Read NT LS 2005 – Инжил ЛС (2005 Mıyzamdı kaytaloo 1 Bible Online

Mıyzamdı kaytaloo 1 - NT LS 2005 – Инжил ЛС (2005 bible

Mıyzamdı kaytaloo 1

¹İordandın arkı öyüzündögü Paran menen Topeldin, Laban menen Hatseyrottun jana Di-Zabamdın aralıgında jaygaşkan Suptun karşısındagı tüzöŋ çöldö Musanın Israyıl eline aytkan sözdörü.

²Horepten Seir toosu arkıluu Kadeş-Barneyige çeyin on bir kündük jol.

³Israyıl elinin Misirden çıkkanına kırk jıl bolgondo, on birinçi aydın birinçi künü Teŋir emneni buyrusa, oşonun bardıgın Musa Israyıl uuldarına ayttı.

⁴Musa bul mıyzamdı Keşpondo jaşagan Amor padışası Sihondu jana Edreydegi Aştarotto jaşagan Başan padışası Ogdu öltürgöndön kiyin,

⁵İordandın arkı öyüzündö, Maap jerinde mınday dep tüşündürö baştadı:

⁶«Kuday-Teŋiribiz Horepte bizge mınday dep aytkan ele: “Bul toodo jetişerlik jaşadıŋar.

⁷Jolgo çıkkıla, amorluktar jaşagan toogo, alarga koŋşulaş jatkan tüzdükkö, toolorgo, oyduŋ jerlerge, tüştük aymagına, deŋiz jeegine, Kanaan jerine, Lebanongo, atügül, uluu Eprat darıyasına çeyin bargıla.

⁸Men silerdin ata-babalarıŋar Ibrayımga, Iskakka, Jakıpka jana alardın ukum-tukumuna berem dep ubada kılgan jerdi silerge berdim. Barıp, al jerdi muraska algıla”.

⁹Men silerge oşol uçurda: “Men silerdi özüm jalgız alıp bara albaym.

¹⁰Kuday-Teŋiriŋer silerdi köböyttü. Siler azır asmandagı jıldızdarday köböydüŋör.

¹¹Ata-babalarıŋardın Kuday-Teŋiri silerdi azırkıdan miŋ ese köböytsün. Al Özü aytkanday, silerge batasın bersin.

¹²Silerdin kıyınçılıktarıŋardı, tüyşüktörüŋördü, çır-çataktarıŋardı özüm jalgız kantip kötöröm?

¹³Ar bir uruudan akılduu, estüü, sından ötkön adamdardı tandap algıla, men alardı silerge el başçı kılıp koёyun”, – degem.

¹⁴Oşondo siler maga: “Jakşı nerseni aytıp jatasıŋ”, – degensiŋer.

¹⁵Men silerdin ar bir uruuŋardan akılduu, sından ötkön, belgilüü adamdardı alıp, uruularıŋarga miŋ başı, jüz başı, elüü başı, on başı, közömölçü kılıp koygom.

¹⁶Men oşondo silerdin başkaruuçularıŋarga mınday buyruk bergem: “Bir tuugandarıŋardın talaş-tartıştarın ugup, bir tuuganıŋar menen bir tuuganıŋardın ortosunda, bir tuuganıŋar menen kelgindin ortosunda adilet sot jürgüzgülö.

¹⁷Sot işinde bet karamalık kılbagıla, çoŋ-kiçine debey, birdey uga bilgile. Eç kimden korkpogula, antkeni sot jürgüzüü – Kudaydın işi. Siler üçün oor bolgon işti maga aytkıla, anı men ugayın”.

¹⁸Men oşondo silerge atkarışıŋar kerek bolgon bardık işiŋer jönündö buyruk bergem.

¹⁹Oşentip, biz Kuday-Teŋiribiz buyruganday, Horepten çıgıp, amorluktardın toosun közdöy, siler körgön uşul ebegeysiz çoŋ, korkunuçtuu çöldü basıp, Kadeş-Barneyige keldik.

²⁰Oşondo men silerge mınday degem: “Siler Kuday-Teŋiribiz berip jatkan amorluktardın toosuna keldiŋer.

²¹Kuday-Teŋiriŋ bul jerdi saga berdi, ata-babalarıŋardın Kuday-Teŋiri aytkanday, bar da, al jerdi eelep al. Korkpo da üröyüŋdü uçurba”.

²²Birok baarıŋar maga kelip: “Al jerdi baykap kele turgan, biz jürö turgan joldordu, biz bara turgan şaarlardı körüp, alar tuuraluu maalımat alıp kele turgan adamdardı özübüzdön murda jönötölü”, – degensiŋer.

²³Bul söz maga jagıp, ar bir uruudan birden adam – on eki adam tandagam.

²⁴Alar jönöp ketişti. Toogo çıgıp, Eşkol öröönünö barıp, al jerdi karap çıgıştı.

²⁵Al jerdin tüşümünön bizge alıp kelişti. Maalımat berişti da: “Kuday-Teŋiribiz bizge berip jatkan jer jakşı jer eken”, – dep aytıştı.

²⁶Birok siler bargıŋar kelbey, Kuday-Teŋiriŋerdin buyruguna karşı bolduŋar.

²⁷Çatırlarıŋarda oturup alıp, mintip naalıdıŋar: “Teŋir bizdi jek körgöndüktön, amorluktardın koluna salıp berip, kırıp saluu üçün, Misir jerinen alıp çıgıptır.

²⁸Emi biz kayda barabız? Bir tuugandarıbız jüröktü tüşürüp: «Al el bizden köp da, çoŋ da eken. Alardın şaarları çoŋ, biyik dubaldar menen kurçalgan eken. Biz al jerden Anaktın alp uuldarın da kördük», – deşti”.

²⁹Oşondo men silerge mınday degem: “Jürögüŋör tüşpösün, alardan korkpogula.

³⁰Kuday-Teŋiriŋer silerdin aldıŋarda bara jatat. Anın Misir jerinde siler üçün kanday küröşkönün kördüŋör, emi da tak oşondoy küröşöt.

³¹Sen çöldön bul jerge jetkenge çeyin, joldu katar Kuday-Teŋiriŋ seni atası balasın kötörgöndöy kötörüp kelgenin kördüŋ”.

³²Birok siler oşondo da Kuday-Teŋiriŋerge işengen joksuŋar.

³³Al silerge toktogongo jay taap, tün içinde ot bolup, kündüz bulut bolup jol körsötüp, silerdin aldıŋarda jürdü.

³⁴Teŋir silerdin sözdörüŋördü ukkanda, kaardanıp, mınday dep ant bergen:

³⁵“Men silerdin ata-babalarıŋarga berem dep ubada kılgan jer soorusun bul eldin içinen, bul nieti jaman tukumdun içinen eç kim körböyt.

³⁶Anı Jepundun uulu Kalep gana köröt. Teŋirge baş iygendigi üçün, basıp ötkön jerin aga jana baldarına berem”.

³⁷Silerdin ayıŋardan Teŋir maga da kaardanıp, mınday dedi: “Al jerge sen da kirbeysiŋ.

³⁸Al jerge senin janıŋdagı Nundun uulu Jaşıya kiret. Anı dayında, antkeni al Israyıldı oşol jerdi eeletkeni alıp barat.

³⁹Al jerge duşmanga oljo bolup kalat degen baldarıŋar, jaman-jakşını ajırata bilbegen uuldarıŋar barat. Al jerdi alarga berem, al jerdi oşolor eeleşet.

⁴⁰Siler bolso artıŋarga kayrılıp, Kızıl deŋizdi karay ketken jol menen çölgö jönögülö”.

⁴¹Oşondo siler maga: “Biz Teŋirdin aldında künöögö battık, Kuday-Teŋiribiz bizge buyruganday, barabız da salgılaşabız”, – dep, ar kimiŋer soguş kuralın asındıŋar, toogo çıkkandı oŋoy kördüŋör.

⁴²Birok Teŋir maga mınday dedi: “Alarga mınday dep ayt: «Toogo çıkpagıla, salgılaşpagıla, antkeni Men siler menen bolboym, duşmanıŋar silerdi kıyratıp salat»”.

⁴³Men silerge aytkam, birok siler meni ukpay, Teŋirdin buyruguna karşı çıktıŋar, öjörlük kılıp toogo çıktıŋar.

⁴⁴Oşondo oşol toodo jaşagan amorluktar silerge karşı çıgıp, silerdi Seir toosunan Hormanın özünö çeyin aarı talaganday artıŋardan kuup barıp talkaladı.

⁴⁵Siler kayrılıp kelip, Teŋirdin aldında ıyladıŋar, birok Teŋir silerdin ıyıŋardı ukkan jok, silerge köŋül burgan jok.

⁴⁶Oşentip, siler Kadeşte köp ubakıt turup kaldıŋar.