Read NT LS 2005 – Инжил ЛС (2005 Mıyzamdı kaytaloo 12 Bible Online

Mıyzamdı kaytaloo 12 - NT LS 2005 – Инжил ЛС (2005 bible

Mıyzamdı kaytaloo 12

¹Ata-babalarıŋdın Kuday-Teŋiri ençiŋe bergen jerde jaşap jatkanıŋda, ömürüŋ ötkönçö atkaruuga araket kıla turgan körsötmölör menen mıyzamdar mına bular:

²siler eeley turgan jerdegi elderdin biyik toolordogu, döŋsöölördögü jana jaşıl daraktardın tübündögü kudaylarına sıyıngan jerlerin jok kılgıla.

³Alardın kurmandık çalınuuçu jayların kıyratkıla, mamıların talkalagıla, mazar terekterin örttögülö, jasalma kudayların talkalagıla, al jerlerden alardın atın öçürgülö.

⁴Siler özüŋördün Kuday-Teŋiriŋerge alarday tabınbaşıŋar kerek.

⁵Birok Kuday-Teŋiriŋer bardık uruularıŋdın içinen tandap algan, Anın ısımı bar bolup turgan jerge kayrılgıla, oşol jerge kelgile.

⁶Oşol jerge bütündöy örttölüüçü kurmandıgıŋardı, kurmandıktarıŋardı, onduktarıŋardı, öydö kötörö turgan kurmandıktarıŋardı, ubada boyunça alıp kelüüçü kurmandıktarıŋardı, öz kaalooŋor boyunça alıp kelüüçü kurmandıktarıŋardı, bodo jana mayda malıŋardın birinçi tölün alıp kelgile.

⁷Alardı oşol jerde, Kuday-Teŋiriŋerdin aldında jegile, koluŋar menen kılgan, Kuday-Teŋiriŋer batasın bergen işteriŋerdin jemişine öz üy-bülöŋör menen birge kubangıla.

⁸Azır bul jerde ar biribiz özübüzgö emne tuura körünsö, oşonu kılıp jatabız, birok siler al jerde anday kılbaşıŋar kerek.

⁹Antkeni Kuday-Teŋiriŋer berip jatkan beypil jerge kire eleksiŋer.

¹⁰Birok İordandan ötüp, Kuday-Teŋiriŋer ençiŋerge berip jatkan jerge oturuktaşkanıŋarda, Teŋir tegeregiŋerde jaşagan bardık duşmandarıŋardan kutkarıp, silerge tınçtık bergende, beykut jaşaysıŋar.

¹¹Oşondo Kuday-Teŋiriŋer Özünün ısımı bar bolup turuşu üçün kaysı jerdi tandap alsa, oşol jerge men silerge osuyattagandardın bardıgın: bütündöy örttölüüçü kurmandıktarıŋardı, kurmandıktarıŋardı, onduktarıŋardı, öydö kötörö turgan kurmandıgıŋardı, Teŋirge ubada kılgan, ubada boyunça alıp kelüüçü kurmandıktarıŋardın tandalmaların alıp kelgile.

¹²Oşol jerde, Kuday-Teŋiriŋerdin aldında baldarıŋar, kızdarıŋar, kuldarıŋar, küŋdörüŋör jana silerdin araŋarda jaşagan lebiler menen birge köŋül açkıla, antkeni lebilerge siler menen koşo ülüş bölüngön emes.

¹³Baykagın, körüngön jerge ele bütündöy örttölüüçü kurmandıgıŋdı alıp kele berbe.

¹⁴Uruularıŋdın içinen Teŋir Özü kaysı jerdi tandap alsa, oşol jerge gana alıp kel. Oşol jerge bütündöy örttölüüçü kurmandıgıŋdı alıp kelip, men saga osuyattagandın bardıgın jasa.

¹⁵Birok kaysı jerde jaşasaŋ da, Kuday-Teŋiriŋ bergen maldı kaalaşıŋça Kuday-Teŋiriŋdin batası menen soyup jeseŋ bolot. Al mal jeyren bolobu, bugu bolobu, anı taza da, taza emes da adam jese bolot.

¹⁶Kanın gana jebegile, anı suu tökköndöy ele jerge tögüp salgıla.

¹⁷Eginiŋdin, şarabıŋdın, zaytun mayıŋdın ondon bir bölügün, bodo jana mayda malıŋdın birinçi tölün, ubada kılgan, ubada boyunça alıp kelüüçü kurmandıktarıŋdı, öz kaalooŋ boyunça alıp kelüüçü kurmandıktarıŋdı, öydö kötörö turgan kurmandıktarıŋdı üyüŋdö jebe.

¹⁸Alardı Kuday-Teŋiriŋ tandap algan jerde – Teŋirdin aldında baldarıŋ, kızdarıŋ, kuldarıŋ, küŋdörüŋ jana şaarıŋda jaşagan lebiler menen jep, Kuday-Teŋiriŋdin aldında öz koluŋdun emgegi üçün köŋül aç.

¹⁹Bayka, özüŋ jaşagan jerde lebilerdi ömürüŋ ötkönçö taştaba.

²⁰Kuday-Teŋiriŋ Özü aytkanday, jeriŋdi keŋeytkende, et jegiŋ kelip: “Et jegim kelip jatat”, – deseŋ, anda kaalaşıŋça je.

²¹Kuday-Teŋiriŋ Özünün ısımı bar bolup turuşu üçün tandap algan jer senden alıs bolso, anda men buyruganday, Teŋir bergen bodo jana mayda malıŋdan soyup, kaalaşıŋça üyüŋdö jey ber.

²²Birok alardı jeyren menen bugunu soyup jegendey je. Anı taza da, taza emes da adam jese bolot.

²³Birok kanın jebe, sebebi kan – bul jan. Janın eti menen koşo jebe.

²⁴Kanın jebe, anı suu tökköndöy ele jerge tögüp sal.

²⁵Teŋirge jakkan iş kılgıŋ kelse, anı jebe, oşondo özüŋö da, özüŋdön kiyinki baldarıŋa da jakşı bolot.

²⁶Teŋir tandap algan jerge özüŋdün ıyık nerseleriŋdi jana ubada boyunça alıp kelüüçü kurmandıktarıŋdı gana alıp kelseŋ bolot.

²⁷Oşol jerde bütündöy örttölüüçü kurmandıgıŋdı çal. Anın kanı menen etin Kuday-Teŋiriŋe, kurmandık çalınuuçu jayga alıp kel. Birok başka kurmandıktarıŋdın kanın Kuday-Teŋiriŋe kurmandık çalınuuçu jaydın janına tögüp sal, etin bolso je.

²⁸Kuday-Teŋiriŋe jakkan jakşı işterdi kılam deseŋ, özüŋö jana özüŋdön kiyinki baldarıŋa tübölükkö jakşı bolsun deseŋ, anda men aytıp jatkan uşul sözdördün baarın ugup, atkar.

²⁹Sen eelegeni bara jatkan jerdegi elderdi Kuday-Teŋiriŋ senin aldıŋdan jok kılganda, al jerlerdi eelep alıp, oturuktaşıp kalasıŋ.

³⁰Oşondo sak bol, alardı jok kılgandan kiyin, alardın jolun joldop, torgo tüşüp kalba, alardın kudayların izdep, “Bul elder öz kudaylarına kanday tabınışsa, men da oşondoy tabınam” debe.

³¹Kuday-Teŋiriŋe anday kılba, antkeni alar öz kudaylarına Teŋir jiyirkengen, jek körgön nerselerdi kılışat. Alar kudaylarına arnap baldarı menen kızdarın otko örttöşöt.

³²Men osuyattagandardın bardıgın atkarganga araket kılgıla. Alarga eç nerse koşpogula da, alardan eç nerse albagıla.