip jatam. Al Saga jol dayardayt” degen söz oşol jönündö jazılgan.

²⁸Silerge aytıp koёyun, ayal zatınan törölgöndördün içinen çömüldürüüçü Jakandan çoŋ bir da paygambar jok, birok Kudaydın Padışaçılıgındagılardın eŋ kiçinesi andan çoŋ!»

²⁹Oşondo Anı ugup turgan büt el jana salık jıynooçular Jakandın çömüldürüüsü menen suuga çömüldürülüp, Kudaydı daŋktaştı.

³⁰Al emi pariseyler menen mıyzam okutuuçular suuga çömüldürülüşpöy, özdörünö karata Kudaydın erkin çetke kagıştı.

³¹Oşondo Iysa mınday dedi: «Bul muundun adamdarın kimge salıştırsam eken? Alar kimge okşoş?

³²Alar köçödö oturup alıp, biri-birine: “Biz silerge çoor tartıp berdik, birok siler biylegen joksuŋar. Biz silerge muŋduu ırlardı ırdap berdik, birok siler ıylagan joksuŋar”, – dep kıykırgan baldarga okşoş.

³³Antkeni çömüldürüüçü Jakan keldi, nan da jebeyt, şarap da içpeyt. Siler: “Anın içinde jin bar” deysiŋer.

³⁴Adam Uulu keldi, içet, jeyt. Siler Anı “jegendi, şarap içkendi jakşı körgön adam, salıkçılar menen künöökörlördün dosu” deysiŋer.

³⁵Akılmanduuluk özünün bardık işteri arkıluu aktaldı».

³⁶Bir parisey Iysanı tamakka çakırdı. Iysa anın üyünö barıp, dastorkongo oturdu.

³⁷Oşol şaardagı bir künöökör ayal Anın pariseydin üyündö ekendigin bilip, aynek idişke kuyulgan jıpar jıttuu may alıp keldi.

³⁸Al Iysanın but jagına kelip, Anın buttarına köz jaşın tögüp, ıylay baştadı. Anan Anın buttarın çaçı menen sürtüp, öpkülöp, jıpar jıttuu may menen mayladı.

³⁹Iysanı çakırgan parisey munu körgöndö: «Egerde Al paygambar bolso, anda Özünö kol tiygizip jatkan ayaldın kim ekenin, kanday ayal ekenin bilmek, bul künöökör ayal da», – dep oylodu.

⁴⁰Oşondo Iysa aga kayrılıp: «Şımon, saga ayta turgan sözüm bar», – dedi. Al Aga: «Ayt, Ustat», – dedi.

⁴¹Iysa aga mınday dedi: «Bir kişi eki adamga karızga akça beret. Birine beş jüz, ekinçisine elüü dinariy.

⁴²Alardın bere turgan eç nersesi bolbogonduktan, al eköönün teŋ karızın keçip koёt. Aytçı, alardın kimisi anı köbüröök jakşı köröt?»

⁴³Şımon: «Köbüröök karızı keçirilgeni dep oyloym», – dedi. Iysa aga: «Tuura ayttıŋ», – dedi da,

⁴⁴ayaldı karap: «Bul ayaldı kördüŋbü? Men senin üyüŋö kelgenimde, sen Maga butumdu juuganga suu bergen joksuŋ. Bul ayal bolso butuma köz jaşın tögüp, çaçı menen sürttü.

⁴⁵Sen Meni öpkön joksuŋ. Al bolso Men kelgenden beri butumdu ööp jatat.

⁴⁶Sen Menin başımdı maylagan joksuŋ. Al bolso jıpar jıttuu may menen Menin buttarımdı mayladı.

⁴⁷Oşonduktan saga aytıp koёyun, anın köp künöölörü keçirildi, oşon üçün anın süyüüsü küçtüü. Al emi az keçirilgendin süyüüsü küçtüü emes», – dedi.

⁴⁸Ayalga bolso: «Senin künöölörüŋ keçirildi», – dedi.

⁴⁹Oşondo Anı menen bir dastorkondo oturgandar: «Künöölördü da keçire algan bul kim Özü?» – dep, öz ara süylöşüştü.

⁵⁰Iysa ayalga: «Seni işenimiŋ kutkardı. Tınçtık menen bara ber!» – dedi.