Read NT LS 2005 – Инжил ЛС (2005 Mıyzamdı kaytaloo 10 Bible Online

Mıyzamdı kaytaloo 10 - NT LS 2005 – Инжил ЛС (2005 bible

Mıyzamdı kaytaloo 10

¹Oşol uçurda Teŋir maga mınday dedi: “Murunku taş looktorgo okşoş eki taş look jasagın da, toogo çıgıp, Maga kel. Jıgaçtan sandık jasa.

²Al taş looktorgo sen sındırgan murunku taş looktorgo jazılgan sözdördü jazıp berem. Sen alardı sandıkka salıp koy”.

³Oşondo men akatsiya jıgaçınan sandık jasadım da, murunkuday eki taş look jasap alıp, toogo çıktım. Al eki taş look menin kolumda ele.

⁴Teŋir al taş looktorgo siler çogulup kelgen künü toodo ot içinen aytkan, murunku taş looktorgo jazılgan on osuyattı jazıp, alardı maga berdi.

⁵Anan men artka kayrılıp, toodon tüşüp keldim da, Teŋir maga buyruganday, taş looktor sandıkta boluşu üçün, alardı özüm jasagan sandıkka saldım.

⁶Anan Israyıl uuldarı Beyrot-Beney-Jaakandan çıgıp, Moseyraga jönöştü. Arun oşol jerde köz jumup, oşol jerge koyuldu. Anın orduna uulu Elazar ıyık kızmat kıluuçu boldu.

⁷Al jerden Gutkotko jönöştü, Gutkotton Jotpatka, darıyaluu jerge kelişti.

⁸Teŋir oşol uçurda Lebi uruusun Özünün kelişim sandıgın kötörüp jürüşü üçün, Özünün aldına kelip turuşu üçün, Özünö kızmat kılıp, Özünün atınan bata berip turuşu üçün bölüp koydu, bul uşul küngö çeyin oşondoy.

⁹Oşonduktan lebilerge bir tuugandarı menen koşo ülüş tiygen jok. Kuday-Teŋiriŋ aga Özü ubada kılganday, anın ençisi – Özü.

¹⁰Men toodo murunkuday ele kırk kün, kırk tün boldum, Teŋir meni bul jolu da uktu. Oşentip, Teŋir seni jok kılbay turgan boldu.

¹¹Oşondo Teŋir maga mınday dedi: “Tur, bul eldin aldına tüşüp, jolgo çık. Alar barıp, Men ata-babalarına berem dep ubada kılgan jerdi eelep alışsın”.

¹²Oşentip, Israyıl, Kuday-Teŋiriŋ senden emneni talap kılıp jatat? Teŋir senden, bolgonu, Kuday-Teŋiriŋden korkuşuŋdu, Anın joldoru menen jürüşüŋdü, Anı süyüşüŋdü, Aga çın jürögüŋ menen, jan-diliŋ menen kızmat kılışıŋdı,

¹³özüŋö jakşı boluş üçün, men bügün berip jatkan Anın mıyzamdarı menen osuyattarın saktaşıŋdı talap kılıp jatat.

¹⁴Antkeni asman jana asmandardın asmanı, jer jana andagının bardıgı Kuday-Teŋiriŋdin kolunda.

¹⁵Azır özüŋör körüp turganday, Teŋir başka elderdin içinen silerdin ata-babalarıŋardı gana süyüp, alardın tukumu bolgon silerdi tandap algan.

¹⁶Oşonduktan jürögüŋördü sünnötkö oturguzgula, mından arı toŋ moyun bolbogula.

¹⁷Antkeni silerdin Kuday-Teŋiriŋer – kudaylardın Kudayı, egederlerdin Egederi, uluu, kudurettüü, korkunuçtuu Kuday. Al adamdın jüzünö karabayt, belek albayt.

¹⁸Al jetim menen jesirge kalıs karayt, kelgindi jakşı körüp, aga nan berip, kiyim kiygizet.

¹⁹Siler da kelgindi süygülö, antkeni özüŋör da Misir jerinde kelgin bolgonsuŋar.

²⁰Kuday-Teŋiriŋden kork, jalgız Aga kızmat kıl. Aga jabışıp, Anın atı menen ant ber.

²¹Al senin daŋazaŋ, Al – öz közüŋ menen körgön oşol uluu jana korkunuçtuu işterdi sen üçün kılgan Kuday.

²²Senin ata-babalarıŋ Misirge jetimiş jan bolup bargan, azır bolso Kuday-Teŋiriŋ seni asmandagı jıldızdarday sansız kılıp köböyttü.