Read NT LS 2005 – Инжил ЛС (2005 Mıyzamdı kaytaloo 11 Bible Online

Mıyzamdı kaytaloo 11 - NT LS 2005 – Инжил ЛС (2005 bible

Mıyzamdı kaytaloo 11

¹Kuday-Teŋiriŋdi süy, Anın atkar dep bergen körsötmölörün, mıyzamdarın, osuyattarın ömürüŋ ötkönçö atkar.

²Bügün bilip koygula, silerdin baldarıŋar Kuday-Teŋiriŋerdin jazaların, uluulugun, sunulgan kolu menen küçtüü bilegin,

³Misirde Misir padışası paraongo, anın büt jerine körsötkön keremetteri menen işterin,

⁴Misir askerleri silerdin artıŋardan kuup kelgende, alardı attarı, maydan arabaları menen koşo Kızıl deŋizge çöktürüp, tolugu menen jok kılganın,

⁵siler bul jerge jetkiçe, çöldö siler üçün emne kılganın,

⁶Rubeyin uulu Eliyaptın uuldarı Datan menen Abıramdı emne kılganın, alardı jana alardın üy-bülölörün çatırları, bolgon mal-mülktörü menen koşo Israyıl elinin köz aldında jer araanın açıp jutup alganın bilişken emes, körüşkön emes.

⁷Siler bolso Teŋirdin bardık uluu işterin öz közüŋör menen körgönsüŋör.

⁸Küç alıp, eelegeni bara jatkan jeriŋerdi eelep alışıŋar üçün,

⁹Teŋir ata-babalarıŋarga jana alardın ukum-tukumuna berem dep ubada kılgan, süt menen bal akkan jerde uzak jaşaşıŋar üçün, men bügün silerge berip jatkan Anın bardık osuyattarın atkargıla.

¹⁰Antkeni sen eelegeni bara jatkan jer sen çıkkan Misir jerindey emes. Misirde sen ürön seep, anı butuŋdu tındırbay, zaytun bagın sugarganday sugarçusuŋ.

¹¹Al emi siler eelegeni bara jatkan jer – tooluu, örööndüü, jamgır menen sugarılgan jer.

¹²Al jer – Kuday-Teŋiriŋ kam körgön jer. Kuday-Teŋiriŋdin közü jıldın başınan ayagına çeyin oşol jerde.

¹³Egerde siler Men bügün berip jatkan osuyattardı uksaŋar, Kuday-Teŋiriŋerdi süysöŋör, Aga çın jürögüŋör menen, jan-diliŋer menen kızmat kılsaŋar,

¹⁴anda jeriŋerge keç küzdögü, erte jazdagı jamgırdı öz uçurunda jaadırıp turam. Oşondo sen tüşüm jıynap, jüzüm şiresin, zaytun mayın alıp turasıŋ.

¹⁵Talaaŋa malıŋ üçün çöp östüröm. Tamak-aşıŋ mol bolot.

¹⁶Sak bolgula, jürögüŋör azgırılıp, çettep ketpegile, başka kudaylarga kızmat kılıp, alarga tabınıp ketpegile.

¹⁷Oşondo Teŋir silerge kaardanıp, asmandı bekitip salat da, jamgır jaabay kalat. Jer tüşüm berbey kalat, Teŋir berip jatkan asıl jerde tez ele kırılıp kalasıŋar.

¹⁸Oşonduktan Menin bul sözdörümdü köŋülüŋörgö tüyüp, esiŋerden çıgarbagıla. Unutpaş üçün, alardı koluŋarga jana çekeŋerge baylap algıla.

¹⁹Alardı baldarıŋa üyröt, alardı üydö oturganıŋda da, joldo baratkanıŋda da, jatkanıŋda da, turganıŋda da ayt.

²⁰Alardı eşigiŋdin kaşekterine jana üyüŋdün darbazasına jazıp koy.

²¹Oşondo asman jer üstündö kança kün tursa, Kuday-Teŋiriŋer ata-babalarıŋarga berem dep ubada kılgan jerde silerdin ömürüŋör jana baldarıŋardın ömürü oşonço köp kün bolot.

²²Egerde men silerge atkar dep bergen uşul osuyattardın baarın atkarsaŋar, Kuday-Teŋiriŋerdi süysöŋör, Anın joldoru menen jürsöŋör jana Aga jabışsaŋar,

²³anda Teŋir uşul elderdin baarın silerdin aldıŋardan kuup çıgat. Oşondo siler özüŋördön alda kança köp jana küçtüü eldi basıp alasıŋar.

²⁴Tamanıŋar baskan jerdin baarı silerdiki bolot. Çöldön Lebanongo çeyin, Eprat darıyasınan Jer ortoluk deŋizine çeyin silerdin jeriŋer bolot.

²⁵Silerge eç kim karşı tura albayt. Kuday-Teŋiriŋer tamanıŋar baskan jerdin baarına Özü aytkanday korkunuç kaptatat.

²⁶Mına, men silerge bügün batanı jana kargıştı sunuş kılıp jatam:

²⁷egerde Kuday-Teŋiriŋerdin men bügün berip jatkan osuyattarın atkarsaŋar, bata alasıŋar;

²⁸egerde Kuday-Teŋiriŋerdin men bügün berip jatkan osuyattarın atkarbasaŋar, joldon çıgıp, özüŋör bilbegen başka kudaylardı eerçiseŋer, kargışka kalasıŋar.

²⁹Eelep alış üçün bara jatkan jeriŋe Kuday-Teŋiriŋ alıp barganda, Garizim toosunda bata sözdörün ayt, al emi Eybal toosunda kargış sözdörün ayt.

³⁰Al toolor İordandın arkı öyüzündö, kün batış tarapta, More tokoyuna jakın Gilgaldın karşısındagı tüzdüktö jaşagan kanaandıktardın jerinde.

³¹Antkeni Kuday-Teŋiriŋer berip jatkan jerge barıp, anı eelep alış üçün, İordandan ötösüŋör, anan al jerdi eelep, anda jaşap kalasıŋar.

³²Oşonduktan Anın men bügün silerge berip jatkan körsötmölörü menen mıyzamdarın atkarganga araket kılgıla.